ကကတစ်ငါး စီးပွားဖြစ်မွေးမြူနည်းများ အပိုင်း(၂)

05/10/2022 15:49 PM တွင် နှင်းဖြူဖြူ နှင်းဖြူဖြူ မှ ရေးသား

ကကတစ်ငါး အသားတိုး မွေးမြူခြင်း

ကကတစ်ငါး အသားတိုးမွေးမြူခြင်းသည် ကကတစ် သားလောင်းများအား စျေးကွက်ဝင် အရွယ်ဖြစ်သော ၁၈ ကျပ်သားမှ ၂၅ ကျပ်သားအရွယ်သို့ ရောက်ရှိစေရန် မွေးကာလ ၃ လ မှ ၄ လကြာ မွေးမြူခြင်း ဖြစ်ပါသည်။ 

(၁) လှောင်အိမ်စနစ်ဖြင့် မွေးမြူခြင်း 

ကကတစ်ငါးကို လှောင်အိမ်စနစ်ဖြင့် မွေးမြူရာတွင် မွေးမြူမည့်နေရာအား အောက်ပါအချက်များကို သတိပြုရွေးချယ်ရန် လိုအပ်ပါသည်။

  • လှောင်အိမ်အား တပ်ဆင်ချထားမည့်နေရာသည် လှိုင်းဒဏ်၊ လေဒဏ်မှ အကာအကွယ်ရှိသော နေရာများ ဖြစ်သည့် ပင်လယ်အော်များ၊ ကမ်းစပ်ရေအိုင်များ၊ အကာအကွယ်ရှိသော ပင်လယ်ကွေ့များ(သို့မဟုတ်) ကုန်းတွင်းပင်လယ်များ ဖြစ်သင့်ပါသည်။
  • ရေစီးရေလာ ကောင်းမွန်သည့်နေရာ ဖြစ်သင့်ပါသည်။ သို့သော် ရေစီးကြမ်းသော နေရာများတွင် တည်ဆောက်ခြင်း မပြုသင့်ပါ။
  • ရေ၏အငန်နှုန်းသည် ၁၃ မှ ၃၀ ထောင်ခိုင်နှုန်းအတွင်း ရှိသင့်ပါသည်။
  • ဇီဝ-ညစ်ညမ်းမှုများ၊ လူသုံး-စက်မှုဆိုင်ရာ(သို့မဟုတ်) စိုက်ပျိုးရေးဆိုင်ရာ ညစ်ညမ်းမှုများနှင့် ကင်းဝေးသော နေရာဖြစ်သင့်ပါသည်။

လှောင်အိမ်တည်ဆောက်ပုံ

လှောင်အိမ်များသည် စီမံခန့်ခွဲမှု နှင့် ပြုပြင်ထိန်းသိမ်းမှု လွယ်ကူစေရန် မျက်နှာပြင်ဧရိယာ ၂၀၀ စတုရန်းပေမှ ၁၀၀၀ စတုရန်းပေခန့်အထိ ကျယ်ဝန်းသော စတုဂံပုံ(သို့မဟုတ်) စတုရန်းပုံများ ဖြစ်သင့်ပါသည်။

ငါး၏အရွယ်အစားပေါ်တွင် မူတည်ပြီး အပေါက်အရွယ်အစား ၂ စင်တီမီတာ မှ  ၈ စင်တီမီတာ အထိရှိသော ပေါ်လီအက်သလင်း (Polyethylene) ပလတ်စတစ်ဖြင့် ပြုလုပ်ထားသော ဆန်ခါ(ဇကာ)ပိုက်များကို အသုံးပြုသင့်ပါသည်။

 လှောင်အိမ်တည်ဆောက်ပုံ(၂) မျိုး ရှိပါသည်။ ၄င်းတို့မှာ-

(က) ရေပေါ်လှောင်အိမ်အမျိုးအစား (Floating cage)

  1. အထက်တွင် ဖော်ပြထားခဲ့သည့်အတိုင်း ရေပေါ်လှောင်အိမ်အမျိုးအစားတွင် ဆန်ခါပိုက်အား သစ်သား (သို့မဟုတ်) ပလတ်စတစ်ရေပိုက်(GI pipe)သို့မဟုတ် ဝါးလုံးများဖြင့် ပြုလုပ်ထားသော အမာခံ (frame) တွင် တပ်ဆင်ထားပြီး ပလတ်စတစ်စည်ပိုင်း၊ ဖော့တုံး(styrofoam drum) ၊ ဝါးပိုးဝါး စသည်တို့ဖြင့် ရေပေါ် ပေါ်နေစေရန် ထောက်ပံ့ထားပါသည်။
  2. အမာခံထောင့်များတွင် ကွန်ကရစ်တုံး(သို့မဟုတ်) ကျောက်များဖြင့် ကျောက်ချ ချည်နှောင်ထားရပါသည်။ 
  3. စီမံခန့်ခွဲမှုဖြင့် ပြုပြင်ထိန်းသိမ်းမှု အကောင်းဆုံး အရွယ်အစားမှာ ရေတန် ၅၀ ဆံ့သည့် အလျား ၁၅ ပေ၊ အနံ ၁၅ ပေ နှင့် အနက် ၆ ပေရှိ လှောင်အိမ်များ ဖြစ်ပါသည်။ 
  4. ၄င်းအရွယ်အစားရှိသည့် ဇကာပိုက်အိတ်များသည် မွေးကာလအတွင်း အညစ်အကြေး အနယ်ဖတ်များ ဖြင့် ပိတ်ဆို့နေသော ဇကာပိုက်အိတ်အား ဇကာပိုက်အိတ်အသစ်ဖြင့် လဲလှယ်တပ်ဆင်ရာတွင် လွယ်ကူမှုရှိပါသည်။ 

(ခ) အခြေစိုက်ပုံစံ လှောင်အိမ်အမျိုးအစား

အခြေစိုက်ပုံစံ လှောင်အိမ်အမျိုးအစားတွင် လှောင်အိမ်၏ ထောင့် ၄ထောင့်အား အောက်ခြေ မြေသား အတွင်း စိုက်သွင်းထားသော သစ်သား(သို့မဟုတ်) ဝါးလုံးတိုင်များတွင် အသေတပ်ဆင်ထားပါသည်။ ၄င်းလှောင်အိမ်အမျိုးအစားအား ရေတိမ်သော နေရာဒေသများတွင် အသုံးပြုကြပါသည်။

ငါးထည့်သွင်းမွေးမြူနှုန်း

  • ကကတစ်ငါးအား လှောင်အိမ်စနစ်ဖြင့် အသားတိုးမွေးမြူရာတွင် အများအားဖြင့် ၃ ပေပတ်လည် ဧရိယာတွင် ကကတစ်ငါးအကောင် ၄၀ မှ ၅၀ နှုန်း စတင်ထည့်သွင်း မွေးမြူလေ့ရှိပါသည်။
  • မွေးကာလ ၂ လ မှ ၃ လ အကြာတွင် ငါးများသည် ၉ ကျပ်သား မှ ၁၂ ကျပ်သားအရွယ်သို့ ကြီးထွားလာချိန်တွင် ထည့်သွင်း မွေးမြူနှုန်းအား ၃ ပေ ပတ်လည်ဧရိယာတွင် ငါး ၁၀ ကောင်မှ အကောင် ၂၀ ခန့်သို့ လျှော့ချမွေးမြူလေ့ရှိပါသည်။
  • ကကတစ်မွေးမြူသူများအနေဖြင့် ကကတစ်ငါးအား အရွယ်အစားအလိုက် ခွဲခြားပြီး မွေးမြူနိုင်ရန် အပိုလှောင်အိမ်များလည်း တည်ဆောက်တပ်ဆင်ထားရန် လိုအပ်ပါသည်။

ဆန်ခါပိုက်အား စစ်ဆေးခြင်း

  • ဆန်ခါပိုက်အိတ်များအား ပေါက်ပြဲခြင်း၊ အညစ်အကြေးများဖြင့် ပိတ်ဆို့နေခြင်းများ မရှိစေအောင် ပုံမှန်စစ်ဆေးပေးရန်နှင့် သန့်ရှင်းပေးရန် လိုအပ်ပါသည်။
  • လိုအပ်ပါက ဆန်ခါပိုက်အိတ်အသစ်ဖြင့် လဲလှယ်တပ်ဆင်ပေးရမည်ဖြစ်ပါသည်။
  • ဆန်ခါပိုက်အိတ်များတွင် အညစ်အကြေးများ ပိတ်ဆို့နေပါ က ရေစီးရေလာ မကောင်းတော့သည့်အတွက် ရေ၏အရည်အသွေးကျဆင်းကာ ပျော်ဝင်အောက်ဆီဂျင်လျော့နည်းမှု ဖြစ်လာမည်ဖြစ်ပြီး အကျိုးဆက်အနေဖြင့် ငါးများ၏ ကျန်းမာရေးနှင့် အစာစားနှုန်း ကျဆင်းကာ ကြီးထွားမှု နှေးကွေးလာမည် ဖြစ်ပါသည်။ 

အစာကျွေးနှုန်း

  • အစာအနေဖြင့် ငါးနုတ်၊ ငါးဖွဲများအား တစ်နေ့လျှင် ၂ ကြိမ် ကျွေးမွေးပေးရန် လိုအပ်ပါသည်။
  • ပထမ ၂ လတွင် မွေးမြူထားသော ငါးအလေးချိန်ပမာဏ၏ ၁၀ ရာခိုင်နှုန်းအားနေ့စဥ်ကျွေးမွေးလေ့ရှိပြီး နောက်ပိုင်းလများတွင် ငါးများစားနိုင်သလောက်သာ ကျွေးမွေးလေ့ ရှိပါသည်။

(အပိုင်း-၃တွင် ကန်ဖြင့်မွေးမြူနည်း၊ ကန်အတွက် ရေ၏အရည်အသွေး၊ သားပေါက်ထည့်သွင်းနှုန်း စသည်တို့ကို ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်