လုပ်ရလွယ် တာရှည်ခံတဲ့ ထမင်းနဲ့ သစ်သီးရိက္ခာခြောက်

    အလွယ်တကူစားသုံးနိုင်ပြီး သယ်ဆောင်ရလွယ်ကူတဲ့ အခြောက်အခြမ်း အစားအစာတွေက အရသာရှိရုံသာမက အာဟာရလည်း ပေါကြွယ်ဝစွာရှိနေပါသေးတယ်။ အခြောက်ခံတဲ့အချိန်မှာ ဗီတာမင်ဘီ၊ စီဓာတ်တွေက ဆုံးရှံးသွားပေမဲ့ အမျှင်ဓာတ်တွေကကြွယ်ဝနေဆဲပါ။ ငွေကိုချွေတာနိုင်ပြီး ဗိုက်ဆာနေချိန် ချက်ပြုတ်ရသက်သာစေတဲ့ ထမင်းခြောက်လုပ်နည်းနဲ့ သစ်သီးခြောက်ပြုလုပ်နည်းကို ဦးကြီးတို့အိမ်မှာ အလွယ်တကူပြုလုပ်နိုင်ရန် ဖော်ပြပေးလိုက်ရပါတယ်။

ထမင်းခြောက်ပြုလုပ်နည်း

    ဆန် ‘တစ်’ပြည်ကို ထည့်နေကျ ပုံမှန်အချိုးအစားတိုင်း ရေကိုထည့်ကာ ဆား ၂ ဇွန်းခန့်ထည့်ပြီး ချက်ရပါမယ်။ ချက်ပြီးသွားတဲ့အခါ ထမင်းကိုအခြောက်ခံမယ့်လင်ဗန်းထဲမှာ ညီညာစွာဖြန့်ဖြူးပြီး နေရောင်ခြည်ကောင်းမွန်စွာရတဲ့နေရာမှာ ၆ နာရီကနေ ၈ နာရီကြာအောင် နေလှန်းရုံပါ။ ရလာတဲ့ထမင်းခြောက်လေးတွေကိုတော့ ဆီထည့်ကာ မီးအေးအေးလေးနဲ့ နည်းနည်းချင်းဆီခွဲကြော်ရပါမယ်။ အရသာပိုမိုကောင်းမွန်စေလိုလျှင် ဆား၊ ချင်းနဲ့ ငရုတ်ကောင်းစေ့အနည်းငယ် ကျက်အောင်လှော်ကာ လေလုံသောဘူးတွင်ထည့်ထားပြီး ထမင်းခြောက်နဲ့အတူ ရောယှက်စားသုံးနိုင်ပါတယ်။

    သီးသန့်မလုပ်ချင်ဘူးဆိုရင်တော့ တစ်နေ့ထမင်းစားလို့ကျန်တဲ့ ထမင်းကျန်လေးတွေကို ရေနဲ့ဆေးပြီး နေလှန်းထားရင်လည်း ရပါတယ်။

သစ်သီးခြောက်ပြုလုပ်နည်း

    အခြောက်ပြုလုပ်မဲ့အသီးကို အလည်အူတိုင်၊ အစေ့၊ အခွံတို့ကိုခွာ၊ အခြောက်မြန်စေရန် အခြမ်းပါးပါးလေးလှီးပြီး သစ်သီးဆတူခန့်ရှိသော ဆူပွက်နေသောရေထဲသို့ သကြား ၄ ဇွန်း၊ သံပုရာရည် ၁ ဇွန်းနဲ့အတူ သစ်သီးတွေကို၂ မိနစ်ကြာအောင် ထားရပါမယ်။ သင်္ဘောသီးဆိုရင်တော့ ၁၀ မိနစ်ထားပေးရပါတယ်။ နေပူပူမှာ ၄-၅ နာရီခန့် ၂ ရက်လောက်ထားလိုက်ရင်တော့ ၁ နှစ်လောက်အထားခံတဲ့ အချိုခြောက်လေးရပါပြီ။ ဒီနည်းလေးက အဆာပြေအနေနဲ့ပဲဖြစ်ဖြစ်အချိုပွဲအနေနဲ့စားသုံးရာတွင်လည်း လွယ်ကူမြန်ဆန်တဲ့ သစ်သီးခြောက်ပြုလုပ်နည်းလေးပါ။

အခြောက်ခံရန်အတွက် အသင့်တော်ဆုံးအစားအစာများ

သစ်သီးဝလံများ-ပန်းသီး၊ ငှက်ပျော၊ ဆီးသီး၊ သစ်တော်သီး။

ဟင်းသီးဟင်းရွက်များ- ဥနီ၊ မှို၊ ကြက်သွန်ဖြူ နီ၊ ပဲအမျိုးမျိုး၊ ခရမ်းချဉ်။

အသား - ကြက်၊ ဝက်၊ အမဲသား။

အစေ့အဆန် - သစ်ကြားသီးစေ့၊ သစ်အယ်သီး၊ မြေပဲ၊ မက္ကာဒေးမီးယား။

    အခြောက်ခံထားခြင်း (သို့) တာရှည်ခံအောင်လုပ်ထားတဲ့ အစားအစာတွေက ဘက်တီးရီးယား၊ မှိုနဲ့ အချဉ်ပေါက်ခြင်းမျိုးမဖြစ်နိုင်ပါဘူး။ အေးပြီး ခြောက်သွေ့တဲ့နေရာမှာသိမ်းရင် နှစ်ရှည်လများစွာစားသုံးနိုင်ပါတယ်။ နေနဲ့အခြောက်ခံတဲ့နေရာမှာ နေရောင်ခြည်ကောင်းမွန်စွာရရှိပြီး စိုထိုင်းစကနိမ့်ကျနေရမှာဖြစ်ပါတယ်။ အပူချိန်နေကျနေရင်တောင်မှ လေဝင်လေထွက်ကောင်းမွန်ရင်အခြောက်လုပ်ဖို့အောင်မြင်နိုင်တယ်ဆိုတဲ့အကြောင်း ရေးသားလိုက်ပါတယ်။

Rference: Niveen’s Kitchen Youtube Channel

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်