ငါးစည်သွပ်ဘူးပြုလုပ်နည်း

ငါးစားသုံးမှု၏ ၁၀ ရာခိုင်နှုန်းမှာ ဆီသွပ်ဘူးများ ထုတ်လုပ်ခြင်းဖြစ်ပါသည်။ စည်သွပ်ဘူးပြုလုပ်ရာတွင် ငါးအမျိုးမျိုး၊ ဂဏန်း၊ ခရု၊ ကမာ၊ ကင်းမွန်နှင့် ပုစွန်တို့ကို စည်သွပ်ဘူးပြုလုပ်၍ စားသုံးကြသည်။ မြန်မာနိုင်ငံတွင် ငါးသေတ္တာ၊ စည်သွပ်ဘူးကို အထူးနှစ်ခြိုက်၍ စားသုံးလေ့ရှိသည်။ ငါးသေတ္တာများဖြစ်သော (Mackerel အမျိုးအစား) ငါးများမှာ ပလာတူး၊ ငါးကုန်းညို၊ ငါးသလောက်၊ ငါးချဉ်ပေါင် (ပြည်တော်သာ) ငါးများကို စည်သွပ်ဘူးပြုလုပ်ရာတွင် အထူးအသုံးပြုသည်။ စည်သွပ်ဘူး အရွယ်အစားများမှာ (cylinden ပုံ) ဘူးအပြား (Flat) ပုံများကို အသုံးပြု၍ ဂရမ်အလေးချိိန် ၂၅၀ - ၃၀၀ ခန့်ထည့်ပါသည်။

စည်သွပ်ဘူး အဆင့်ဆင့်ပြုလုပ်ခြင်း

(က) အထက်ဖော်ပြပါ ငါးသေတ္တာငါးများကို သန့်ရှင်းလတ်ဆက်၍ ကိုယ်ခန္ဓာ၊ ကျိုးကြေမှုကင်းရှင်းသော အကောင်းတုံးငါးများကို ရွေးချယ်ရမည်။ စည်မသွပ်မီ ရေသေချာဆေးကြော သန့်ရှင်းစေပြီး ရေခဲဖုံးအုပ်ထားသော စတို (Chilled Store) များအတွင်း သိုလှောင်ထားရမည်။

(ခ) ရွေးချယ်ထားသော ငါးများကို အခွံချွတ်ခြင်း၊ ခေါင်းဖြတ်ခြင်း၊ အူထုတ်ခြင်းပြုလုပ်၍ ၃၀ ကျပ်သားခန့်ရှိသော အတုံးကလေးများပြုလုပ်ထားရမည်။ ငါးကုန်းညို ဖြစ်ပါက ၉ ကောင်ကို တစ်ဘူးနှုန်းထားရမည်။ pressing ပြုလုပ်ပြီးပါက ရေဆေး၍ ၁၀ မိနစ်ခန့် ဆားရည်တွင် စိမ်ထားရမည်။ အသားတင်စားရန်ဖြစ်သည်။

(ဂ) စည်သွပ်ဘူးအတွင်း ငါးများအံဝင်ဂွင်ကျ ထည့်သွင်းပြီးပါက မလိုအပ်သော အရည်များနှင့် အငွေ့များထွက်သွားစေရန် မိနစ် ၂၀ ခန့်ပေါင်းတင်ထားရမည်။

(ဃ) ပြုပြင်၍ ပေါင်းခံခြင်းပြီးဆုံးသွားသောအခါ စည်သွပ်ဘူးများအတွင်းသို့ ပူသောဆီ၊ ခရမ်းချဉ်ရည်၊ ဆား၊ ငရုတ်ကောင်း၊ သကြားအနည်းငယ်၊ ကြက်သွန်ဖြူ၊ ကြက်သွန်နီ (အရည်)၊ ဟင်းလတ်မှုန့်၊ ရှာလကာရည်များ ထည့်သွင်းရမည်။

(င) ဘူးအတွင်းသို့ ငါးနှင့် ဟင်းခတ်အမွှေးကြိုင်ခရမ်းချဉ်ရည်များ၊ ထည့်ပြီးလျှင်ဘူးကို အဖုံးပိတ်ရမည်။

(စ) အဖုံးပိတ်ပြီးသော စည်သွပ်ဘူး ၁၀ ပေါင်ကို pressure cooker အတွင်း မိနစ် ၈၀ မှ ၉၀ ကြား ဒုတိယအကြိမ်ပေါင်းရမည်။

(ဆ) စည်သွပ်ဘူးများ ပေါင်းခံခြင်းပြီးဆုံးပါက ချက်ချင်းအအေးခံရမည်။ Oven cooking မဖြစ်စေရပါ။

(ဇ) အားလုံးပြီးစီးပါက စည်သွပ်ဘူးများကို Label တပ်ခြင်း ထုတ်ပိုးခြောက်သွေ့သော နေရာများတွင်သိုလှောင်ထားရမည်။

(ဈ) စည်သွပ်ဘူးအတွင်းရှိ ငါးများကို အသားထွက်နှုန်းမှာ ၆၀ - ၇၀ % ရရှိပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်