WorldFish Myanmar နောက်ဆုံးရသတင်း (USAID မှ ရန်ပုံငွေပံ့ပိုးသော ဝင်ငွေတိုးငါးမွေးမြူရေးစီမံကိန်း)

18/11/2022 15:35 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး WorldFish WorldFish မှ ပေးပို့ထားပါသည်။

WorldFish "ဝင်ငွေတိုးငါးမွေးမြူရေး" စီမံကိန်းကို USAID (၂၀၁၉-၂၀၂၄) ခုနှစ် မှ ရန်ပုံငွေပံ့ပိုးထားပြီး ရေရှည်ဖွံ့ဖြိုးသည့် ငါးမွေးမြူရေးလုပ်ငန်းများ တိုးတက်ဖော်ဆောင်ခြင်းဖြင့် ဝင်ငွေတိုးခြင်း၊ အာဟာရပြည့်အစားအစာများရရှိခြင်း၊ ဆင်းရဲ နွမ်းပါးမှု လျော့နည်းခြင်းစသော အကျိုးကျေးဇူးများကို အထူးသဖြင့် မြန်မာနိုင်ငံအလယ်ပိုင်းနှင့် မြောက်ပိုင်းဒေသများမှ အမျိုးသမီးများနှင့် ကလေးသူငယ်များခံစားနိုင်ရန် မျှော်မှန်းချက်နှင့်အညီ စီမံကိန်း၏ ၂၀၂၂ ခုနှစ် တတိယ သုံးလပတ် အာဟာရဆိုင်ရာလှုပ်ရှားမှုများကို ဂုဏ်ယူစွာဖြင့် မျှဝေပါသည်။

လှုပ်ရှားမှုများ

ငါးခြောက်မှုန့်ပြုလုပ်နည်းသင်တန်းပေးခြင်း 

အမျိုးသမီးနှင့်ကလေးငယ်များအတွက်လိုအပ်သည့် အာဟာရဓာတ်များ စားသုံးခြင်းကို မြှင့်တင်ရန်၊ WorldFish Field Coordinator နှင့် BRAC အဖွဲ့သားများမှ ငါးငယ်ခြောက်မှုန့်ပြုလုပ်နည်း လက်တွေ့သင်တန်းကို ရွှေဘိုမြို့တွင် ဇူလှိုင်လအတွင်း ကျင်းပခဲ့သည်။ ရပ်ကွက် ၁၊ မေဂွန်၊ ဥယျာဉ်တော်၊ ပလှိုင်း၊ ချီပါ၊ ထနောင်းဝင်း၊ ဘုတ်ကုန်း၊ စည်သာ နှင့် တကာနန် ကျေးရွာများမှ ငါးမွေးတောင်သူ အမျိုးသမီး စုစုပေါင်း ၂၀ ဦး တက်ရောက်ခဲ့ပြီး၊ ငါးခြောက်မှုန့်ပြုလုပ်နည်း နှင့် ၎င်းတို့ကို နေ့စဉ်စားသုံးသည့် မိသားစု ဟင်းလျာများတွင် ထည့်သွင်း အသုံးပြုပုံများကို လေ့လာခဲ့သည်။ လက်တွေ့ပြသသည့်သင်တန်းတွင် ငါးခြောက်မှုန့်ဖြင့် ကုန်စည်ထုတ်လုပ်ခြင်းနှင့် စျေးကွက်တင်ရောင်းချခြင်း လုပ်ငန်းစဉ်များလည်းပါဝင်သည်။ ဤကုန်စည်များသည် နို့စို့အရွယ်ကလေးနှင့် ကလေးငယ်များအတွက် စားသုံးနိုင်အောင်ပြုလုပ်မည်ဖြစ်ပြီး ဝင်ငွေပိုမိုရရှိရန် အမျိုးသမီးများမှ ၎င်းတို့၏အိမ်နီးချင်းများကို ရောင်းချသွားမည်ဖြစ်သည်။

အာဟာရမြှင့်တင်ရေး ရက်သတ္တပတ်မျာ: 

ရပ်ရွာများတွင် အာဟာရကောင်းမွန်စွာရရှိခြင်းသည်အရေးပါကြောင်းကို ပိုမိုသိရှိရန်အတွက် အာဟာရဆိုင်ရာရက်သတ္တပတ်များကို စီမံကိန်းဆောင်ရွက်သည့်ရပ်ရွာဒေသများဖြစ်သည့် တိုင်းနှင့်ပြည်နယ် ငါးခုတွင် ဝင်ငွေတိုးငါးမွေးမြူရေး စီမံကိန်း အဖွဲ့သားများမှ ဩဂုတ်လတွင် ကျင်းပခဲ့သည်။ တက်ရောက်သူ စုစုပေါင်း ၆၈၇ ဦး (မ= ၄၂၁ နှင့် ကျား=၂၆၆) ရှိခဲ့သည်။ ဤလှုပ်ရှားမှုမှ တစ်ဆင့် အာဟာရမျှတစွာစားသုံးခြင်း၏ အဓိကသတင်းစကား များကို အားဖြည့်ပေးပြီး၊ ကိုယ်ဝန်ဆောင်မိခင်၊ နို့တိုက်မိခင်နှင့် ကလေးငယ်များအတွက် အနုအာဟာရဓာတ်များ ကြွယ်ဝသည့် တိုင်းရင်းငါးငယ်လေးများ တစ်ကောင်လုံးစားသုံးခြင်းသည် ကောင်းမွန်ကြောင်းကို အလေးပေး ဖော်ပြခဲ့သည်။

ဤအစီအစဉ်တွင် ငါးငယ်လေးများချက်ပြုတ်ခြင်းပြိုင်ပွဲ ပြုလုပ်ပေးခြင်းဖြင့် သက်ဝင်လှုပ်ရှား၊ ပျော်ရွှင်စဖွယ်ဖြစ်စေသည့်အပြင် တက်ရောက်လာသူများမှ ၎င်းတို့၏အိမ်နီးချင်းများကို အသိပညာများ မျှဝေပေးနိုင်မည်ဖြစ်ပြီး မိမိကိုယ်တိုင် ဘဝတွင် လိုက်နာကျင့်သုံးသွားစေရန် ဖြစ်သည်။ ထို့အပြင် ကလေးငယ်များ ကြီးထွားမှုနှင့်ဖွံ့ဖြိုးမှုသေချာစေရေးအတွက် အလွန်အရေးကြီးသော သန္ဓေသားဖြစ်တည်ချိန်မှစ၍ မွေးဖွားပြီး (၂) နှစ်သားအထိ ရှေးဦးရက် ၁၀၀၀ အတွင်း အဓိကသတင်းစကားများလည်း မျှဝေခဲ့သည်။ တက်ရောက်လာသူများအကြား အစားအစာဘေးကင်းလုံခြုံမှုအလေ့အကျင့်ကောင်းများနှင့် တစ်ကိုယ်ရေသန့်ရှင်းမှုများ လိုက်ပါဆောင်ရွက်ခြင်းကိုအားပေးရန်၊ ငါးရောင်းချသူများအတွက် ငါးကိုင်တွယ်ခြင်းအလေ့အကျင့်ကောင်းများ နှင့် စနစ်တကျလက်ဆေးခြင်းနည်းလမ်းများကိုလည်း အဖွဲ့သားများမှ လက်တွေ့ပြသခဲ့သည်။

 တီလားပီးယားအမြောက်အများထုတ်လုပ်ခြင်း နှင့် ငါးအထီး/အဖို အဖြစ်ပြောင်းလဲခြင်းနည်းပညာသင်တန်း နမ်ဆိုင်မွေးမြူရေးစခန်း ထိုင်းနိုင်ငံ မျိုးရိုးဗီဇမြှင့်ထားသည့်တီလားပီးယား (GIFT) ထုတ်လုပ်ခြင်း ပြည်တွင်းပြည်ပ စျေးကွက်ချိတ်ဆက်မှုများတိုးမြှင့်ရန်၊ ဝင်တွေတိုးငါးမွေးမြူရေးစီမံကိန်း၏ ငါးသားပေါက်စခန်းနှင့် ပြုစုစခန်းတွင် အဓိကလုပ်ဆောင်နေသည့် တောင်သူများနှင့် WorldFish ကွင်းဆင်းဝန်ထမ်းများသည် ဤသင်တန်းကို ၂၀၂၂ ဩဂုတ်လ ၁၇ မှ ၂၆ အထိ  ထိုင်းနိုင်ငံ နမ်ဆိုင်မွေးမြူရေးစခန်းတွင် စုစုပေါင်း ၁၃ ဦး (မ=၃၊ ကျား=၁၀)  တက်ရောက်ခဲ့သည်။ ငါးအထီး/အဖိုအဖြစ်ပြောင်းလဲထားသောတီလားပီးယား (SRT) ကို ဒေသတွင်းထုတ်လုပ်ရောင်းချခြင်းသည် မြန်မာနိုင်ငံ၏ ဒေသတွင်း ဝယ်လိုအားကို အဓိက ဖြည့်ဆည်းပေးပြီး၊ အထူးသဖြင့် နိုင်ငံရေးအခက်အခဲများအကြား စျေးနှုန်းမြင့်မားပြီး ဝယ်ယူရန်ခက်ခဲသည့် ပြင်ပကုမ္ပဏီများကို အားကိုးရန်မလိုတော့ပါ။ သင်တန်းရရှိထားသည့် ကိုယ်ပိုင် သားပေါက်စခန်းနှင့် ပြုစုစခန်းများမှ တောင်သူများသည် ပြင်ပမှ ကျွမ်းကျင်ပညာရှင်များ၏ နည်းပညာအထောက်အပံ့များ ရရှိခြင်းဖြင့် ငါးမျိုး အထီး/အမများ၏ အရည်အသွေးကိုလည်း ထိန်းသိမ်းနိုင်မည်ဖြစ်သည်။ ဒေသတွင်းဝယ်လိုအားကို ရေရှည်တည်မြဲစွာ ဖြည့်ဆည်းပေးရန်အတွက် အရည်အသွေးကောင်းမွန်သည့် မျိုးရိုးဗီဇမြှင့် တီလားပီးယား (GIFT) ငါးထီးများ ထုတ်လုပ်ခြင်းကို ပိုမိုတိုးမြှင့်စေမည်ဖြစ်သည်။ 

အတွေ့အကြုံနှီးနှောဖလှယ်ခြင်းနှင့် စျေးကွက်စနစ် ဆွေးနွေးပွဲ 

ဝင်ငွေတိုးငါးမွေးမြူရေးစီမံကိန်း၏ လှုပ်ရှားဆောင်ရွက်မှုများ ပိုမို ထိရောက်ကောင်းမွန်စွာဆောင်ရွက်နိုင်ရန် စီမံကိန်းနှင့်လက်တွဲဆောင်ရွက်နေသည့် တောင်သူများ နှင့် ကွင်းဆင်းဝန်ထမ်းများအကြား ပွင့်လင်းမြင်သာစွာ ဆွေးနွေးတင်ပြခြင်းကိုအားပေးသည့် ဆွေးနွေးပွဲကို   ကချင် နှင့် ရှမ်းပြည်နယ် ဒေသများတွင် ၂၀၂၂ ဩဂုတ်မှ စက်တင်ဘာအထိ ကျင်းပခဲ့သည်။  တစ်ပိုင်တစ်နိုင် ငါးမွေးတောင်သူများ၊  သားပေါက်စခန်းနှင့် ပြုစုစခန်း တောင်သူများ၊ ငါးအစာထုတ်လုပ်သည့်တောင်သူများ၊ ငါးရောင်းချသည့် စျေးသည်များ စုစုပေါင်း ၁၁၁ ဦး (မ=၃၀, ကျား=၈၁) တက်ရောက်ခဲ့ပြီး၊  ကောင်းမွန်စွာ လုပ်ဆောင်နိုင်ခဲ့သည့်လုပ်ငန်းများ၊ ပိုမို တိုးတက်ကောင်းမွန်အောင်လုပ်ဆောင်ရန် လိုအပ်နေသည့်လုပ်ငန်းများကိုလည်း ဆွေးနွေးခဲ့သည်။   ဤဆွေးနွေးပွဲမှ ဝင်ငွေတိုးငါးမွေးမြူရေးစီမံကိန်း၏ နောင်လာမည့်ခုနှစ်များတွင် အကောင်အထည် ဖော်ဆောင်ရွက်ဖြေရှင်းပေးနိုင်မည့် ငါးထုတ်လုပ်မှုနှင့် အာဟာရ ဆိုင်ရာရှုထောင့်မှ အဓိကအခက်အခဲ အဟန့်အတားများ ကွင်းအထောက်အထားများရရှိခဲ့သည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


Site Phyo YAE ကြော်ငြာ
တောင်သူဦးကြီးများအတွက် မရှိမဖြစ်လိုအပ်သော မြေချဉ်ငံကိန်းတိုင်းစက်ပစ္စည်းများ / PH Tester များ / ကောက်ပဲသီးနုံစိုထိုင်းစတိုင်းစက်များ / လယ်ယာမြေဧကတိုင်းစက်များကို စိုက်ပျိုးရေးတွင် ဈေးနှုန်းချိုသာစွာဝယ်ယူရရှိနိုင်ပါသည်။အသေးစိတ်ဆက်သွယ်လိုပါက ဖုန်း 09975244300 ကိုဆက်သွယ်နိုင်ပါသည်။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်