ဓာတုဆေးတွေဖျော်ရင် သတိပြုရမည့် " ရေ” အရည်အသွေး

စိုက်ပျိုးရေးဆေးများ မဖြစ်မနေ အသုံးပြုနေရတဲ့ တောင်သူမိတ်ဆွေများအတွက် ဆေး ဖျော်စပ်ရာမှာ အသုံးပြုတဲ့ ရေရဲ့ အရည်အသွေးပေါ်မူတည်ပြီး ဖျန်းလိုက်တဲ့ဆေးရဲ့ အာနိသင်ထိရောက်မှု အနည်းအများ ကွာခြားကြောင်းကို သတိပြုမိစေဖို့ ဒီစာစုကို ရေးသားရခြင်းဖြစ်ပါတယ်။

သင်္ကြန်မတိုင်မီက တောင်သူတယောက် ဖုန်းဆက်လို့ ကွင်းထဲအထိ လိုက်ကြည့်ဖြစ်ပါတယ်။ Fenoxapropအုပ်စု ပေါင်းသတ်ဆေးဖျန်းထားတာ ၇ ရက်ကျော်ပြီ။ ဒေါင်းမြီးပျံနဲ့ မြေစာမြက်မသေလို့ပါတဲ့။

ဖြစ်စဥ်ကို မေးကြည့်တော့ ဆေးနှုန်းထား၊ အစိုဓါတ်၊ ဆေးဖျန်းရမယ့်ရက် စသဖြင့် အားနည်းချက်မတွေ့ရပါဘူး။ မသေတဲ့ မြက်ပင်ကို နှုတ်ကြည့်တော့ အမြစ်ဇုန်မှာနှစ်ထပ်ဖြစ်နေတယ်။

ပထမတထပ်က အမြစ်သေပေမယ့် ဒုတိယတထပ်က အမြစ်သစ်ပြန်ထွက်လို့မသေတာပါ။

အဲဒီတော့မှ ဆေးဖျော်တဲ့ ရေကို သတိပြုမိသွားတယ်။

( မြောင်းထဲက ရေတွေက နောက်နေပါတယ်)

ရေရဲ့ ပီအိပ်ချ်တိုင်းကြည့်တော့ ၆.၅ ပါ။ ဖျန်းထားတဲ့ ဆေးအုပ်စုက fenoxaprop အုပ်စု။ ဒီအုပ်စု ဆေးက ပီအိပ်ချ် ၄ - ၆အတွင်းမှာ တည်ငြိမ်ပါတယ်။ ethyl ester အက်ဆစ်ပုံစံ ဖြစ်လို့ အချဥ်ကဲတဲ့ အနေအထားမှာ အာနိသင်ပိုရှိပါတယ်။

ဒါတွေကို တောင်သူကိုနားလည်အောင်ရှင်းပြပြီး ကျနော်ကိုယ်တိုင် ဆေးဖျော်ပေးလိုက်ပါတယ်။

ဒီနေရာမှာ ရေရဲ့ ပီအိပ်ချ်ကို ထိန်းညှိခြင်း ဆိုတာလေး ပြောပြဖို့လိုပါမယ်။

ပေါင်းသတ်ဆေး အတော်များများက ပီအိပ် ၅-၆ ကြားမှာ တည်ငြိမ်တာများပါတယ်။ အက်ဆစ်ပုံစံနဲ့ထုတ်လုပ်ကြပါတယ်။

ဒါကြောင့် ပေါင်းသတ်ဆေးဖျန်းရာမှာ ရေကို အချဥ်ဖက်ဦးတည်တဲ့ ထိန်းညှိခြင်းပြုလုပ် ပေးသင့်ပါတယ်။ ဒီအတွက် Buffering agent လို့ ခေါ်တဲ့ ကြားခံပစ္စည်းထည့်ပေးရပါတယ်။

(ဥပမာ ဂလိုင်ဖိုဆိတ် ဖျန်းရင် ယူရီးယားထည့်ပြီးဖျန်းသလိုမျိုးပေါ့)

ဒါကြောင့် ကျနော်လည်း ရေပုံးထဲကို သံပုရာသီးတလုံး အရည်ညှစ်ထည့်ပါတယ်။ပီအိပ်ချ် ပြန်တိုင်းကြည့်တယ်။ ၅.၅ အောက်ဖြစ်သွားတယ်။ အိုကေ။ Fenoxaprop ၇၀ စီစီ ထည့်မွှေ ပြီး တခါပြန်တိုင်းကြည့်တယ်။ pH 5 ဖြစ်သွားပြီ။ ဖျန်းလို့ရပြီ။

ဒီနေ့ တော့ ဖုန်းဆက်လာတယ်၊ ခုမှ အိုကေသွားတယ်ဆရာရေ..တဲ့။

ဒေါင်းမြီးပျံသတ် ဆေး(fenoxaprop..)မှာ စပါးပင်မနာအောင် Isoxadifen ဘေးကင်းပစ္စည်းပါရင်.. ဖျန်းရေကို ပိုပြီးဂရုစိုက်ရပါတယ်။ အငွေ့ပျံလွယ်တတ်လို့ ရေကိုပြုပြင်ဖို့ လိုအပ်တာကြောင့်ပါ။

(ဒါကြောင့် ရှာလကာရည်/သံပုရာရည်ထည့်တာပါ။)

အထူးသဖြင့် ပေါင်းသတ်ဆေးထဲမှာ ဂလိုင်ဖိုဆိတ်( ရွေးချယ်မဲ့) နဲ့ ဖိနောက်ဇာပရော့( ဒေါင်းမြီးပျံဆေး) တွေဟာ ရေသန့်သန့်နဲ့ အက်ဆစ်ပုံစံမှာ အာနိသင်ပိုထက်ပါတယ်။

2-4-d ပေါင်းသတ်ဆေးမှာတောင် ဖော်မြူလာပေါ်မူတည်ပြီး အက်ဆစ်ကြိုက်နဲ့ အယ်လ်ကာလီကြိုက်ခြင်း ကွာခြားပါတယ်။

2-4 d ဆိုပေမယ့် amine လား? esterလား? ကွဲပါတယ်။

Amine ဆိုရင် အယ်ကာလီမှာ တည်ငြိမ်ပေမယ့် ester ဆိုရင် အယ်ကာလီမှာ အငွေ့ပျံလွယ်ပါတယ်။

ပိုးသတ်ဆေးအများစုကတော့ pH - 7 မှာ တည်ငြိမ်ပါတယ်။ (profenofos အုပ်စုကလွဲရင် ပေါ့)

အဓိက သတိပြုရမယ့်အချက်များကတော့...

၁။ ရေကြည် ဖြစ်ရပါမယ်

ရေနောက်ရင်၊ ပျော်ဝင်နေတဲ့ သတ္တုဓာတ်တွေက ...

ပေါင်းသတ်ဆေးနဲ့ဓာတ်ပြုပြီး အာနိသင် လျော့နိုင်ပါတယ်။

(ရေပုံးထဲ လက်ထောက်ကြည့်လို့ ကိုယ့်လက်ကိုယ် ပြန်မမြင်ရရင် ရေနောက်တယ်လို့ယူဆပါ။)

၂။ အရပ်ခေါ် ရေငန်လို့ယူဆရတဲ့ ရေနဲ့ ပေါင်းသတ်ဆေး မဖျန်းသင့်ပါ။

( ရွေးချယ်စရာမရှိပါက Buffering agentအဖြစ် ရှာလကာရည်၊ သံပုရာရည် တမျိုးမျိုး ထည့်သွင်းအသုံးပြုပါ။)

ဂလိုင်ဖိုဆိတ်ဖျန်းမယ်ဆိုရင် အမိုနီယံဆာလဖိတ်ကို ရေတဂါလံ/၁၀ ဂရမ် နှုန်းနဲ့ ထည့်နိုင်ပါတယ်။

၃။ ၂၅ဒီဂရီဆဲစိယပ်ထက်ပူသောရေဆိုရင် ဆေးဖျော်ဖို့မသင့်ပါ။ အာနိသင် ပြယ်နိုင်ပါတယ်။

၄။ ရေစေး(hard water)မဖြစ်ရပါ။

အကြမ်းဖျဥ်း ပြောရရင် ဆပ်ပြာအမြှုပ်မထွက်တဲ့ ရေပါ။ ကယ်လ်စီယံ/မဂ္ဂနီစီယံဘိုင်ကာဘွန်နိတ်တွေ၊ ဆိုဒီယံနိုက်ထြိတ်တွေကြောင့် ဆေးအာနိသင် လျေ့ာစေပါတယ်(ဗီနီဂါ/ရှာလကာရည်ကို ရေတဂါလံ/5စီစီ နှုန်းနဲ့ ထည့်ပေးရပါတယ်။)

ကဲ...ဒီ လောက်ဆိုရင် ဆေးဖျော်ရာမှာ ရေရဲ့အရည်အသွေး ကောင်းခြင်းက ဆေးအာနိသင်အပေါ် ဘယ်လောက်လွှမ်းမိုးနိုင်သလဲ..ဆိုတာ သိလောက်ပြီထင်ပါတယ်။

ဒါ ကြောင့်. တောင်သူမိတ်ဆွေများအနေနဲ့ လိုချင်တဲ့ဆေးအာနိသင်ရဖို့ ဆေးဖျော်ရာမှာ သတိပြုစရာလေးတွေ လုပ်ဆောင်နိုင်ဖို့ ရေးသားတင်ပြလိုက်ပါတယ်။

စေတနာများစွာဖြင့်...

ပျံလွှား(ပုလဲ)

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...