ငရုတ်အာဟာရဓာတ် ချို့တဲ့မှုနဲ့ ရောထွေးတတ်တဲ့ပြဿနာများ

အသီးသီးတဲ့ အပင်တွေမှာက မြေဆီ မြေသြဇာ ပိုကျွေးရပါတယ်။ အရွက်ကိုစားရတဲ့ ကန်စွန်းရွက်တို့ ကိုက်လန်တို့လို မဟုတ်ပါဘူး။ အရွက်စားသီးနှံတွေက ပုလဲပက်နေရုံနဲ့ လုံလောက်ပေမယ့်၊ အသီးယူမယ့် သီးနှံတွေမှာက မြေသြဇာကျွေးတာ သေချာကျွေးရပါတယ်။

ငရုတ်ဟာလည်း အသီးစားရတဲ့အပင်ဆိုတော့ မြေဆီမြေသြဇာသေချာပေးရပါတယ်။

လူတွေတော်တော် များများက အာဟာရချို့တဲ့တာကို သိပ်သတိမထားတတ်ကြပါဘူး။

ပိုးကျတာ ရောဂါကျတာတွေဖြစ်ခါမှ အထွက်ကျမှာစိုးလို့ ဆေးဖျန်းတတ်ကြပါတယ်။ တကယ်တော့ သီးနှံ့ အထွက်ကျဆင်းရတဲ့ အထဲမှာ မြေဆီ အာဟာရဓါတ်ချို့တဲ့တာဟာလည်း အပါအဝင်ဖြစ်ပါတယ်။

ကြက်တွေ ဝက်တွေ မွေးမြူရေးလုပ်သလိုပေါ့။ ကြက်နာ ရောဂါကျလည်း ဆေးပေးရမယ်၊ ဆေးကုရမယ်။ ကြက်တွေအသားတို့ဖို့ကိုလည်း အစာသေချာစပ်ကျွေးရတယ်။ အပြင်မှာ လွတ်ထားလို့လည်း ရတော့ ရပေမယ့်လည်း သေချာ ခြံထဲမှာ အစာကျွေးမွေးမြူထားတဲ့ ကြက်က အသားချိန်ပိုများမယ်။ အချိန်တို အတွင်း မြန်မြန်ထွားမယ်။ အပြင်မှာလွှတ်ထားတဲ့ကြက်က အသားသိပ်မများဘူး မထွားဘူးဆိုပါတော့။ ဒါကြောင့်မလို့ အစာကျွေးတာဟာ အရေးကြီးပါတယ်။

အပင်တွေကလည်း တိရိစ္ဆာန်တွေလိုပဲ အစာကျွေးရပါတယ်။ အပင်တွေက အစာစားကြပါတယ်။ စားတဲ့ ပုံစံချင်းသာ မတူတာဖြစ်ပါတယ်။ အပင်တွေမှာက ပါးစပ်ပေါက်မပါဘူး။ ဒါပေမဲ့ အမြစ်တွေကတဆင့် မြေကြီးထဲကနေပြီး အစာတွေစုပ်ယူပါတယ်။ ကြက်တွေလို အစာရှိတဲ့နေရာ လိုက်ရှာစားလို့မရပါဘူး။ အဲ့မြေက အပင်စားဖို့ အာဟာရဓာတ်ချို့တဲ့ပြီဆိုရင် အပင်မှာ လက္ခဏာတွေ စပြတော့ပါတယ်။ ဥပမာ အရွက်တွေဝါတာ အရွက်ထိပ်တွေခြောက်တာ စသည်ဖြင့်ပြပါတယ်။

အပင်အတွက် လိုအပ်တဲ့ အာဟာရဓါတ်တွေက အနည်းဆုံး ၁၆ မျိုးကနေ အမျိုး ၂၀ အထိ အပင် အမျိုးစားအလိုက်ရှိပါတယ်။ အများစုသိတာတော့ N P K နိုက်ထရိုဂျင် ဖော့ဖရက် နဲ့ ပိုတက်စီယမ် ပေါ့။ နောက်ပိုင်းမှာတော့ အကျယ်ထပ်ရေးသွားပေးပါမယ်။

ငရုတ်ပင်ဟာ ပုလဲဓါတ်မြေသြဇာ နိုက်ထရိုဂျင်ဓါတ်ကို အပင်စစိုက်ပြီး ၁ လသား ၂ လသားအတွင်းမှာသာ လိုအပ်ပေမယ့် နောက်ပိုင်းအဆင့်မှာ တခြားဓါတ်တွေပိုလိုပါတယ်။ ပိုတက်ဆီယမ်၊ ဆာလ်ဖာ၊ မဂ္ဂနီစီယမ်၊ ကယ်လစီယမ် စတဲ့ ဓါတ်တွေကပိုလိုလာပါတယ်။ ဖော့ဖရက် မီးစုန်းဓာတ်တောင် ပမာဏများများ လိုတာမျိုးမရှိနေပါဘူး။ အရမ်းထူးဆန်းတာက ပုလဲဓါတ် နိုက်ထရိုဂျင် အများလိုအာဟာရဓါတ်ဟာ ငရုတ်မှာ ဆာလ်ဖာ အနည်းလိုအာဟာရလောက်ကို မလိုနေတာမျိုးပါ။ စပ်တဲ့အရသာရှိတဲ့အပင်တွေ ၊ အသီးတွေ မွှန်တဲ့သီးနှံပင်တွေက ဆာလ်ဖာ ကန့်ဓါတ်ကို အရမ်းကျွေးပေးရပါတယ်။ ဥပမာ ငရုတ် ကြက်သွန် ကညွတ် တို့ဖြစ်ပါတယ်။

တစ်ခါတစ်လေမှာ ငရုတ်ရွက်တွေက လက္ခဏာတွေ မြေဆီလိုတာလား ရောဂါလား မသဲကွဲတဲ့အတွက် ဒီဆောင်းပါးလေးကိုရေးသားဖော်ပြပေးလိုက်ပါတယ်။

ငရုတ်အရွက်တွေ တစ်ခုခုဖြစ်နေပြီ၊ ပုံမှန်မဟုတ်တော့ဘူးဆိုရင်တော့ ဘယ်နေရာကဖြစ်တာလဲ ဆိုတာကို အရင်ကြည့်ရပါမယ်။ တချို့အာဟာရဓါတ်တွေက အောက်ရွက်တွေမှာပြတယ်။ တချို့ဓါတ်တွေက အပေါ်ဘက် ထိပ်ဖျားပိုင်းမှာ အရင်လာပြကြပါတယ်။ ထို့အတွက် စုံထောက်တွေ စစ်ဆေးသလိုပဲ ဘယ်နေရာမှာဖြစ်တာလဲ ဘယ်လို ပုံစံပြတာလဲဆိုတာကို အရင်ကြည့်ပြီး လေ့လာစေချင်ပါတယ်။

အာဟာရချို့တဲ့တာအပြင် ရောထွေးတတ်တဲ့ ပြဿနာနှစ်ခုက ငရုတ်မွှားကျတာနဲ့ ငရုတ် ဗိုင်းရပ်စ် ရောဂါ တွေဖြစ်ပါတယ်။

စုပ်စားပိုးတွေ ပျပိုး လှေးပိုး မွှားတွေကော ဗိုင်းရပ်စ်ရောဂါတွေကကောမှာ အရွက်ထိပ်တွေ အထူးသဖြင့် အရွက်နုတွေ ကောက်ကွေးကုန်တယ်။ အရောင်ဖျော့ကုန်တယ်။ သိပ်မစိမ်းတော့ဘူး။ အပင်က အသီး မလိုက်တော့ဘူး။ အပင်မတက်တော့ဘူး။ ခွဲခြားရလည်း အတော်ခက်ပါတယ်။

လုပ်နိုင်တာတစ်ခုကတော့ မွှားသတ်ဆေး စုပ်စားပိုးသတ်ဆေး ဖစ်ပရိုနေးတို့ အဘာမက်တင်တို့ သိုင်ရာမီသောက်ဇင်တို့ကို မနက်စောစောမှာဖျန်းပေးရပါမယ်။ ကြိုတင်ကာကွယ်ရပါမယ်။ ဗိုင်းရပ်စ်ဆိုရင် ကုသလို့ဆေးမရှိပါ။ ပိုးတွေကတဆင့် တစ်ပင်ကနေတစ်ပင်ကူးတာမလို့ ကြိုတင်ကာကွယ်တာက အရးကြီးပါတယ်။ ခု covid ရောဂါလိုပေါ့။ လက်ကိုဆေး Mask တပ်တာတွေလိုမျိုး ကာကွယ်ရေး လုပ်ရပါတယ်။

မှတ်ချက်- အာဟာရချို့တဲ့တာတွေ ကြည့်ပြီး မသောက်ရဘဲ မူးနေတယ်ဆိုရင်တော့ မြေဆီပုံမှန်ကျွေးပါ။ အပင်မြန်မြန်စားလို့ရတဲ့ ရွက်ဖျန်းမြေဆီတွေကျွေးပါ။ အမြစ်တွေသန်အောင် ဟော်မုန်းတွေကျွေးပါ။ စုပ်စား ပိုး ကြိုတင်ကာကွယ်ပါ။ စိတ်ချရတဲ့မျိုးစေ့ မျိုးသန့်တွေကိုသာစိုက်ပါ လို့မှာကြားချင်ပါတယ်။

ငရုတ်စိုက် တောင်သူတွေအားလုံး အဆင်ပြေ လူကျန်းမာ အပင်ကျန်းမာစေကြောင်း ဖုန်းမာန်တိုး (ရေဆင်း ရနံ့) က ဆုမွန်ကောင်းတောင်းအပ်ပါတယ်။

ကျမ်းကိုး - Ariesagro (chilli), Cabi, Yara UK, Haifa (Isreal)

ရေးသားဖော်ပြသူ - ဖုန်းမဏ်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...