ဇီဝလှုံဆော်ပစ္စည်း (biostimulant) အကြောင်း သိပြီးပြီလား?

ယနေ့ စိုက်ပျိုးရေးလောကမှာ ဇီဝလှုံ့ဆော်ပစ္စည်း(Biostimulants) များအကြောင်းကို သီးနှံစိုက်ပျိုးထုတ်လုပ်သူများ စိတ်ဝင်စားမှုမြင့်တက်လာနေတဲ့အတွက် ဒီနေ့မှာ ဇီဝလှုံဆော်ပစ္စည်းများအကြောင်းကို ဆွေးနွေးပေးသွားပါ့မယ်။

- သီးနှံပင်များဟာ ပုံမှန်အခြေနေမဟုတ်ဘဲ အချိန်ခါမဲ့ မိုးရွာခြင်း၊ ရုတ်တရက်နေပူခြင်း

- ပိုးမွှားရောဂါ/ပေါင်းမြက်များထူပြောပြီး ဓာတုဆေးများ အလွန်အကျွံအသုံးပြုနေရခြင်း

- မြေချဥ်၊ မြေငံ ပြဿနာကြုံတွေ့နေရခြင်း

- အထွက်နှုန်းကို ဓာတ်မြေသြဇာ ဖြင့် ထိန်းထားနေရခြင်း

- သဘာဝမြေသြဇာ အသုံးနည်းပြီး မြေဆီလွှာဆုတ်ယုတ်လာနေခြင်းစသော သီးနှံပင်နဲ့ မြေဆီလွှာပြဿနာများကို ဖြေရှင်းရန်အတွက် ဇီဝလှုံ့ဆော်ပစ္စည်း(Biostimulants) ကို မဖြစ်မနေ အသုံးပြုလာရခြင်းဖြစ်ပါတယ်။

■ (Biostimulants )ဆိုတာ ဘာလဲ?

Biostimulants ဆိုတာ အပင်အတွက်လိုအပ်သောအာဟာရများကို ကိုယ်တိုင်တိုက်ရိုက်ပံ့ပိုးမှုမပေးဘဲ ရာသီဥတု/ပိုးမွှားရောဂါဒဏ်ခံနိုင်အောင် ထောက်ပံ့ခြင်း၊ အမြစ်မှအစာစားနိုင်ကူညီခြင်း၊ အပင်ကြီးထွားဖွံ့ဖြိုးရန် မြေဆီလွှာကောင်းမွန်အောင် လှုံ့ဆော်ပေးသည့် ပစ္စည်းအမျိုးအစားဖြစ်ပါတယ်။

■ ဘယ်လိုအမျိုးအစားတွေကို Biostimulants လို့ခေါ်ပါသလဲ?

အမျိုးအစားများစွာရှိသည်။ အကြိုက်အများဆုံးမှာ

- humic acids

- ပင်လယ်ရေမှော်ပစ္စည်း(Sea weed extracts)၊ Amino acid မြေဩဇာအရည်နှင့်

- အကျိုးပြုဘက်တီးရီးယား(Bacillus, Rhizobium)နှင့်

- မှိုတို့ဖြစ်ကြပါတယ်။

(သဘာဝပစ္စည်းများနှင့်၊ သဘာဝမဟုတ်သော ဇီဝလှုံ့ဆော်ပစ္စည်းများလည်းရှိကြပါတယ်။)

Humic နှင့် fulvic acids ဆိုတာ

အပင်၊ တိရစ္ဆာန်နှင့် အဏုဇီဝအကြွင်းအကျန်များ ပြိုကွဲပျက်စီးခြင်းမှ ထွက်ပေါ်လာသော အော်ဂဲနစ်ဒြပ်စင်များပဲ ဖြစ်ပါတယ်။

ဥပမာ ။ ။သစ်ဆွေး၊ leonardite နှင့် ပျော့ပျောင်းသော ကျောက်မီးသွေးတို့၏ သတ္တုသိုက်များဖြစ်ပြီး အရောင်က အနက်ရောင် ဖြစ်ပါတယ်။

ဓာတ်ဖိုဖလှယ်စွမ်းအား(Cation Exchangeable Capacity)ကို တိုးမြှင့်စေပါတယ်။

Seaweed Extracts ဆိုတာ

မတူကွဲပြားသော ထုတ်ယူမှု လုပ်ငန်းစဉ်များဖြင့် ပုံစံအမျိုးမျိုးထုတ်လုပ်ပါတယ်။

ပျော်ဝင်လွယ်သော အမှုန့် သို့မဟုတ် အရည်။

ဇီဝမြေဩဇာအရည်များ

အီးအမ်များ၊ ငါးအမိုင်နို/ခရုအမိုင်နိုများ

အကျိုးပြုဘက်တီးရီးယား/မှိုများ

အမြစ်ကြီးထွားမှုကို ကူညီပေးသော မြေဆီလွှာတွင် (ဘက်တီးရီးယားနှင့်/သို့မဟုတ် မှို)များပါဝင်ပါတယ်။

ဥပမာ- Bacillus နှင့် Rhizobium မှို

(စျေးကွက်အတွင်း ဖော်မြူလာအမျိုးမျိုးဖြင့် စီးပွားဖြစ် ထုတ်လုပ်ရောင်းချလျက်ရှိပါတယ်။)

အပင်နှင့် မြေဆီလွှာတွေအတွက် ဘယ်လိုအကျိုးပြုသလဲ?

Biostimulants များသည် အပင်ကြီးထွားမှု၊ အမြစ်ကြီးထွားမှု၊ မြေဆီလွှာတွင် ရေထိန်းနိုင်မှု၊ ပိုး/ရောဂါကာကွယ်မှုတိုးမြင့်လာမှု၊ အာဟာရဓာတ်ရရှိမှု တိုးမြင့်လာစေရန်နှင့် အကျိုးပြုအနုဇီဝများ တိုးပွားစေရန်၊ မြေဆီလွှာ အဆိပ်အတောက်များ ချေဖျက်စေရန်အပြင် ရာသီဥတု ပြောင်းလဲမှုကြောင့် အပင်များ ခံစားရမှုမှ ကာကွယ်ပေးသည့် အကျိုးများကို ပေးစွမ်းပါတယ်။

အကြံပြုတိုက်တွန်းခြင်း။

Biostimulants များကို ထိရောက်စွာအသုံးပြုခြင်းဖြင့် ဓာတ်မြေသြဇာ လျှော့ချအသုံးပြုနိုင်ခြင်း

မြေဆီလွှာ ပျက်စီးခြင်းမှ ကာကွယ်နိုင်ခြင်း

မြေဆီလွှာအတွင်းရှိ အပင်အတွက် အဆိပ်သင့်ပစ္စည်းများ ချေဖျက်နိုင်ခြင်း

မြေဆီလွှာ မာကျောမှုများ ဖြေလျှော့နိုင်ခြင်း

ရေရှည်တည်တံ့သော အနာဂတ်စိုက်ပျိုးရေးအတွက် GAPအထောက်အကူပြုပစ္စည်းတစ်မျိုးဖြစ်ကြောင်း ရေးသားဖော်ပြလိုက်ပါတယ်။

စေတနာများစွာဖြင့်..

ဦးသာပို

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...