ပေါင်းမြက်ကြောင့် စပါးအထွက်လျော့နည်းမှု မဖြစ်စေရေး

စပါးအထွက်ကောင်းဖို့ အဖျက်အဆီးကင်းရပါမည်။ အဖျက်အဆီးတွင် ပေါင်းမြက်က တော်တော်ဆိုးသည်။ ပေါင်းမြက်ကြောင့် စပါးအထွက် သာမက အရည်အသွေးပါ ကျဆင်းတာတွေ မြင်တွေ့နေရသည်။

စပါးစိုက်ပျိုးရာတွင် ပျိုးထောင်ကောက်စိုက်ခြင်းနှင့် တိုက်ရိုက်အစေ့ချစိုက်ပျိုးခြင်းဟူ၍ ရှိသည်။ ယခုအခါ လုပ်သားရှားပါးမှုကြောင့် တိုက်ရိုက်အစေ့ချ ကြဲပက်စိုက်ပျိုးတာတွေ များလာသည်။ ပျိုးထောင်ကောက်စိုက်စပါးခင်းသည် တိုက်ရိုက်အစေ့ချစိုက် စပါးခင်းထက် ပေါင်းပင်ကို ပို၍ ယှဉ်ပြိုင်ကြီးထွားနိုင်သည်။ တိုက်ရိုက်အစေ့ချ စိုက်ပျိုးခြင်းသည် စပါးနှင့် ပေါင်းပင်တို့ ပြိုင်တူယှဉ်ပြိုင်ကြီးထွားသဖြင့် ပေါင်းမြက်ဖျက်ဆီးမှု ပိုမိုဆိုးရွားစေပါသည်။

ပေါင်းပင်၏ဆိုးကျိုးများ

ပေါင်းပင်သည် နေရောင်ခြည်၊ အပင်အာဟာရနှင့် ရေတို့ကို စပါးပင်နှင့် ယှဉ်ပြိုင်ရယူစားသုံးသည်။ ပေါင်းပင်က ဤသို့ အပြိုင်ကြီးထွားနေလျှင် စပါးပင်ညံ့ဖျင်း၍ စပါးထွက်လျော့နည်းစေနိုင်သည်။

ပေါင်းပင်သည် နိုက်ထရိုဂျင်မြေသြဇာ၏ အာနိသင်ကိုလျော့ပါးစေသည်။ စပါးခင်းကို ပေါင်းမသင်နိုင်ပါက နိုက်ထရိုဂျင်မြေသြဇာ များများထည့်လေ စပါးထွက်နည်းလေဖြစ်မည်။ ပေါင်းပင်သည် ထည့်လိုက်သော နိုက်ထရိုဂျင်မြေသြဇာကို စပါးနှင့် ယှဉ်ပြိင်လုယူစားသုံးလို့ ဖြစ်ပါသည်။

ဘက်စုံ ပေါင်းမြက်ကာကွယ်နှိမ်နင်းနည်း

စပါးခင်းတွင် တမန်းညက်အောင် ထွန်ယက်ပေးခြင်းသည် ပေါင်းနှိမ်နင်းနည်းတစ်မျိုး ဖြစ်သည်။ ညက်ညက်မထွန်သည့်အပြင် ကြမ်းတုံးဖြင့်လည်း ညီအောင်ညှိမပေးလျှင် ရေနေမညီပဲ ပေါင်းပင်များ ပေါက်စေနိုင်သည်။

ပေါင်းပင်နှိမ်နင်းရာတွင် လက်ဖြင့်ပေါင်းလိုက်ခြင်းသည် လွယ်ကူသော်လည်း အချိန်ကုန်သည်။ တမန်းနှိုးပေါင်းသင်ကရိယာဖြင့် ပေါင်းလိုက်ခြင်းမှာ လက်ဖြင့်ပေါင်းလိုက်ခြင်းထက် အလုပ်တွင်၍ ခရီးရောက်သည်။ တမန်းနှိုးပေါင်းသင်ကိရိယာသုံးနိုင်ရန် အတန်းလိုက်စိုက် ရန်လိုသည်။ တမန်းနှိုး ပေါင်းလိုက်ကိရိယာမသုံးမီ လယ်ထဲမှရေကို အနေတော်ဖြစ်အောင် ထုတ်ပေးရမည်။

ရေကို စနစ်တကျထိန်းသိမ်းပေးခြင်းဖြင့်လည်း ပေါင်းနှိမ်နင်းနိုင်သည်။ ပေါင်းမျိုးစေ့အများစုသည် ရေအောက်၌ အပင်စတင်မပေါက်နိုင်ကြပါ။ လယ်ကွက်တွင် ရေနှစ်လက်မမှ လေးလက်မအထိ လှောင်ထားခြင်းဖြင့် မြက်နှင့်မုန်ညှင်းမျိုးအချို့ကို ကာကွယ်နိုင်ကြောင်းသိရသည်။

တိုက်ရိုက် မျိုးစေ့ချစိုက်ပျိုးရာ၌ မျိုးစေ့နှုန်းများစွာ အသုံးပြုခြင်းဖြင့်လည်း ပေါင်းနှိမ်နင်းနိုင်သည်။ အပင်စိပ်စိပ်စိုက်ခြင်းတစ်မျိုး ဖြစ်သည်။ စပါးပင်စိပ်လွန်းလျှင် အလင်းရောင် ကောင်းစွာမရသဖြင့် ပေါင်းစေ့များ အပင်မပေါက်နိုင်ပါ။ ပေါင်းနည်းပါးသွားနိုင်ပါသည်။

ပေါင်းပင်များကို ပေါင်းသတ်ဆေးဖြင့်လည်း နိမ်နင်းနိုင်သည်။ ပေါင်းသတ်ဆေးသုံးစွဲရာတွင် ဆေးအမျိုးအစား၊ ဆေးနှုန်းထား၊ ဆေးဖျန်းရမည့် အချိန်တို့ကို မှန်ကန်စွာဆောင်ရွက်ရန်လိုသည်။

ပေါင်းပင်များကို နှိမ်နင်းရာတွင် နှိမ်နင်းနည်းတစ်မျိုးတည်း ဆောင်ရွက်ခြင်းဖြင့် ထိရောက်သည့်ကာကွယ်မှုကို မပေးနိုင်ပါ။ စပါးစိုက်ပျိုးရန် မြေပြုပြင်သည်မှစ၍ စပါးအပင်ပွားစည်းမှုကာလ ကုန်ဆုံးသည်အထိ ဘက်စုံပေါင်းမြက်ကာကွယ်နှိမ်နင်းနည်းစနစ်ကို ကျင့်သုံး၍ စပါးအထွက် မလျော့နည်းစေရေး ဆောင်ရွက်ရန် လိုအပ်ပါသည်။

ဆင်းသီဟ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ပေါင်းမြက်ကြောင့် စပါးအထွက်လျော့နည်းမှု မဖြစ်စေရေး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ပေါင်းမြက်ကြောင့် စပါးအထွက်လျော့နည်းမှု မဖြစ်စေရေး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရောဂါလေလား ပိုးလေလား

ပိုးသတ်ဆေးကို အန္တရာယ်ကင်းစွာ အသုံးပြုနည်း (Video)

တောင်သူများအတွက် အသုံးဝင်ပြီး ကုန်ကျစရိတ် သက်သာစေမည့် ဘော်ဒိုဆေးရည် ပြုလုပ်နည်း

{{ post.title }}