ရောဂါမဟုတ်ပါ...မြေကြပ်တာ (၂)

မြေကြပ်ရတဲ့အကြောင်းအရင်းတွေကို သိသွားပြီဆိုတော့ ဒီနေ့မှာ ပြုပြင်ထိန်းသိမ်းနည်းလမ်းလေးတွေကို ပြောပြပါ့မယ်။

(၁) ပါလိုက်နှင့် ဗာမီကူလိုက်အသုံးပြုခြင်း

မြေဆီလွှာလေဝင်လေထွက်ကောင်းပြီး ရေစိမ့်ဝင်မှုကိုမြှင့်တင်ပေးနိုင်မဲ့ ပါလိုက်နဲ့ ဗာမီကူလိုက်တို့ကို အသုံးပြု နိုင်ပါတယ်။ ပါလိုက်ဆိုတာကတော့ ကက်တက်စ်ပင်တွေရဲ့ မြေကြီးအရောတွေနဲ့ အခြားရေငတ်ဒဏ်ခံနိုင်တဲ့ မြေသားအရောတွေမှာအသုံးပြုနိုင်တဲ့ မြေအမျိုးအစားတစ်မျိုးပါ။ ဗာမီကူလိုက် (vermiculite)ကို သတ္တုတွင်း တွေကနေ တူးဖော်ပြီးတဲ့နောက် အပူပေးလိုက်တဲ့အခါ ပြန့်ကားကွေးကောက်လာပြီး ပိုးကောင်(worm)လေးတွေ လို ဖြစ်လာပါတယ်။ ဒါ့အပြင် အပူပေးလိုက်တာကြောင့် ပိုးသတ်ပြီး (sterilized)ဖြစ်သွားတယ်။ ပြန့်ကား လာတာကြောင့် ရေကိုပိုမိုစုပ်ယူထားနိုင်သလို ပိုးသတ်ထားသလိုဖြစ်တာကြောင့် အပင်တွေမှာ ပိုးမွှား ကျရောက် လာစေနိုင်မှုအတွက်လည်း စိုးရိမ်စရာ မလိုတော့ဘူးဖြစ်သွားစေပါတယ်။

(၂) ထွန်ယက်မှုလျှော့ချခြင်း

ထပ်ကာထပ်ကာ ထွန်ယက်ပြီး မြေကြီးကိုဖြိုခွဲထားတဲ့မြေဟာ ဇီဝနည်းနဲ့ လုပ်ဆောင်ထားတာ ဖြစ်တာကြောင့် မြေကြပ်ခြင်းဖြစ်စေဖို့ ပိုအားပေးပါတယ်။ မထွန်မယက်ထားခြင်းက မြေသားပေါင်းစည်းမှုမြင့်မားစွာ တည်ရှိနေပြီး မြေသားပျက်စီးတိုက်စားခံရမှုနည်းခြင်းနဲ့ ရေစီးနဲ့အတူ မျောပါသွားမှုတွေကနေ ကာကွယ်ပေးပါတယ်။ ဒါတွေကြောင့် မြေသားအောက်အလွှာထိ မြေကြပ်ခြင်းဖြစ်မှုကနေ ကာကွယ်ပေးပါတယ်။

(၃) မြေအစိုဓာတ်ရှိနေတဲ့အချိန်မှာ ကွင်းလုပ်ငန်းတွေမလုပ်ပါနဲ့

ခြောက်သွေ့နေတဲ့မြေဟာ စိုစွတ်တဲ့မြေထက် စက်ဒဏ်တွေကို ခံနိုင်ရည်ရှိပါတယ်။ ဒါ့အပြင် ဘီးကြီးပြီး အလေးချိန်များတဲ့စက်တွေက ခြောက်သွေ့တဲ့မြေမှာဆို မြေကိုဆိုးဆိုးရွားရွားကြီး ကြပ်မသွားစေပါဘူး။

(၄) မြေဆီလွှာကိုပုံမှန်စစ်ဆေးပါ

မြေဆီလွှာရဲ့ ခံနိုင်ရည်ရှိမှုလယ်ဗယ်နဲ့ အစိုဓာတ်ကိုစစ်ပေးနိုင်တဲ့ penetrometer (ပနထိုမီတာ)နဲ့ ပုံမှန် စစ်ဆေး နိုင်ပါတယ်။ စောစောသိလေ စောစောကုသနိုင်လေပေါ့။

(၅) သဘာဝမြေဆွေးများများထည့်ပေးပါ

ဩဂဲနစ်မက်တာတွေထည့်ပေးခြင်းက မြေသားသိပ်သည်းမှုကို လျော့ကျစေနိုင်ပြီး အကျိုးပြု အဏုဇီဝတွေ လုပ်ဆောင်ချက်ကို ပိုပံ့ပိုးပေးနိုင်ပါတယ်။ သဘာဝမြေဆွေးတွေ မြေဩဇာတွေ ထည့်သွင်းဖြန့်ကျက်ထားခြင်းက အာဟာရထောက်ပံ့ပေးပြီးသားဖြစ်သလို မြေမှုန်လေးတွေကြား နေရာအလွတ်ခြားထားပေးပြီးသား ဖြစ်စေနိုင် ပါတယ်။ တီကောင်လေးတွေ ထည့်ပေးလိုက်လို့ရှိရင်လည်း မြေမှုန်တစ်ခုနဲ့ တစ်ခုကြား နေရာလွတ်အောင် ကူညီပေးမှာပါတဲ့ရှင့်။

ပြီးတော့ ဦးကြီးတို့ရဲ့ ကြပ်နေတဲ့စိုက်ခင်းမြေတွေကို နွားချေး၊ ဖွဲပြာရောထားတဲ့မြေဆွေးနဲ့ စတီးဇွန်း ၃ ဇွန်းလောက် အပင်ခြေပတ်ချာလည်မှာ ခါးဆွပေးရတာတွေလည်း လုပ်ရမှာဖြစ်ပါတယ်။ ခါးဆွရာမှာလည်း စွန်မြီးသွားကိရိယာလေးနဲ့ ခပ်ပါးပါးလေးဆွပေးတာက အပင်အမြစ်လေးတွေပြန်လည်သန်စွမ်းဖို့ ကူညီပေးနိုင်ပါတယ်။

ကဲ..ဒီလောက်ဆို တစ်ခုခုဖြစ်တိုင်း ရောဂါဖြစ်တယ်မထင်တော့ပါဘူးနော်။

Ref: https://www.masterclass.com/articles/soil-compaction-guide

https://extension.umn.edu/soil-management-and-health/soil-compaction#:~:text=Soil%20compaction%20can%20influence%20plant,and%20less%20overall%20root%20mass.

https://www.minickmaterials.com/blog/all-about-soil-compaction-causes-challenges-solutions-a-guide

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...