သဘာဝစွဲကပ်ပျံ့နှံ့ဆေး...သစ်သားပေါင်းခံရည် (သို့) စပါးခွံပေါင်းခံရည်

26/08/2019 10:45 AM တွင် သိမ့်ဇာ သိမ့်ဇာ မှ ရေးသား ပြီး Greenovator Greenovator မှ ပေးပို့ထားပါသည်။

   ကျန်းမာရေးကိုလိုက်စားလာတဲ့ စားသုံးသူတွေကြားမှာ ဓာတုဆေးတွေထက် သဘာဝကရတဲ့ပစ္စည်းတွေ အစားထိုးသုံးဖို့ ကျွန်မတို့တောင်သူတွေ ကြိုးစားလာကြပါပြီ။ ဒီလိုပြောင်းလဲခြင်းတွေအတွက် ကောင်းမွန်တဲ့ သဘာဝပစ္စည်းလေးတစ်ခုကို မိတ်ဆက်ပေးပါရစေ။

   သစ်သားပေါင်းခံရည်(သို့) သစ်သားရှာလကာရည်လို့ခေါ်တဲ့ သဘာဝဆေးရည်တစ်ခုအကြောင်းပါ။ သစ်သားကရတဲ့ ရှာလကာရည်ဆိုလို့ အထူးအဆန်းမဟုတ်ပါဘူး။ သစ်သားလိုမျိုး ကာဗွန်ဓာတ်ပါတဲ့ အပင်ရဲ့အစိတ်အပိုင်းအချို့ကို လေလုံတဲ့နေရာမှာ မီးလောင်ခိုင်းပြီး အငွေ့ကို အအေးခံကာ ရလာတဲ့ အရည်ပါ။ ဘော့စကိုင်း၊ ဝါး၊ သစ်ကိုင်းခြောက်၊ စပါးခွံတွေကို သုံးလို့ရပါတယ်။ စပါးခွံပေါင်းခံရည်ကလည်း အာနိသင်အတူတူပဲမို့ မိမိဒေသမှာ လွယ်လွယ်ကူကူရတဲ့ ပစ္စည်းကို သုံးလို့ရပါတယ်။ ပေါင်းခံရည်ထုတ်လုပ်ပုံကို နောက်ထပ်ဆောင်းပါးတစ်ပုဒ်နဲ့ ဖော်ပြပေးသွားပါမယ်။ လွယ်လွယ်မြင်အောင်ပြောရရင် မီးသွေးဖုတ်တာလိုမျိုးပါပဲ။ ဘယ်လိုလုပ်ရသလဲဆိုတာကို ဆောင်ပါးတစ်ခုမှာထပ်မံ ဖော်ပြပေးသွားပါမယ်။ 

   ခုတော့ ဒီပေါင်းခံရည်ရဲ့ အသုံးဝင်ပုံတွေကိုလေ့လာကြည့်ရအောင်ပါ။ သုတေသနပညာရှင်တွေကိုယ်တိုင် ဒီရှာလကာရည်ထဲမှာ ပစ္စည်းအမျိုးအစားပေါင်း ၂၀၀ ကျော်ပါတယ်လို့ စမ်းသပ်တွေ့ရှိခဲ့တာဖြစ်ပါတယ်။ ဒီလိုတွေ့ရှိချက်တွေကြောင့် သစ်သားပေါင်းခံရည် (သို့) စပါးခွံပေါင်းခံရည်ဟာ စိုက်ပျိုးရေးအတွက် ဘယ်လိုအကျိုးအာနိသင်တွေပါနေကြောင်း အောက်ပါအတိုင်း ပြောပြခဲ့ပါတယ်။

    • ပေါင်းခံရည်ကို ရေနဲ့ရောပြီး ရွက်ဖျန်းအနေနဲ့သုံးမယ်ဆိုရင် သီးနှံပင်တွေရဲ့ ရှင်သန်နိုင်မှု(ပျိုးပင်ပေါက်တွေရဲ့ ရှင်သန်နိုင်မှု)နဲ့ သီးနှံရဲ့အရည်အသွေးကို ကောင်းစေပါတယ်။

    • အင်းဆက်တွေ အပင်ရောဂါတွေကို နှိမ်နင်းတဲ့အနေနဲ့လည်း အသုံးပြုလို့ရပါတယ်။

    • ပေါင်းခံရည်ကို ပြင်းအားများများနဲ့ မြေကြီးထဲကိုထည့်မယ်ဆိုရင်တော့ မြေအောင်းရောဂါတွေနဲ့ မြေအောင်းပိုးတွေကို တားဆီးနိုင်ပါတယ်။ တစ်နှစ်လျှင် ၂ ကြိမ်သာဖျန်းပေးရမည်။ 

    • ပေါင်းခံရည်ကို ခပ်ပျော့ပျော့လေးဖျော်ပြီး လောင်းမယ်ဆိုရင် မြေကြီးထဲက မြေမှုန်လေးတွေ ပြိုကွဲတဲ့ဖြစ်စဉ်အတွက် ကောင်းမွန်စေပြီး အကျိုးပြုအဏုဇီဝတွေ စားသုံးဖို့အတွက် လွယ်ကူစေပါတယ်။

    • အပင်ရဲ့အမြစ်တွေကိုလည်း ကောင်းမွန်စေပါတယ်။ 

    • သဘာဝမြေသြဇာတွေနဲ့ တွဲသုံးတဲ့အခါ အနံဆိုးတာတွေကို သက်သာစေပြီး မြန်မြန်ဆွေးလွယ်ပါတယ်။

    • တိရိစ္ဆာန်စာတွေနဲ့ရောကျွေးရင် အသားအရည်အသွေးကို ကောင်းစေပါတယ်။

    • အထူးခြားဆုံးကတော့ သစ်သားပေါင်းခံရည်မှာ စွဲကပ်စေတဲ့ ဂုဏ်သတ္တိပါဝင်နေပါတယ်တဲ့။ သဘာဝပိုးသတ်ဆေးများဖြင့် တွဲဖက်အသုံးပြုလို့ရပါတယ်။ (**အယ်ကာလီပိုးသတ်ဆေးများနှင့်ရောအသုံးမပြုသင့်ပါ။**)

ဒါကတော့ အသုံးပြုရမယ့်နှုန်းထားတွေပါ။

    • အပင်ငယ်ချိန်(၁၀)ရက်တစ်ကြိမ် ရေ အဆ ၅၀၀

    • မြေပြင်ချိန် သီးနှံမစိုက်ပျိုးခင်တစ်ပတ်အလို ရေအဆ ၅၀

    • ဖူးပွင့်ချိန်မှ ရင့်မှည့်ချိန်အထိ တစ်ပတ် (၁ ) ကြိမ် ရေ အဆ ၅၀၀

    • ပျဖြူ၊ ယင်ဖြူများ ကျရောက်ပါက - ရေ ၄ ဂါလံ + ပေါင်းခံရည်နို့ဆီဗူးတစ်ဝက် + ဆားကြမ်း ထမင်းစားဇွန်း(၂ ) ဇွန်းရောပြီး ပြင်းပြင်းဖြန်းပေးပါ။ 

    • ပျစိမ်း၊ ပျမဲအတွက် - ရေ ၄ ဂါလံ + ပေါင်းခံရည် နို့ဆီဗူးတစ်ဝက် + ဆားကြမ်းထမင်းစားဇွန်း(၄ ) ဇွန်းရောပြီး ပြင်းပြင်းဖြန်းပေးပါ။ အသီးများချိုစေလိုလျှင် ပေါင်းခံရည် (၁ ) ဂါလံတွင် ကြက်ဥခွံအမှုန့် ထမင်းစားဇွန်း (၄ )ဇွန်းထည့်ပြီး တစ်ညစိမ်ကာ ရေအဆ (၃၀၀) ဖြင့်ဖြန်းပေးပါ။

     ဓာတုဆေးတွေမှာ စွဲကပ်ပျံနှံ့ဖို့အတွက် ပါဝင်တဲ့ပစ္စည်းတွေက ပြိုကွဲရခက်လို့ ကျွန်မတို့ရဲ့မြေတွေကို မာလာစေပြီး သဘာဝပတ်ဝန်းကျင်ကို ထိခိုက်လွန်းပါတယ်။ အစားထိုးချင်တယ်ဆိုရင်တော့ ကဲ ...ခုပဲ သစ်သားပေါင်းခံရည်ကို သုံးလိုက်ပါ။ 

ကိုးကားချက်များ

ကလျာဏမိတ္တ ဖွံဖြိုးရေးဖောင်ဒေးရှင်းမှ ထုတ်ဝေသော ဂေဟအကျိုးပြုစိုက်ပျိုးရေးနည်းပညာ တောင်သူလက်စွဲစာအုပ်

https://www.meiwa-ind.co.jp/en/products/product-13/

Wood Vinegar and Biochar in Agriculture

How to Improve Crop Quality While Reducing 

Dependence on Agricultural Chemicals (From Sadakichi, Kishimoto and Hirowaka Tsuyoshi

Literature 

Review-Stephen Joseph

Editing -Helen Gould)

 

 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်