လုပ်ငန်းခွင်ဘေးအန္တရာယ်ဆိုတာ ဘာလဲ။ ဘာကြောင့်တောင်သူဂရုစိုက်ရန်လိုအပ်ပါသလဲ။

02/12/2019 11:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး ILO Myanmar ILO Myanmar မှ ပေးပို့ထားပါသည်။

တောင်သူလယ်သမားများသည် မိမိတို့လယ်ယာလုပ်ငန်းခွင်တွင် အမျိုးမျိုးသော လုပ်ငန်းခွင်ဆိုင်ရာ ဘေးအန္တရာယ်များနှင့် နေ့တိုင်းလိုလို ထိတွေ့နေရပါသည်။ လုပ်ငန်းခွင်ဘေးအန္တရာယ်များဆိုသည်မှာ ဓါတုဆိုင်ရာအန္တရာယ်များ၊ ရုပ်ပိုင်းဆိုင်ရာအန္တရာယ်များ၊ ဇီ၀ဆိုင်ရာအန္တရာယ်များနှင့် လုပ်ငန်းခွင်တွင်လုပ်ရသည့် ကိုယ်ဟန်အနေအထား မမှန်ကန်ခြင်းကြောင့်ဖြစ်သည့် အန္တရာယ်များတို့ဖြစ်ပါသည်။ 

ဓါတုဆိုင်ရာအန္တရာယ်များ - ပိုးသတ်ဆေးများ၊ ပေါင်းသတ်ဆေးများ၊ ဓါတုမြေဩဇာကို တစ်ကိုယ်ရည်အကာအကွယ်ပစ္စည်းများမပါပဲ ကိုင်တွယ်အသုံးပြုရာတွင် ဖြစ်လာနိုင်သည့် အဆိပ်သင့်ခြင်း၊ အသက်ရှုလမ်းကြောင်းဆိုင်ရာ နာမကျန်းဖြစ်ခြင်းနှင့် အရေပြာလောင်ခြင်းစသည့် ဆုံးရှုံးမှုများဖြစ်စေနိုင်ပါသည်။

ရုပ်ပိုင်းဆိုင်ရာအန္တရာယ်များ - ဖွဲ့စည်းထားသည့် အန္တရာယ်ဖြစ်နိုင်သည့်အခြေအနေသည် ဘေးကင်းလုံခြုံရေးလမ်းညွှန်ချက်များထက် ကျော်လွန်သည့်အချိန်ဖြစ်ပါသည်။ ဉပမာ- အရှိန်ပူပြင်းသောနေရောင်ခြည်အောက်တွင် ကြာရှည်စွာအလုပ်လုပ်ရခြင်း၊ ဆူညံခြင်းတို့နှင့် တုန်ခါမှုများ၊ အခန်းတွင်းလေ၀င်လေထွက်

ဇီ၀ဆိုင်ရာဘေးအန္တရာယ်များ - လူတို့အတွက်ကျန်းမာရေးကို ဆိုးရွားစွာထိခိုက်စေနိုင်သည့် ပိုးများ - ဉပမာ ဘက်တီးရီးယား၊ ဗိုင်းရပ်စ်၊ မှိုနှင့် ကပ်ပါးကောင်များ

ကိုယ်ဟန်အနေအထားမမှန်ကန်ခြင်းကြောင့်ဖြစ်သည့်အန္တရာယ်များ- အလုပ်လုပ်သည့်ပုံစံ၊ ခန္ဓာကိုယ်အနေအထားများ (ဉပမာ - အင်းအားအလွန်အကျွံသုံးရခြင်း (လေးလံသည့်ပစ္စည်းကို မရွေ့ခြင်း၊ တွန်းခြင်းနှင့် ဆွဲခြင်း)၊ ထပ်တလဲလဲလှုပ်ရှားမှုနှင့် အဆင်မပြေသည့် ကိုယ်ဟန်အနေအထား (ကွေးခြင်း၊ လိမ်ခြင်း)၊ အချိန်ကာလ (ဆက်တိုက်အလုပ်လုပ်ရခြင်း၊ အချိန်ကြာရှည်စွာအလုပ်လုပ်ရခြင်း) 

ဘေးကင်းလုံခြုံရေးနှင့်ဆိုင်သောအန္တရာယ်များမှာ စက်ပစ္စည်း၊ ပစ္စည်းကိရိယာ၊  ချော်လဲခြင်း၊ ပြုတ်ကျခြင်းလုပ်ငန်းခွင်အန္တရာယ်နှင့် ပစ္စည်းကိုင်တွယ်မှုမမှန်ကန်ခြင်းစသည့်တို့ဖြစ်ပါသည်။ 

တောင်သူလယ်သမားများသည် လုပ်ငန်းခွင်ဘေးအန္တရာယ်များ (Hazards) နှင့် ဖြစ်လာနိုင်သည့်ဆုံးရှုံးမှုများ (Risks)များကို နားလည်သဘောပေါက်ရန်လိုအပ်ပါသည်။ ထို့အပြင် ထိုအန္တရာယ်များကိုမည်သို့မည်ပုံကြိုတင် တားဆီးရမည်၊ မည်သို့မည်ပုံရှင်းလင်းဖယ်ရှားရမည်ကိုလည်း နားလည်သိရှိရန်လည်းလိုအပ်ပါသည်။ ဘေးအန္တရာယ်ရှင်းလင်းရေးနည်းလမ်းများတွင် စိုက်ပျိုးရေးအလေ့အထများကို အဆင့်မြှင့်တင်ခြင်းနှင့် ဓါတုပစ္စည်းအသုံးပြုမှုအလုံးစုံဖယ်ရှားခြင်း သို့မဟုတ် ပိုမိုဘေးကင်းစွာအသုံးပြုခြင်းတို့ ဖြစ်ပါသည်။