စပါးပင်တွင်ဆာလဖာ ချို့တဲ့လက္ခဏာနှင့် ပြုပြင်ကုစားနည်းများ

ဆာလဖာ ချို့တဲ့လျှင်အရွက်များ၏ အစိမ်းရောင် chlorophyll ထုတ်လုပ်မှုနှင့် ပရိုတင်းဖြစ်ပေါ်မှုကိုထိခိုက်သဖြင့် အပင်ပုံပျက်ခြင်းနှင့် အစာချက်လုပ်ငန်းစဥ်များ ပျက်စီးစေသည်။ ကြီးထွားမှု နှင့် ရင့်မှည့်မှုနောက်ကျသည်။ ပင်ပိုင်းကြီးထွားသည့်အဆင့်တွင် ချို့တဲ့ပါက အထွက်နှုန်းများစွာထိခိုက်သည်။

ဆာလဖာဓါတ်ချို့တဲ့မှုမှာ ရေသွင်းစပါးတွင်တွေ့ရမှုနည်းပါးသည်။ ကြမ်းတမ်းသည့် ရေ၊လေတိုက်စားခံရမှု များကာ သံဓာတ်-iron oxide (Fe) များလွန်းသောမြေကွက်များ၊ အော်ဂဲနစ်ပစ္စည်းများပါဝင်မှုနည်းပါးလွန်းသောစိုက်ကွက်များ၊ သဲဆန်လွန်းသောစိုက်ကွက်များတွင် ဖြစ်လေ့ရှိသည်။

လက္ခဏာများ

မျက်မြင်အရတွင် နိုက်တြိုဂျင်ချို့တဲ့မှုနှင့် တူညီသည်ဟု ထင်ရသည်။ ရွက်ဖုံးပေါ်တွင် ရောင်မညီကွက်များ ဖြစ်ပေါ်ရာမှ အဝါရောင်သန်းလာပြီး ရွက်ဖျားပိုင်းသို့ တိုးချဲ့ဖြစ်ပေါ်လာသည်။ ပင်ပွားအဆင့်တွင် စပါးပင်တစ်ပင်လုံး အရောင်မညီမှုများ ဖြစ်ပေါ်သည်။ အပင်ပုပြီး ပင်ပွားနည်းသည်။ နှံစတို၍ အနှံခက်များပေါ်၌ ရင့်မှည့်ချိန်တွင် အစေ့များ လျော့နည်းသည်။

ပြုပြင်ရန်နည်းလမ်း

ဆာလဖာ ဓာတ်ချို့တဲ့မှုကို ပြုပြင်နိုင်မည့် လက်တွေ့ကျသောနည်းလမ်းကို ယခုအချိန်အထိ တိတိကျကျ မဖော်ထုတ်နိုင်သေးပါ။ သို့ရာတွင် ဖြစ်နိုင်ပါက-

ပျိုးထောင်ထားသော စပါးပျိုးဘောင်များတွင် ဆာလဖာ ပါဝင်သော မြေသြဇာ ထည့်သွင်းပေးပါ
စိုက်ခင်း မြေပြင်စဥ် ကောက်ရိုးများကို အားလုံးဖယ်ရှား၊ မီးရှို့မည့်အစား ၊ ချန်လှပ်ပြီး ထယ်ထိုးမြေမြှုပ်ပေးပါ
စပါးပင်သည် မြေတွင်းမှ ဆာလဖာကို စုပ်ယူစားသုံးမှု ပိုမိုကောင်းမွန်လာစေရန် အတွက် စပါးရိတ်သိမ်းပြီးပါက အခြောက်ထယ်ရေးပြင်ပေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။