ဖရဲသီးဈေးကောင်းရဖို့ မှည့်ပြောက်စွန်းရောဂါကာကွယ်စို့

    ဖရဲသီးစိုက်ပျိုးသော တောင်သူဦးကြီးတို့အနေဖြင့် မိမိအခင်းတွင် မျိုးစေ့ဆောင်မှည့်ပြောက်စွန်းရောဂါ ကျရောက်ခဲ့မည်ဆိုပါက ရောဂါလက္ခဏာများ သိရှိစေရန်နှင့် ကာကွယ်နှိမ်နင်းနည်းများကို ဖော်ပြလိုက်ရပါသည်။

    ဖရဲသီးအား မြန်မာနိုင်ငံဒေသအနှံ့အပြားတွင် စိုက်ပျိုးကြပြီး ရေဓာတ်ပါဝင်မှုများပြားကာ စားကောင်းသော ဆေးဖက်ဝင်သီးနှံတစ်မျိုးဖြစ်သည်။ အသီးကြီးထွားချိန်သည် မြေကြီးနှင့် ထိတွေ့မှုများသောကြောင့် အသီးလှ၍ ဈေးကွက်ဝင်စေရန် အထူးဂရုပြုစိုက်ပျိုးမှသာ ရောဂါကင်းလွတ်ပေလိမ့်မည်။

မှည့်ပြောက်စွန်းရောဂါအကြောင်း

    မှည့်ပြောက်စွန်းရောဂါဖြစ်စေသော မှို၏အမည်မှာ Colletotrichum.sp ဖြစ်သည်။ မျိုးစေ့ဆောင်ရောဂါဖြစ်သောကြောင့် မျိုးစေ့များအား မစိုက်ပျိုးမီ အထူးသတိပြုရန်လိုအပ်သည်။ ရောဂါကျရောက်မှုကို သိရှိနိုင်စေရန်လက္ခဏာမှာ ဖရဲပင်၏ ပင်စည်၊ အရွက်နှင့် ရွက်ညှာများပေါ်တွင် အစက်အပြောက်လေးများ ဖြစ်ပေါ်လာသည်။ အပင်သည် အသီးသီးချိန်ရောက်လာသည့်အခါ သီးကင်းများပေါ်သို့ အစက်အပြောက်မှိုမျှင်စုများ ကူးစက်ကျရောက်ပါသည်။ အသီးစသီးချိန်တွင် ရောဂါကျရောက်မှုပြင်းထန်ပါက အရွက်ကြွေခြင်း၊ အပင်ညှိုးခြင်းနှင့် အသီးအကင်းကြွေခြင်းများ ဖြစ်ပေါ်စေလာနိုင်ပါသည်။ ရောဂါပြင်းထန်စွာဖြစ်ပေါ်မှုသည် အသီးကြီးရင့်ချိန်တွင်ဖြစ်ပေါ်ပါက အသီး၏မျက်နှာပြင်တွင် နေလောင်နာကွက်များ ဖြစ်ပေါ်လာစေကာ အသီးအားဈေးကွက်မဝင် ဖြစ်စေပါသည်။ ရောဂါကျရောက်မှုအား သိသာစေသော လက္ခဏာများမှာ ဖရဲပင်၏အရွက်များနှင့် အသီးများပေါ်တွင် မည်းနက်ရောင် (သို့) ဝါမီးခိုးရောင်အစက်အပြောက်များကို မြင်နိုင်မည်ဖြစ်သည်။

ရောဂါကျရောက်မှုဖြစ်ပေါ်ရန် အခြေအနေများနှင့် ကူးစက်ပျံ့နှံ့မှုများ

• ဖရဲခင်းအားရေပေးသွင်းမှုများပြားခြင်း
• ဖရဲခင်းတွင် ပိုးမွှား၊ ပေါင်းပင်များ များပြားခြင်း
• ဖရဲပင်၏အရွက်များနှင့် ဖရဲခင်းတွင် စိုထိုင်းမှုပမာဏများပြားခြင်း (သို့) ရေဝပ်ခြင်း
• ခူးဆွတ်ရိတ်သိမ်းချိန်ပြီး ထုပ်ပိုးသိုလှောင်သောအချိန်တွင် အသီးများ ပူးကပ်စွာသိုလှောင်ခြင်းနှင့် အကာကွယ်မဲ့ထုပ်ပိုးခြင်း
• မိမိ၏ဖရဲခင်းသည် ရေသွင်းရေထုတ်နှင့် လေဝင်လေထွက်မျှတမှုမရရှိခြင်း
• အသုံးပြုသောပစ္စည်းကိရိယာများအား သန့်ရှင်းမှုမရှိခြင်း၊ တစ်နည်းအားဖြင့် တစ်ခင်းနှင့်တစ်ခင်း ရောဂါပျံ့နှံ့မှုဖြစ်စေရန် အခြေအနေပေးခြင်း

ကာကွယ်နှိမ်နင်းခြင်းနည်းလမ်းများ

    မှည့်ပြောက်စွန်းရောဂါသည် ပူနွေးစိုစွတ်မှုများသောအချိန်တွင် ဖြစ်ပေါ်စေနိုင်ပါသည်။ ထို့အပြင် ရောဂါဖြစ်စေသောသက်ရှိသည် အစေ့နှင့် အခြားသော အပင်ကြွင်းကျန်များတွင် ခို‌အောင်း နေနိုင်စွမ်းရှိသည်။ ထို့ကြောင့် အောက်ပါနည်းလမ်းများ အလွယ်တကူပြုလုပ်ဆောင်ရွက်ရန် လိုအပ်ပါသည်။

    မိမိအသုံးပြုမည့် ဖရဲမျိုးစေ့အား ရောဂါပါမပါသိရှိစေရန် မျိုးစေ့ကုသမှု ည်းလမ်းများပြုလုပ်ခြင်း (မိရိုးဖလာနည်းလမ်းများဖြင့် မျိုးစေ့အားရေပူစိမ်ခြင်းပြုလုပ်ခြင်း)

    ရောဂါကျရောက်သော အပင်နှင့် အပင်အစိတ်အပိုင်းများကို ဖျက်စီးခြင်း

    ရောဂါဒဏ်ခံနိုင်သောမျိုးများကို အသုံးပြုခြင်း

    ဖရဲခင်းကို လေဝင်လေထွက်ကောင်းလာစေရန်နှင့် ရေအလွန်အကျွံမသွင်းခြင်း

    အခင်းအား ဖရဲတစ်မျိုးတည်းစိုက်ပျိုးခြင်း မပြုလုပ်ဘဲ၂ နှစ် (သို့) ၃ နှစ်ခြား သီးလှည့်စိုက်ပျိုးခြင်း

    ဖရဲခင်းတွင် ပေါင်းပင်များ ဂရုပြု၍ရှင်းလင်းခြင်း

    အခင်း၏အစွန်း ဘောင်ပတ်လည်တွင် အခြားသောဘူးဖရုံမျိုးနွယ်ဝင်ပင်များပေါက်ရောက်နေမှုအား စစ်ဆေးခြင်း၊ ဖယ်ရှားခြင်း

    ဖရဲခင်း၏ စိုစွတ်စိုထိုင်းမှုအား စစ်ဆေးခြင်း

    ဖရဲခင်းအတွင်းသို့ သတိပြုဝင်ရောက်သွားလာခြင်း (ဖရဲပင်နှင့် အသီးများအား ဒဏ်ရာရမှုနည်းပါးစေခြင်း)

    အသီးရိတ်သိမ်းချိန်တွင် အသီးအားဒဏ်ရာရမှုနည်းပါးစေခြင်း (ရိတ်သိမ်းချိန်လွန်ရောဂါများ ကျရောက်မှုအား ကာကွယ်ခြင်း)

    ဓာတုနည်းလမ်းများဖြင့် နှိမ်နင်းလိုပါက မန်ကိုဇက်၊ ဘီနိုမိုင်း၊ ကတ်တာဖို ဆေးများအား အသုံးပြုနိုင်ပါသည်။

    များသောအားဖြင့် မှည့်ပြောက်စွန်းရောဂါကို ဓာတုနည်းဖြင့်နှိမ်နင်းမှုသည် ထိရောက်မှုရှိသော်လည်း မျိုးစေ့ဆောင်ရောဂါဖြစ်သောကြောင့် မစိုက်ပျိုးမီ မျိုးစေ့အားစစ်ဆေးရန် အထူးလိုအပ်ပါသည်။

Reference:

https://www.google.com/imgres?imgurl=http%3A%2F%2Foxfarm.co.ke%2Fwp-content%2fuloads%2F2020%2F01%2Fanthracnose.jpg&imgerfurl=http%3A%2F%2Foxfarm.co.ke%2Fagri-biz-insights%2Fhow-to-mange-anthracnose-in-watermelon%2F&tbnid=24I7U8yYp.J3J3M&Vet-12ahUkewido6vSt-rsAhvXwXMBHT-gA0wQygCegUIARDpAQ.i&doci=RVyyxoQH4laSGM&w=768&h=514&q=chemicals%20control%20anthracnose%20of%20watermelon&ved=2ahUKEwido6vSt-rsAhVXwXMBHT-gA0wQMyCegUIARDpAQ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်