ဝက်ငယ်လေးများ၊ အသားတိုးဝက်များနှင့် ဝက်သိုးများအား စနစ်တကျ ပြုစုစောင့်ရှောက်နည်း

(က) ဝက်ငယ်လေးများအား ပြုစုစောင့်ရှောက်ခြင်း

မွေးကင်းစ ဝက်ငယ်လေးများအား ပြုစုစောင့်ရှောက်ရာတွင် -

- မွေးစဝက်ငယ်လေးများ၏ နှာခေါင်း၊ ပါးစပ်နှင့် ခန္ဓာကိုယ်တွင်ရှိသော အရိအချွဲများ ပြောင်စင်စေရန် အဝတ်စဖြင့် သုတ်ပေးရပါမည်။

- ချက်ကြိုးကို ဝမ်းဗိုက်မှ ၂ လက်မခန့်အကွာမှ ကြိုးချည်ပြီး ဖြတ်ပေးရပါမည်။

- မွေးဖွားနေစဥ်တွင် တစ်ကောင်ချင်းမွေးဖွားလာသော ဝက်ငယ်ကလေးများကို ကောက်ရိုး (သို့) မြက်ခြောက် (သို့) သေတ္တာ (သို့) တောင်းအတွင်းသို့ ထည့်ပေးရပါမည်။

- ထိုသို့ပြုလုပ်ပေးခြင်းအားဖြင့် ဝက်ငယ်လေးများ အအေးမိခြင်းဒဏ်မှ ကာကွယ်နိုင်မည်ဖြစ်သလို ဝက်မကြီး မတော်တဆနင်းမိခြင်းမှလည်း ကာကွယ်နိုင်မည်ဖြစ်ပါသည်။

မွေးပြီး ဝက်ငယ်လေးများအား ပြုစုစောင့်ရှောက်ရာတွင်-

- မွေးပြီး ၂ ရက်အတွင်း ဝက်ငယ်လေးများကို စွယ်သွားဖြတ်ပေးရပါမည်။

- ဝက်ငယ်၏အသက် (၂-၃) ရက်အတွင်း အမြီးဖြတ်ပေးရပါမည်။

- ဝက်ငယ်အသက် ၃ ရက်သားခန့်တွင် သံဓာတ်အားဆေး ထိုးပေးရပါမည်။

- ဝက်ကလေး၏အသက် ၇ ရက်မှစ၍ ဝက်ငယ်စာများကို ကောင်းစွာ ကျွေးမွေးပေးရန် လိုအပ်ပါသည်။

- အသားတိုးမွေးမည့်ဝက်ထီးများအား(၂၁)ရက်တွင် သင်းကွပ်ပေးရန်လိုအပ်ပါသည်။

- ဝက်ဝမ်းကျကာကွယ်ဆေးကို ဝက်အသက် ၁ လခွဲတွင် ထိုးနှံပေးရပါမည်။

- ဝက်ငယ်လေးများမွေးပြီး ၄ ပတ်အထိ သေဆုံးမှုများတတ်သောကြောင့် အထူးဂရုပြုရန် လိုအပ်ပါသည်။

- မွေးပြီး ၁၂ နာရီအတွင်းတွင် ချပေးသည့် နို့ဦးရည်ကို ဝက်ငယ်လေးများအားလုံး သောက်သုံးနိုင်ရန်အတွက် ဆောင်ရွက်ပေးရန်လိုအပ်ပါသည်။

- ဝက်ငယ်လေးများ၏ သားခွဲရက်ကို (၄၅)ရက်ထက် မကျော်ရပါ။ သို့မှသာ ဝက်မကြီး နောက်တစ်ကြိမ် သားပြန်တောင်းချိန် စောမည်ဖြစ်ပါသည်။

ဝက်ငယ်များ သေဆုံးနှုန်းများသည့် အခြေအနေများမှာ -

- အသက်ကြီးသည့် ဝက်မများမှမွေးခြင်း၊

- မွေးစတွင် ကိုယ်အလေးချိန် နည်းလွန်းခြင်း၊

- မွေးဝက်ငယ်ကောင်ရေများခြင်း၊

- ဝက်မွေးလှောင်အိမ်၊ အနွေးပေးပုံးစသည်တို့ဖြင့် စနစ်တကျ မွေးမြူမှုမရှိခြင်း၊

- နို့ဦးရည် မသောက်စို့ရခြင်း စသည်တို့ ဖြစ်ပါသည်။

(ခ) အသားတိုးဝက်များအား ပြုစုစောင့်ရှောက်ခြင်း

- အသားတိုးဝက်များအား အစာကျွေးရာတွင် စားနိုင်သလောက်ကျွေးပေးခြင်းစနစ်ကို ကျင့်သုံးသင့်ပေသည်။

- အရွယ်တူဝက်များကို ရွေးချယ်၍ အုပ်စုလိုက်ထားပါ။

- နေ့စဥ်ရေချိုးပေးနိုင်လျှင် ပိုမိုကောင်းမွန်ပါသည်။

- ဝက်ခြံသည် လေဝင်လေထွက်ကောင်းမွန်၍ အနံ့အသက် ကင်းရပါမည်။

- အစာခွက်၊ရေခွက်များကို လုံလောက်အောင်ထားပေးရပါမည်။

- ကျွေးမွေးသည့်အစာတွင် လိုအပ်သည့်အာဟာရပြည့်ဝစွာ ပါရှိရပါမည်။

- ဝက်များ၏ သွားလာလှုပ်ရှားမှုများနှင့် ကျန်းမာရေးအခြေအနေများကို နေ့စဥ်နံနက် ၁ကြိမ်၊ ည ၁ကြိမ် စစ်ဆေးရန်လိုအပ်ပါသည်။

(ဂ) ဝက်သိုးများအား ပြုစုစောင့်ရှောက်ခြင်း

- အသက် ၈ လ အောက်တွင် ဝက်သိုးအဖြစ် စတင်အသုံးမပြုရပါ။ ၈ လ တွင် အရွယ်ရောက်သော်လည်း ဖြစ်နိုင်လျှင် ၁၂ လခန့်တွင်မှ ဝက်သိုးအဖြစ် အသုံးပြုပါက ပိုမိုကောင်းမွန်ပါသည်။

- အသုံးပြုစတွင် သားစပ်ခြင်းကို ၁ ပတ်လျှင် ၂ ကြိမ်ထက် မပိုစေရပါ။

- အသက် ၁ နှစ်အတွင်း ဝက်သိုးများကို ၁ ပတ်လျှင် ၂ ကြိမ်မှ ၄ ကြိမ်အထိ အသုံးပြုနိုင်ပါသည်။

- အသက် ၂ နှစ်ကျော်အရွယ်ဝက်သိုးကို တစ်နေ့ ၁ ကြိမ် သားစပ်နိုင်ပါသည်။ တစ်ခါ တစ်ရံ ၂ ကြိမ်ထိ သုံးနိုင်ပါသည်။

- အစာကျွေးရာတွင် ကြီးထွားနှုန်းကောင်းမွန်စေရန်မှာ အဓိကဖြစ်သော်လည်း မဝလွန်းစေရန် အထူးသတိပြုရပါမည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ