ကမ်းဇော်ပင်အကြောင်းနှင့် ဆေးဖက်ဝင်ပုံများ...

ရုက္ခဗေဒအမည် -Madhuca Longifolia/ Bassia Longifolia

မျိုးရင်း - Sapotaceae

မြန်မာအမည် - ကမ်းဇော်/ရေမယ်ဇယ်(ရေမည်စည်)

အင်္ဂလိပ်အမည် - Honey Tree/ Mahuwa Tree

ကမ်းဇော်ပင်သည် အပင်ကြီးအမျိုးအစားဖြစ်သည်။ အပင်သက်တမ်းမှာ နှစ်(၁၀၀)ခန့်ရှိသည့် နှစ်ရှည်ပင် အမျိုးအစားဖြစ်ပြီး ရာသီဥတုဒဏ်ခံနိုင်ရည်ရှိသောအရိပ်ရအပင်ဖြစ်သည်။ အပင်သက်တမ်း(၅)နှစ်သားတွင် လုံးပတ် (၂ပေခွဲ မှ ၃ပေ) ရှိမှသာ အသီးစတင်သီးလေ့ရှိသည်။ ကမ်းဇော်ပင်သည် သုံးနှစ်တစ်ကြိမ် အသီးသီးလေ့ရှိသည်။

ပုံသဏ္ဍာန်

မယ်ဇယ်ပင်နှင့်တူသည်။ အစေးထွက်သည်။ အစေ့မှ အဆီထွက်သည်။ အဆီသည် အဝါရောင်ရှိသည်။

အရွက်...........အစိမ်းရင့်ရောင်ဖြစ်ပြီး ထိပ်ချွန်သည်။ရွက်လွှဲထွက်သည်။အလျား(၈)လက်မ အနံ (၂)လက်မခန့်ရှိပြီး ငှက်မွှေးပုံစံကဲ့သို့ရှိသည်။

အပွင့်...........တပို့တွဲ၊တပေါင်းလများတွင်ပွင့်သည်။ အဝါနုရောင်ပွင့်သည်။

အသီး …….အစိမ်းရောင်ဖြစ်သည်။ တပေါင်း၊ တန်ခူးလများတွင် အသီးသီးသည်။ ကဆုန်၊ နယုန် အသီးကြွေချိန်တွင် အစေ့များကောက်ယူကြသည်။

အစေ့…….အစေ့ပုံစံမှာ ပြောင်ချောပြီးမာကျောသည်။ အညိုရင့်ရောင်/ကျွန်းသားရောင်ဖြစ်ပြီး ခရေစေ့နှင့် တူသော်လည်း ကမ်းဇော်စေ့က နှစ်ဆခန့် ပိုကြီးသည်။

ပေါက်ရောက်ရာဒေသ……...အိန္ဒိယနိုင်ငံတောင်ပိုင်းနှင့် မြန်မာနိုင်ငံတောင်ဘက်ဖျား တနင်္သာရီတိုင်းဒေသကြီး မြိတ်မြို့နယ်၊ ကျွန်းစုမြို့နယ်၊ တနင်္သာရီမြို့နယ် နှင့် ဘုတ်ပြင်းမြို့နယ်အတွင်းရှိ သစ်တောများ၏ မြေနိမ့်ချိုင့်ဝှမ်း ၊ရွံ့နွံပေါ၍ ရေရှိသော စွတ်စိုဒေသများတွင် အဓိကပေါက်ရောက်သည်။

ကမ်းဇော်ပင်အစိတ်အပိုင်းများ၏ကျန်းမာရေးအတွက် အသုံးဝင်မှုများ……

-ကမ်းဇော်အပွင့်ကို နှလုံးရောဂါ၊ သွေးရောဂါ၊ ချောင်းဆိုး၊ လည်ချောင်းနာ ရောဂါများအတွက် အသုံးပြုနိုင်သည်။

-ကမ်းဇော်အရွက်ကို နာကျင်ကိုက်ခဲမှုများ၊ မီးလောင်အပူနာများ၊ ထိခိုက်ရှနာများအတွက် အရွက်ကိုပြာချ၍ ထောပတ်နှင့် ရောလိမ်းနိုင်ပေသည်။

-ကမ်းဇော်အခေါက်ကို အရေပြားယားယံခြင်း၊ နူနာ၊ အရေပြားရောဂါ နှင့် ဆီးချိုရောဂါများအတွက် အသုံးပြုနိုင်သည်။

-အစေ့အဆီကို အရိုးအဆစ်နာကျင်ကိုက်ခဲခြင်း၊ ခေါင်းကိုက်ခြင်း၊ အသားအရည်လှပဆေး၊ နားကိုက်ခြင်း၊ ဝမ်းချုပ်ရောဂါ၊ သွားသွေးယိုစိမ့်ခြင်း နှင့် ခြေကွဲ၊ လက်ကွဲ၊ အသားအရည်ကွဲအက်ခြင်းများအတွက် အသုံးပြုနိုင်ပေသည်။

ကမ်းဇော်ပင်၏ အစိတ်အပိုင်းတိုင်းသည် အသုံးဝင်လှပေသည်။

ကမ်းဇော်ပင် အစိတ်အပိုင်းများမှာ အသုံးဝင်သော်လည်း ကမ်းဇော်ဆီ၏ဆေးဖက်ဝင်မှုမှာ ပို၍ကျော်ကြားသည်။ ကမ်းဇော်ဆီသည်အဝါရောင်ရှိပြီး အနံ့မှာ သစ်ဂျပိုးနံ့ရှိသည်။

ကမ်းဇော်ဆီတွင် Polysaccbaride , Saponin, Flavonoid , Sterol , B-carotene and aleanoliid acid Fatty acid စသောဒြပ်ပေါင်းများပါဝင်သည်။

ကမ်းဇော်ဆီမှာ ဈေးကွက်ဝင်ပြီး ပေါက်ဈေးမှာ ဝိုင်ပုလင်းပုံစံ တစ်ပုလင်းလျှင် (၁သိန်း‌ကျော်)ခန့်ရှိပေသည်။

မေမြတ်မော်

“သဘာဝဆေးဖက်ဝင် ကမ်းဇော်ဆီ အစွမ်း ကိုယ်တွေ့ဖြစ်ရပ်များ” စာအုပ်မှ ကောက်နုတ်ဖော်ပြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...