ရေထွက်ကုန်အရည်အသွေးနှင့် ငါးများပုပ်သိုးခြင်းအကြောင်း သိကောင်းစရာ

ရေထွက်ကုန် အရည်အသွေးဆိုတာ ဘာလဲ?

ရေထွက်ကုန်အရည်အသွေးဆိုတာ စားသုံးသူတစ်ဦးချင်း၏ အနေအထားနှင့် ဦးစားပေးမှုအပေါ်မူတည်ပါသည်။ စားသုံးသူအများစုအတွက် အစားအသောက် ဘေးကင်းလုံခြုံမှုသည် အရေးကြီးဆုံးဖြစ်ပြီး အချို့အတွက် စျေးနှုန်းသည်လည်း အရေးကြီးပါသည်။ ထို့ပြင်-

- ရေထွက်ကုန်၏ သွင်ပြင်လက္ခဏာ(သို့)လက်ရှိအနေအထား၊

- အနံ့၊အရသာနှင့် ရေထွက်ကုန်၏ အထိအတွေ့ အနေအထား၊

- အာဟာရတန်ဖိုး(သို့မဟုတ်)အာဟာရစစ်စစ်၊

- လိုအပ်ချက်နှင့် ကိုက်ညီမှု၊

- အစားအသောက် ဥပါဒ်ကင်းမှုတို့ ပါဝင်ပါသည်။

ရေထွက်ကုန် အရည်အသွေး ဘယ်လိုတွေကြောင့် ပြောင်းလဲသွားတာလဲ?

(က) ထုတ်လုပ်ခြင်း၊ မွမ်းမံခြင်းနှင့် ကိုင်တွယ်ခြင်း အားနည်းချက်များ၊

(ခ) ငါးများသေဆုံးပြီးနောက် သဘာဝပြောင်းလဲမှုများ ၊

(ဂ) သေဆုံးပြီးနောက် ပြောင်းလဲခြင်း၊

(ဃ) အလိုအလျောက် ပျက်စီးခြင်းနှင့် ဇီဝဓာတုဆိုင်ရာပြောင်းလဲမှုများ၊

(င) အဏုဇီဝဆိုင်ရာ ပေါက်ပွားမှုနှင့် သက်ဝင်လှုပ်ရှားမှုများ(၉၅%)၊

(စ) ဓာတုဆိုင်ရာ ပြောင်းလဲမှုများ(ဆီဂျီးစော်နံခြင်း)၊

(ဆ) ရုပ်ပိုင်းဆိုင်ရာ ပြောင်းလဲမှုများတို့ ဖြစ်ကြသည် ။

အထက်ပါပြောင်းလဲမှုများသည် ငါးများအား ပုပ်သိုးခြင်းကို ဖြစ်စေနိုင်ပါသည်။

ငါးများ(ရေထွက်ကုန်များ)ပုပ်သိုးခြင်းကို ဘယ်လိုဆုံးဖြတ်မလဲ?

ရေထွက်ကုန်များ ပုပ်သိုးမှုဆိုသည်မှာ ရေထွက်ကုန်များ၏ မူလအာဟာရတန်ဖိုး၊ အသားအနေအထား၊ အရသာများ ပျက်စီးခြင်းများဖြစ်ပြီး စားသုံးရန် မသင့်တော့ခြင်းကို ဆိုလိုပါသည်။

(က) ရေထွက်ကုန်များသည် ဖမ်းဆီးပြီး မကြာမီအချိန်တွင် အင်ဇိုင်းများ ဓာတ်တိုးခြင်းနှင့် အဏုဇီဝပိုးမွှားများ ထိုးနှက်မှုကြောင့် ပျက်စီးလာတတ်သည်။

(ခ) ရေထွက်ကုန်များ ပုပ်သိုးမှုလက္ခဏာများတွင် အရောင်၊ အသားပြောင်းလဲခြင်း၊ အနံ့အသက်ဆိုးရွားခြင်း(သို့ ) ဆိုးရွားသောအရသာ စသည့် ခြားနားသော သွင်ပြင်အနေအထားများ ဖြစ်လာခြင်းတို့ ဖြစ်သည်။

ဘာအကြောင်းကြောင့် ငါးများပုပ်သိုးမှုကို ဖြစ်စေတာလဲ?

- အပူချိန်သည် ငါးပုပ်သိုးမှုကို အဓိကလွှမ်းမိုးသည့် အချက်တစ်ခုဖြစ်ပါသည်။

ငါးပုပ်သိုးမှုအတွက် အချိန်ဘယ်လောက်ယူရသလဲ?

- အပူချိန် (၂၅-၃၅)ဒီဂရီ ဆဲလ်စီးယပ်စ်ရှိသော နေရောင်ခြည်အောက်တွင် ငါးများကို (၆-၈)နာရီခန့် ထားထားပါက ပုပ်သိုးနိုင်ပါသည်။

- အပူချိန်(၂၀-၂၅)ဒီဂရီဆဲလ်စီးယပ်စ်ရှိသော အရိပ်ထဲတွင် ငါး များကို (၁၂-၁၆)နာရီအကြာ ထားထားပါက ပုပ်သိုးနိုင်ပါသည်။

- အအေးခန်းအတွင်း ရေခဲမပါဘဲ ထားပါက (၅-၇)ရက်အတွင်းငါးများ ပုပ်သိုးနိုင်ပါသည်။

- အအေးခန်းအတွင်း ရေခဲနှင့်ထားပါက (၁၄-၂၀)ရက်အတွင်း ငါးများပုပ်သိုးနိုင်ပါသည်။

ပုပ်သိုးနေသောငါးများကို စားသုံးမိလျှင် ဘာဖြစ်နိုင်လဲ?

- အစာအဆိပ်သင့်ခြင်းကို ဖြစ်စေပါသည်။

အစာအဆိပ်သင့်ခြင်းဆိုတာ..

အစာအဆိပ်သင့်ခြင်းကို အစားအသောက်မှ ဖြစ်စေသော ရောဂါဟုလည်းခေါ်ပြီး မသန့်သောအစားအသောက်အား စားသုံးမိခြင်းကြောင့် ဖြစ်စေနိုင်ပါသည်။

(က) ကူးစက်စေနိုင်သော ရောဂါပိုးများဖြစ်သော အဏုဇီဝပိုး မွှားများ၊ ဗိုင်းရပ်စ်များနှင့် ကပ်ပါးပိုးများ(သို့မဟုတ်)၄င်းတို့၏ အဆိပ်များသည် အစာအဆိပ်သင့်ခြင်းကို ဖြစ်ပေါ်စေနိုင်ပါသည်။

(ခ) ကူးစက်စေနိုင်သော ရောဂါပိုးများ(သို့) ၄င်းတို့၏အဆိပ်များသည် ပြုပြင်မွမ်းမံခြင်း(သို့) ထုတ်လုပ်ခြင်း စသည့်နေရာများမှ အစားအသောက်သို့ ညစ်ညမ်းစေနိုင်ပါသည်။ အကယ်၍ အိမ်တွင် အစားအသောက်များကို မှားယွင်းကိုင်တွယ်မိလျှင် (သို့) ချက်ပြုတ်မိလျှင် ညစ်ညမ်းမှုဖြစ်စေနိုင်ပါသည်။

(ဂ) အစာအဆိပ်သင့်ခြင်း လက္ခဏာများသည် မသန့်သော အစားအသောက်အား စားပြီး နာရီပိုင်းအတွင်း မူးဝေခြင်း၊ အော့အန်ခြင်း (သို့) ဝမ်းလျှောခြင်းစသည်တို့ စတင်လာပါသည်။ အစားအသောက်မှ ဖြစ်ပွားတတ်သော ရောဂါများကို ကာကွယ်ရန် အစားအသောက်များ ဥပဒ်ကင်းစေရန် အချက် ၅ချက်မှာ -

၁။ ရောဂါဖြစ်ပွားစေနိုင်သော ပိုးများသေစေရန်အတွက် အစားအသောက်များအား သင့်လျော်သောအချိန်နှင့် သင့်လျော်သော အပူချိန်တို့တွင် ချက်ပြုတ်ရန်။

၂။ ချက်ပြုတ်ထားသော အစားအသောက်များနှင့် ကုန်ကြမ်းပစ္စည်းများကို သီးခြားစီခွဲထားရန်။

၃။ အစားအသောက်များအား သင့်လျော်သော အပူချိန်တွင် သိမ်းဆည်းရန်။

၄။ လူ၊ အိမ်မွေးတိရစ္ဆာန်များနှင့် ပိုးမွှားများမှတစ်ဆင့် ပျံ့နှံ့လာသော အစားအသောက်များသို့ ရောဂါဖြစ်ပွားစေနိုင်သော ပိုးများ ညစ်ညမ်းနေမှုကို ကာကွယ်ရန်။

၅။ ဘေးဥပဒ်ကင်းသော ရေနှင့် ကုန်ကြမ်းပစ္စည်းများအား အသုံးပြုရန်တို့ ဖြစ်ကြသည်။

Ref: ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...