“ဝက်မျိုးကောင်းမျိုးသန့် ရွေးချယ်နည်း”

22/04/2022 16:00 PM တွင် ဦးဇော်(dof) ဦးဇော်(dof) မှ ရေးသား

ဝက်မွေးမြူရေးအောင်မြင်စေဖို့ဆိုရင် ဝက်မွေးမြူသူများမှာ မျိုးကောင်းမျိုးသန့်ဝက်များကို ရွေးချယ်ဝယ်ယူတတ်ဖို့လည်း အရေးကြီးလှပါတယ်။ မျိုးကောင်းမျိုးသန့်ဝက်များ ရွေးချယ်ရာမှာ -

(၁) အသားတိုးဝက် ရွေးချယ်ခြင်း၊

(၂) မျိုးဝက်မ ရွေးချယ်ခြင်း၊

(၃) မျိုးဝက်သိုး ရွေးချယ်ခြင်းဟူ၍ ရှိကြပါတယ်။

 

(၁)အသားတိုးဝက် ရွေးချယ်ရာတွင်-

တုတ်ခိုင်ပြီး အသားများခြင်း၊

အလျားရှည်ပြီး ဒေါင်ကောင်းခြင်း၊ တင်ပါးနှင့် ပုခုံးများတွင် အသားများပြည့်ဖြိုးခြင်း၊

- အရိုးအဆစ်ကြီးထွားသန်မာပြီး သွားလာလှုပ်ရှားမှုသွက်ခြင်း၊

ရင်အုပ်ကျယ်၍ ခန္ဓာကိုယ်ဇောက်နက်ခြင်း၊

အစာစားနှုန်း ကောင်းခြင်း၊

မျိုးရိုးရာဇဝင်ကောင်းခြင်း၊(ဥပမာ-ကြီးထွားနှုန်းကောင်းခြင်း)တို့ ရှိရပါမည်။ 

 

(၂)မျိုးဝက်မရွေးချယ်ရာတွင် -

- ဝလွန်း၊ပိန်လွန်းခြင်း မရှိဘဲ အလျားရှည်ခြင်း၊ ဗျက်ကျယ်ခြင်းနှင့် ကိုယ်ခန္ဓာပုံစံကျနပြီး ကြွက်သားများသန်မာခြင်း၊

- နို့တိုင်အရေအတွက်သည် အနည်းဆုံး(၁၂)တိုင်ရှိပြီး အကွာအဝေးတူညီခြင်း၊

- သားပေါက်နှုန်းမှာ (၁၀)ကောင်မှ(၁၂)ကောင်ရှိပြီးသားပေါက်အရွယ် တူညီခြင်း၊

- သားထိန်းကောင်းမွန်ခြင်း၊

- လိင်အင်္ဂါပိုင်းဆိုင်ရာ(အမတန်ဆာ)ကောင်းမွန်စွာဖွံ့ဖြိုးခြင်း၊

- ကိုယ်ခန္ဓာအချိုးအစားနှင့် အလေးချိန်ကြီးမားသဖြင့် ခြေထောက်များသန်မာခြင်းတို့ ရှိရပါမည်။ 

 

(၃) မျိုးဝက်သိုး ရွေးချယ်ရာတွင် -

- ပြင်ပအသွင်အပြင်များအရ ဝက်သိုးအင်္ဂါရပ်နှင့် ညီညွတ်ပြည့်စုံမှုရှိခြင်း၊

- ဝလွန်းခြင်း၊ပိန်လွန်းခြင်း မရှိဘဲ သန်မာပြီး ကြွက်သားများကျစ်လစ်မှုရှိခြင်း၊

- ပေါင်ရိုးရှည်၍ ဒူးအောက်ပိုင်းအရိုးသည် ကြီးမား၍တိုခြင်း၊

- ဖျတ်လတ်မှုရှိခြင်း၊

- စိတ်ပိုင်းဆိုင်ရာ အသွင်အပြင်များဖြစ်သည့် ယဥ်ပါးလွယ်ခြင်း၊အမိန့်နာခံခြင်း စသည့် လက္ခဏာများရှိခြင်း၊

လိင်အင်္ဂါပိုင်းဆိုင်ရာ(အထီးတန်ဆာ)ကောင်းမွန်စွာဖွံ့ဖြိုးခြင်း(ပထမဦးဆုံး သားတင်သောအသက်သည် (၈)လ ရှိရပါမည်။)

 

ဒီတော့ မျိုးအကောင်းဆုံးဝက်တွေကို ရွေးချယ်ဝယ်ယူနိုင်ပြီး စီးပွားဖြစ်နိုင်ကြပါစေ။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်

 

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်