စားကျက်မြေအတွက် stylo မြက် စိုက်ပျိုးနည်း

မြန်မာ-နယူးဇီလန် ကောင်းမွန်သော နို့စားနွားမွေးမြူမှုဖွံ့ဖြိုးတိုးတက်ရေး စီမံကိန်းမှ စတိုင်လို (၃) မျိုးတင်သွင်း စိုက်ပျိုးခဲ့ပါသည်။ (Ubon stylo, Shrubby stylo and Hamata stylo)အပင်ပုမျိုးဖြစ်ပြီး နှစ်ရှည်ခံပင်ဖြစ်သည်။ အမြဲတမ်းစားကျက်များတွင် စိုက်ပျိုးနိုင်ပြီး မျိုးစေ့ကျ အပင်ပြန့်ပွားနှုန်း ကောင်းမွန်သောကြောင့် တစ်နှစ်ထက်တစ်နှစ် အပင်ပွားနှုန်း ကောင်မွန် ပြီး ခြောက်သွေ့မှုဒဏ်ကိုလည်း ခံနိုင်သည်။ မြေဆီလွှာညံ့ဖျင်းမှုကို ခံနိုင်ရည်ရှိ၍ သဲဆန်သောမြေ၊ အက်စစ်ဆန်သော မြေ၊ ဂဝံဆန်သောမြေ များတွင် စိုက်ပျိုးနိုင်သည်။

အမြစ်ဖွဲ့စည်းမှု ကောင်းမွန်ခြင်း၊ နှစ်ရှည်ခံခြင်းနှင့် မျိုးစေ့ကျ ပေါက်နှုန်း ကောင်းသောကြောင့် မြေဆီလွှာ တိုက်စားမှု ကာကွယ်ရေး အစီအစဉ်များ တွင် စိုက်ပျိုးနိုင်သည်။ ဉပမာ- လမ်းဘေးဝဲ/ယာ ရေတိုက်စားမှု ကာကွယ်ရန်နှင့် သစ်တောများ မြေဆီလွှာတိုက်စားမှု ကာကွယ်ရန် စိုက်ပျိုးနိုင်သည်။ စားကျက်မြက်များနှင့် ရောနှောစိုက်ပျိုးနိုင်သည်။ လွှတ်ကျောင်းစားကျက် များတွင် (၄) ပတ်ခြား လွှတ်ကျောင်းနိုင်သည်။ အခြားမျိုးစေ့များနှင့်ရော၍ တစ်ဧက (ဝ.၅-၁) ကီလိုဂရမ်နှုန်း ဖြင့်စိုက်ပျိုး နိုင်သည်။ရာသီအစောပိုင်းတွင် မျိုးစေ့ထုတ်ရန်ခက်ခဲပြီး ထွက်နှုန်းနည်းသည်။ အာဟာရဓါတ်ပါဝင်မှုမှာ နည်းပါးသော်လည်း  နို့ခမ်းနွားများ၏ စားကျက် လွတ်ကွင်း၌ ကောင်းမွန်သည်။

Ubon Stylo သည် ရွံစေးမြေများတွင် ဖြစ်နှုန်းနည်းသည်။ Hamata stylo နှင့် Shrubby stylo များကဲ့သို့ ခြောက်သွေ့မှုကို ခံနိုင်စွမ်းမရှိပေ။ ရေဝပ်မှုကို အနည်းငယ်ခံနိုင်သည်။ အလွန်အမင်း လွှတ်ကျောင်းခြင်းကို ခံနိုင်စွမ်းမရှိပေ။ အခြား စတိုင်လိုများထက် မျိုးစေ့ကျ ဖြန့်ပွားမှုနှုန်း နည်း သည်။ မျိုးစေ့ထွက်နှုန်း တစ်ဧက (၂၀၀-၃၀၀) ကီလိုထုတ်လုပ် နိုင်သည်။ 

Hamata stylo သည် အလွန်မင်း လွှတ်ကျောင်းမှုဒဏ်ကို ခံနိုင်သည်။ မျိုးစေ့ထွက်နှုန်းကောင်းပြီး မျိုးစေ့ကျပြန်နံ့မှုမှာ အခြား စတိုင်လိုများထက် ကောင်းမွန်သည်။ မျိုးစေ့ကို စိုက်ပျိုးသည့်နှစ်မှာပင် ထုတ်လုပ်နိုင်ပြီး စားကျက်လွှတ်ကျောင်းသော နွား၏ခြေမှတဆင့် (သို့) ရေတို့နှင့်အတူ အခြားနေရာများသို့ ပြန့်နှုံမှု ပိုမြန်စေပြီး အပင်ပွားနှုန်းကောင်းသည်။ အခြား စတိုင်လိုများထက် အရသာပိုမို ကောင်းမွန်ပြီး ပိုးမွှားကျရောက်မှု ကိုလည်း ခံနိုင်ရည် ပိုမိုကောင်းမွန်သည်။ 

Shrubby stylo သည် အသီးသီးရန် အလွန်နှေးသော်လည်း အသီးသီး နောက်ပိုင်းတွင် အစေ့ကျအပင် ပေါက်မှုနှင့် ထုတ်လုပ်မှုမှာ မြေသြဇာ ညံ့သော နေရာများတွင် ရှင်သန်နိုင်သည်။ အရသာရှိမှုမှာ အသင့်အတင့် ရှိပြီး ခြောက်သွေ့မှုနှင့် ရောဂါကျရောက်မှုကို ခံနိုင်သည်။ မျိုးစေ့ထုတ်ရန် ခက်ခဲသည်။

မြန်မာ-နယူးဇီလန် ကောင်းမွန်သော နို့စားနွားမွေးမြူရေး ဖွံ့ဖြိုးတိုးတက်ရေး စီမံကိန်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်