ဝက်မွေးမြူရေးအောင်မြင်စေဖို့ မျိုးဝက်မများအား စနစ်တကျ ပြုစုစောင့်ရှောက်နည်း

09/06/2022 11:00 AM တွင် ဦးဇော်(dof) ဦးဇော်(dof) မှ ရေးသား

         ဝက်မွေးမြူရေးကို လုပ်ကိုင်သူများအနေဖြင့် မိမိတို့မွေးမြူထားသော မျိုးဝက်မများအား မည်သို မည်ပုံ စနစ်တကျ ပြုစုစောင့်ရှောက်ရမည်ကို သိရှိထားရန်လိုသဖြင့် ပြုစုစောင့်ရှောက်နည်းကို ဖော်ပြ ပေးလိုက်ပါသည်။

          မွေးဝက်မများကို ပြုစုစောင့်ရှောက်ရာတွင်(၁)မွေးခါနီး အချိန်ကာလ (၂)မွေးဖွားစဥ် အချိန်ကာလ နှင့် (၃)မွေးပြီးနို့ပေး ကာလဟူ၍ အပိုင်း ၃ပိုင်း ခွဲခြားနိုင်ပါသည်။ 

(၁) မွေးဖွားခါနီး အချိန်ကာလ

မျိုးဝက်မ၏ ကိုယ်ဝန်ဆောင်ကာလမှာ ၁၀၉-၁၂၅ရက် (၁၁၄)ရက် ဖြစ်ပါသည်။ သားမမွေးမီ ၂ပါတ်အလိုတွင် ဝက်မကြီးကို သားမွေးခန်းသို့ ပြောင်းထားရပါမည်။ ကိုယ်ဝန်ပျက်ကျခြင်းကို ကာကွယ် ရန်အတွက် သီးခြားထားရှိသင့်ပါသည်။ သားမွေးခန်းကို ဝက်မ မဝင်ခင် သေချာစွာ ပိုးသတ်ဆေး ကြောထားရပါမည်။

  သားမမွေးခင် ၁ပါတ်အလိုတွင် ဝက်မကို သန်ချပေးရပါမည်။ ဝမ်းချုပ်ခြင်းမရှိအောင် အထူး ဂရုစိုက်ရန် လိုအပ်ပါသည်။ သားမွေးခါနီး ဝက်မကြီးများ အနှောင့်အယှက်ကြုံနိုင် ပါက နို့ခမ်းခြင်းနှင့် မွေးကာစ ကလေးများကို ထိခိုက်ဒဏ်ရာ ရခြင်းများ ဖြစ်တတ်ပါသည်။ ဝက်မကြီး မွေးခါနီးတွင် အမ တန်ဆာမှာ ယောင်လာပါသည်။ အငြိမ်မနေ၊ အစာမစား၊ အသိုက်လုပ်တတ်ပါသည်။

        ထိုအချိန်မျိုးတွင် ကျေးလက်ဒေသတွင် မွေးမြူသူများ အနေဖြင့် ကောက်ရိုး(သို့)မြက်ခြောက် ခင်းထည့်ပေးပါ။ ဝက်မအများစုသည် အပူချိန်မြင့်သည့် နေ့အချိန်ထက် အပူချိန်လျော့နည်း၍ ရာသီဥတု အေးသည့် ညဥ့်နက်ပိုင်းတွင် ည၈နာရီမှ မနက် ၄နာရီအတွင်းတွင် အမွေးများသဖြင့် ညပိုင်းတွင် မီးအလင်း ရောင်ရရှိရေး ကြိုတင်စီစဉ်ပေးရပါမည်။ 

(၂) မွေးဖွားစဥ် အချိန်ကာလ

ဝက်မကြီး မွေးဖွားစဥ်တွင် လူ ၁ဦးမှ စောင့်ကြည့်ကူညီ ရန် လိုအပ်ပါသည်။အထူးသဖြင့် ဝက်မဒန်းများ၊ ညှပ်ရိုးကျဥ်းသည့် ဝက်မျိုးများ၊ ဝလွန်းသည့် ဝက်မများသည် မွေးဖွားရ ခက်ခဲတတ် ပါသည်။ မွေးဖွားစဥ် သားအိမ်ညှစ်အားနည်းပါက ဝက်မ၏ဗိုက်ကို လက်ဖဝါးဖြင့်ဖိကာ အောက်သို့ ဖြည်းညှင်းစွာ တွန်းပေးလိုက်၊ ပြန်လျော့လိုက် လုပ်ပေးရပါမည်။ အချင်း အားလုံး ကျ/မကျကို သေချာစွာ စောင့်ကြည့်ရပါမည်။

(၃) မွေးဖွားပြီး နို့ပေးကာလ

           ဝက်မကြီးမှ ဝက်ငယ်အားလုံးမွေးဖွားပြီး အချင်းများ ကျပြီးပါက မိနစ်၂၀ခန့် အနားပေးပြီးမှ ဝက် ငယ်များအားလုံးကို နို့ဦးရည်စတင်တိုက်ကျွေးပါ။ သို့မှသာ ဝက်မကြီးအနားရ၍ ပင်ပန်းမှုသက်သာ ပါမည်။

           နို့ပေးဝက်မကြီးများ ကျန်းမာရန်နှင့် မွေးဝက်ငယ်များ အားလုံးအတွက် နို့အလုံအလောက် ထုတ်ပေးနိုင်ရန် လွန်စွာအရေးကြီးပါသည်။ ဝက်မကြီးများ မကျန်းမာပါက နို့ထွက်နှုန်းလျော့နည်းခြင်း၊ နို့မထွက်ခြင်းတို့ကြောင့် ဝက်ငယ်များ ကိုယ်အလေးချိန် လျော့နည်းခြင်း၊ သေဆုံးခြင်းများဖြစ်၍ ဆုံးရှုံးမှု များနိုင်ပါသည်။ မွေးပြီး ၁၂ နာရီအတွင်း နို့ချပေးပါ သည်။

          နို့ပေးဝက်မများအား ကျွေးမွေးရမည့်အစာပမာဏမှာ ဝက်ငယ်၏ အသက်အရွယ်အလိုက် လိုအပ်သည့်နို့ပမာဏနှင့် ဝက်ငယ်အား အစာကျွေးမှုပေါ်မူတည်၍ အတိုးအလျော့လုပ်၍ ကျွေးမွေး ရမည် ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်