ရေဝပ်တဲ့မြေမှာ ဘာအပင်တွေစိုက်သင့်သလဲ

     ရေဝပ်မြေဆိုတာကတော့ မြေကြီးကအစိုဓာတ်အရမ်းများပြီး လိုအပ်တဲ့ပမာဏထက် ရေတွေပြည့်ဝနေတာကို ဆိုလိုတာပါ။ တချို့မြေတွေမှာဆိုရင် မိုးရာသီမှာသာရေဝပ်တာမျိုးမဟုတ်ပဲ တစ်နှစ်ပတ်လုံးရေဝပ်နေတတ်ပါတယ်။ ဒီလိုမြေတွေမှာဆိုရင် အောက်ဆီဂျင်မလုံလောက်တာမို့ သီးနှံအများစုစိုက်လို့ မရနိုင်ပါဘူး။ ရေအစိုဓာတ်မြင့်မားတာမို့ အကျိုးပြုအဏုဇီဝပိုးမွှားတွေကင်းမဲ့ခြင်း၊ အမြစ်ပုပ်ခြင်းများ ဖြစ်လေ့ရှိပါတယ်။ ဒါပေမယ့် ရေဝပ်တဲ့မြေ တစ်နည်းအားဖြင့် အစိုဓာတ်များတဲ့မြေတွေမှာ စိုက်လို့ရတဲ့အပင်တချို့လည်းရှိပါသေးတယ်။

ရေအစိုဓာတ်မြင့်မားတဲ့ မြေတွေမှာ စိုက်လို့ရတဲ့အပင်တွေကတော့

(၁) ကညွတ်

     ကညွတ်က အစိုဓာတ်မြင့်မားတဲ့မြေတွေကိုခံနိုင်ရည်ရှိပြီး ယာယီရေဝပ်တဲ့မြေတွေမှာ စိုက်ပျိုးနိုင်ပါတယ်။ ဒါပေမယ့် တစ်နှစ်ပတ်လုံးရေဝပ်တဲ့မြေတွေဆိုရင်တော့ မြေကိုအနည်းငယ်ပြုပြင်ပြီးမှ စိုက်ပျိုးရပါမယ်။

(၂) ပိန်းဥ

     ပိန်းဥပင်ကို တချို့က ရေထဲမှာ စိုက်ကြတာမို့ ရေဝပ်တဲ့ဒဏ်ကို ခံနိုင်ရည်အရှိဆုံးအပင်တွေထဲပါဝင်ပါတယ်။ ဈေးကွက်လဲ အသင့်အတင့်ရှိတာမို့ မိမိတို့မြေက တစ်နှစ်ပတ်လုံးရေဝပ်တဲ့မြေဆိုရင်တော့ ပိန်းဥသာ စိုက်ထားလိုက်ပါ။

(၃)သစ်တော်သီးပင်

     သစ်တော်သီးပင်က အစိုဓာတ်မြင့်မားတဲ့မြေတွေမှာ ကောင်းစွာဖြစ်ထွန်းကြပြီး သူ့ရဲ့အသီးကလည်းရေဓာတ်မြင့်မားစွာပါဝင်ပါတယ်။ အမြစ်ဖွဲ့စည်းတဲ့အချိန်မှာလည်း ရေအစိုဓာတ်အများကြီး လိုအပ်တာမို့ ရေဝပ်တဲ့မြေမှာ စိုက်ပျိုးနိုင်ပါတယ်။

(၄)စတော်ဘယ်ရီပင်

စတော်ဘယ်ရီပင်ကလည်း အစိုဓာတ်ကြိုက်တဲ့ အပင်တွေထဲမှာပါဝင်ပါတယ်။ အာဟာရဓာတ်ပြည့်ဝတဲ့ရေနဲ့ မြေမဲ့စိုက်ပျိုးကြတာတွေရှိလို့ ရေဝပ်တဲ့မြေမှာလည်း ဂရုစိုက်ပြီး စိုက်ပျိုးမယ်ဆိုရင်ဖြစ်ထွန်းနိုင်ပါတယ်။

(၅)မာလကာပင်

မာလကာပင်တွေကိုလည်း ရေဝပ်တဲ့မြေမှာ စိုက်ပျိုးနိုင်ပါတယ်။ တချို့ကတော့ ရေဝပ်တဲ့မြေမှာ အိုးလေးတွေ စနစ်တကျနဲ့စိုက်ကြပါတယ်။ အဲ့လိုစိုက်နိုင်ရင်တော့ ပိုပြီးကောင်းပါတယ်ဗျ။

(၆)အုန်းပင်

တချို့သူတွေက အုန်းပင်တွေကို စပါးကန်သင်းဘောင်တွေပေါ်မှာစိုက်ကြသလို၊ ပင်လယ်ကမ်းခြေတွေပေါ်မှာလည်း အုန်းပင်တွေ ရှင်သန်နိုင်တာကို ကြည့်ခြင်းအားဖြင့် ရေဝပ်ဒဏ်၊ ရေလွှမ်းဒဏ်ကို ခံနိုင်ရည်ရှိတာသိသာစေပါတယ်။

(၇)သံပုရာပင်

ယာယီရေဝပ်တဲ့မြေတွေမှာတော့ သံပုရာပင်တွေကို စိုက်လို့ရပေမယ့် တစ်နှစ်ပတ်လုံးရေဝပ်မြေဆိုရင်တော့ ပြုပြင်ပြီးမှ စိုက်သင့်ပါတယ်။ 

ရေဝပ်ခြင်း/ရေလွှမ်းမိုးခြင်းကြောင့် ဖြစ်ပေါ်လာနိုင်တဲ့ အပင်နှင့် မြေဆီလွှာတို့အပေါ် ဆိုးကျိုးသက်ရောက်နိုင်မှုသည် အပင်မျိုး၊ ကြီးထွားမှုအဆင့်၊ ရေဝပ်ကာလကြာချိန်တို့အပေါ် များစွာမူတည်နေပြီး ပျက်စီးမှုအတိုင်းအတာကလည်း ကွာခြားနိုင်ပါတယ်။ အခုဖော်ပြပေးခဲ့တဲ့ အပင်တွေကလည်း ရေဝပ်ဒဏ်ကို လုံးဝခံနိုင်ပြီး အထွက်ကောင်းသည်ဟုမဆိုပါ။ အခြားအပင်တွေထက်စာရင် ရေဝပ်တဲ့မြေမှာ ဒီအပင်တွေစိုက်လို့ရကြောင်းဖော်ပြခြင်းဖြစ်ပါတယ်။

ရေဝပ်တဲ့မြေတွေကို ပြုပြင်လို့ရမယ့် နည်းလမ်းတွေကိုလည်း နောက်ဆောင်းပါးတစ်ပုဒ်မှာ ဆက်လက်ဖော်ပြပေးသွားပါဦးမယ်ဗျ။

ကိုးကား

https://www.gardeningknowhow.com/edible/fruits/fegen/fruit-trees-in-wet-conditions.htm

https://morningchores.com/plants-for-wet-soil/

စိုက်ရေး ပျိုးရေး ဗဟုသုတပေး (facebook page)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်