အသီးယူနေတဲ့သရက်ပင်တွေကို ဘာကြောင့် ကိုင်းပြင်၊ ကိုင်းရှင်းပေးသင့်တာလဲ?

အသီးယူနေတဲ့သရက်ပင်တွေကို ကိုင်းပြင်၊ ကိုင်းရှင်းခြင်း ပြုလုပ်ပေးရတဲ့အကြောင်းအရင်းကို မြန်မာ့သရက် ဈေးကွက်နှင့်နည်းပညာ ဖွံ့ဖြိုးတိုးတက်ရေးအသင်း ဒုတိယဥက္ကဌ ဦးမြင့်မော် အား ဆက်သွယ်မေးမြန်းခဲ့ပါတယ်။

ဘာကြောင့် ကိုင်းပြင်၊ ကိုင်းရှင်းပေးသင့်တာလဲ?

(၁) အပင်ရဲ့အရပ် (အမြင့်) ကို ထိမ်းသိမ်းပေးခြင်း

သရက်ပင်ရဲ့အရပ် (အမြင့်) ကို ထိမ်းသိမ်းနိုင်ဖို့အတွက် ခေါင်နှိမ်ခြင်း၊ ခေါင်ဖွင့်ခြင်းတွေကို ပြုလုပ်ပေးရပါတယ်။ အသီးခူးပြီးနောက်မှာ အပင်ရဲ့အရပ်ကို (၁ဝ)ပေ အမြင့်မှာ ပြန်ချပြီး၊ အသီးခူးချိန်မှာ (၁၂/၁၃) ပေ အမြင့်မှာရှိနေအောင် ထိမ်းသိမ်းထားသင့်ပါတယ်။ ဒီလိုမျိုး အရပ်အမြင့်တွေကို စနစ်တကျထိန်းသိမ်းပြုပြင်ပေးမှလည်း ဆေးဖြန်းခြင်း၊ အသီးရွေးချယ်ခြင်း၊ အသီးအိတ်စွပ်ခြင်း၊ အသီးခူးဆွတ်ခြင်းဆိုတဲ့ လုပ်ဆောင်ချက်တွေမှာ လျင်မြန်ချောမွေ့ပြီး ကုန်ကျစရိတ်သက်သာမှာ ဖြစ်ပါတယ်။

(၂) နေရောင်ခြည်ရရှိပြီး လေဝင်လေထွက်ကောင်းမွန်ကာ ရောဂါပိုးမွှားအန္တရာယ်မှ ကာကွယ်ပေးခြင်း

ခေါင်နှိမ်ခြင်း၊ ခေါင်ဖွင့်ပေးခြင်း လုပ်ငန်းစဉ်တွေ လုပ်ကိုင်တဲ့အခါ ရောဂါရနေတဲ့ ကိုင်းများ၊ ကိုင်းသေကိုင်းခြောက်များနဲ့ လင်းရိပ်ကျရောက်ပြီး အပင်အတွက် အကျိုးမပြုတဲ့ ကိုင်းသိမ် ကိုင်းမွှားတွေကို ဖယ်ရှားဖြတ်တောက် ရှင်းလင်းပေးရပါမယ်။ ဒါမှသာ ကျန်းမာသန်စွမ်းပြီး အရည်အသွေးကောင်းသရက်တွေ သီးနိုင်မှာပါ။

(၃) အရည်အသွေးကောင်းမွန်သော အသီးများထုတ်လုပ်ပေးနိုင်ခြင်း

ဆေးဖျန်းခြင်းကို လွယ်ကူလျင်မြန်စွာ ပြုလုပ်နိုင်တဲ့အတွက် ရောဂါပိုးမွှားတွေကို နိုင်နင်းစွာ ထိန်းချုပ်လာနိုင်မှာပါ။ အပင်အရပ်က လူရဲ့လက်တကမ်းမှာရှိလို့ အသီးများကို လွယ်ကူစွာရွေးချယ်နိုင်ပါလိမ့်မယ်။ သရက်သီးကြီးထွားမှုလည်း ပိုလာနိုင်ပါတယ်။ အသီးခူးယူရာမှာ လိုက်နာသင့်တဲ့ ဆောင်ရန်ရှောင်ရန်တွေကို တိကျစွာလိုက်နာနိုင်မှာဖြစ်လို့ ဒါဏ်ရာအနာအဆာမရရှိအောင် ခူးဆွတ်နိုင်လာပါမယ်။ လုံးပိန်၊ လုံးညှပ်တွေနဲ့ ပုံမမှန်အသီးမျိုးတွေကို ချွေချပြီး အရည်အသွေးကောင်းမွန်တဲ့ အသီးမျိုးကို ရွေးချယ်နိုင်လာမှာ ဖြစ်ပါတယ်။

စတဲ့ အကျိုးကျေးဇူးတွေရရှိစေဖို့အတွက် ကိုင်းပြင်၊ ကိုင်းရှင်းခြင်းကို ပြုလုပ်ပေးသင့်ပါတယ်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အသီးယူနေတဲ့သရက်ပင်တွေကို ဘာကြောင့် ကိုင်းပြင်၊ ကိုင်းရှင်းပေးသင့်တာလဲ?

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အသီးယူနေတဲ့သရက်ပင်တွေကို ဘာကြောင့် ကိုင်းပြင်၊ ကိုင်းရှင်းပေးသင့်တာလဲ?

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}