သဘာဝပိုးသတ်ဆေးအဖြစ်အသုံးပြုနိုင်သော အပင် (၆) မျိုး

အပင်အစိတ်အပိုင်းများမှ ထုတ်လုပ်သော ပိုးသတ်ဆေးများသည် အင်းဆက်များအပေါ်ထိရောက်မှုတွင် ဓာတုပိုးသတ် ဆေးများနှင့် နှိုင်းယှဉ်လျှင် နည်းပါးသည်ဟု ဆိုနိုင်သည်။ သို့သော်လည်း လူနှင့် ပတ်ဝန်းကျင်ကို ထိခိုက်မှု နည်းသဖြင့် အသုံးပြုသင့်သော ပိုးသတ်ဆေးအမျိုးအစားဖြစ်ပေသည်။

ပဒိုင်း

ပဒိုင်းပင်များသည် မိတ္ထီလာ၊ စစ်ကိုင်းနှင့် ရှမ်းပြည်နည်များတွင် အလေ့ကျအမြောက်အမြား ပေါက်ရောက်ပြီး အရွက်ကိုအခြောက်လှမ်း၍ အမှုန့်ပြုကာ အသုံးပြုနိုင်တဲ့အပြင် မီသနော (အရက်ပျံ) ပျော်ဝင်ရည်အဖြစ်လည်း ထုတ်လုပ်အသုံးပြုနိုင်သည်။ ယင်းဆေးဖြင့် ခူမွှေးရှည်၊ ရွက်စားပိုးများ၊ ငမြှောင်တောင်၊ ပိုးနဂါးနှင့် ပိုးကျိုးကောင်များ၏ အန္တရာယ်ကို ကာကွယ်နိုင်ပါသည်။ ပဒိုင်းရွက်များကို ကိုင်တွင်ပြီးလျှင်ပြီးချင်း လက်များကို ဆပ်ပြာဖြင့် စင်ကြယ်စွာဆေးကြောရန် သတိမမေ့သင့်ပါ။

ကြက်ဟင်းခါး

ကြက်ဟင်းခါးပင်ကို နိုင်ငံအနှံ့အပြားတွင် စားသုံးသီးပင်အဖြစ် စိုက်ပျိုးလေ့ရှိပြီး အရွက်နှင့် အသီးတို့ကိုသဘာဝပိုးသတ်ဆေးအဖြစ် အသုံးပြုနိုင်သည်။ အရွက်နှင့် အသီးတို့မှရရှိသော အရည်ဖြင့်လည်းကောင်း၊ မီသနော (အရက်ပျံ) ဖြင့် ရောနှော၍ ပိုးသတ်ဆေးစွမ်းအားထုတ်၍လည်းကောင်း၊ ခူမွှေးရှည်၊ ရွက်လိပ်ပိုးနှင့် ရွက်ဖြတ်ကျိုင်းကောင်များကို ကာကွယ်နိုင်ပါသည်။

ပဲစိမ်းစား

ပဲစိမ်းစားပင်ကို ပဲခူး၊ မိတ္ထီလာနှင့် မြန်မာနိုင်ငံအထက်ပိုင်းတို့တွင် စိုက်ပျိုးကြပြီး အစေ့ကိုသဘာဝပိုးသတ်ဆေးအဖြစ် အသုံးပြုနိုင်ပါသည်။ ပဲစိမ်းစားဆိုသည်မှာ အတောင့်နှင့် ဥစားမျိုးဖြစ်ပါသည်။ မျိုးယူပြီးကျန်သော ပဲစိမ်းစားများကို အခြောက်လှမ်းကာ အမှုန့်ပြု၍လည်းကောင်း၊ ရေဖြင့်စိမ်၍လည်းကောင်း၊ ကြမ်းပိုး၊ ဖြုတ်စိမ်း၊ ပင့်ကူနီ၊ ဟင်းသီးဟင်းရွက်စားပိုးများနှင့် ပဲမျိုးစုံရွက်စားပိုးများ နှိမ်နင်းရာတွင် အသုံးပြုနိုင်ပါသည်။

ကြခတ်ဝါး

နိုင်ငံအနှံ့အပြားတွင် ပေါက်ရောက်သော ကြခတ်ဝါးအစိုများကို ရေနှင့် အတန်ငယ်ခန်းအောင်ကျိုပြီး ယင်းရေကို ပိုးလောက်လမ်းများရှိသော ရေမြောင်းရေအိုင်အတွင်းသို့ ပက်ဖျန်းခြင်းဖြင့် ငှက်ဖျားရောဂါ သယ်ဆောင်သော ပိုးလောက်လမ်းများကို နှိမ်နင်းနိုင်ပါသည်။

ပေါက်ပင်

ပေါက်ပင်သည် နိုင်ငံအနှံ့အပြား ပေါက်ရောက်ပြီး ပေါက်စေ့အစိုတစ်ကျပ်သားကို ရေ သို့မဟုတ် အရက်ပြန် နို့ဆီဘူး သုံးပုံတစ်ပုံခန့်နှင့် တစ်ညစိမ်ပြီး ယင်၊ ခြင်နှင့် ပိုးလောက်ကောင်များကို ကာကွယ်နိုင်ပါသည်။

နွယ်သာကီ

နွယ်သာကီပင်ကို အိမ်များတွင် အလှစိုက်လေ့ရှိရာ နွယ်သာကီအရွယ်ကို သဘာဝပိုးသတ်ဆေးအဖြစ် အသုံးပြုနိုင်ပါသည်။ နွယ်သာကီ အရွက်တစ်ဆကို ရေ နှစ်ဆပြုတ်၍ လည်းကောင်း၊ နွယ်သာကီ အရွက်ခြောက်ကိုအမှုန့်ပြု၍ အရက်ပြန်နှင့် စိမ်ကာ တမာရွက်မီသနော ပြုလုပ်နည်းအတိုင်းပြုလုပ်၍လည်းကောင်း၊ ရွက်စားပိုး၊ ကျိုင်းကောင်နှင့် ပိုးလောက်လမ်းများကို နှိမ်နင်းနိုင်ပါသည်။

"အသိသတိရှိရှိဖြင့် အသုံးပြုရမည့် ပိုးသတ်ဆေး " စာအုပ်မှကောက်နုတ်ဖော်ပြထားခြင်းဖြစ်ပါသည်။

"အသိသတိရှိရှိဖြင့် အသုံးပြုရမည့် ပိုးသတ်ဆေး " စာအုပ်ကို အစိမ်းရောင်လမ်းရဲ့ ဈေးတန်းကြီးကဏ္ဍမှာရှိတဲ့ ဗွေဆော်ဦးစာအုပ်ဆိုင်မှာ အော်ဒါတင်နိုင်သလို ဈေးတန်းကြီး fb page chat box မှာအမည်၊ နေရပ်လိပ်စာ၊ ဖုန်းနံပါတ်လေးပေးပြီး လာရောက်ဝယ်ယူနိုင်ပါတယ်ရှင့်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သဘာဝပိုးသတ်ဆေးအဖြစ်အသုံးပြုနိုင်သော အပင် (၆) မျိုး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သဘာဝပိုးသတ်ဆေးအဖြစ်အသုံးပြုနိုင်သော အပင် (၆) မျိုး

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}