အရည်အသွေးကောင်းတဲ့ထောပတ်သီးကိုဘယ်လိုရွေးချယ်ဝယ်ယူမလဲ?

         တောင်သူဦးကြီးများရှင့်...ဈေးကဝယ်လာတဲ့ ထောပတ်သီးတွေ ခွဲစားခါနီးမှ အထဲမှာမှိုစွဲနေတာတို့ ညိုမဲပုပ်နေတာကိုမြင်ဖူးကြမယ်ဆိုရင် အောက်ကအချက်တွေကို ဖတ်ကြည့်လိုက်ကြရအောင်။

(၁) အရောင်ကိုကြည့်၍ရွေးချယ်ဝယ်ယူခြင်း

ရင့်မှည့်နေပြီဖြစ်တဲ့ထောပတ်သီးရဲ့အပြင်ခွံအရောင်က အမဲရောင်ကဲ့သို့ စိမ်းပုပ်ပုပ်အရောင်ရှိပါတယ်။ အစိမ်းရောင်ဖျော့နေသေးမယ်ဆိုရင်တော့ ရင်မှည့်ဖို့ ၃-၄ ရက်လိုအပ်ပါသေးတယ်။ အချို့ထောပတ်မျိုး ( fuerte,ettinger,reed,sharwill) တွေကရင့်မှည့်တဲ့တိုင်အောင် အစိမ်းရောင်ဖျော့ဖျော့ အဖြစ်ရှိနေတဲ့အတွက် ထောပတ်သီးကိုရွေးချယ်ဝယ်ယူတဲ့အခါ အမြင်တစ်မျိုးထဲနဲ့တော့ဆုံးဖြတ်ချက်ချလို့တော့ မရနိုင်ပါဘူးရှင့်။

(၂) ကိုင်ကြည့်၍ရွေးချယ်ဝယ်ယူခြင်း

ထောပတ်သီးတွေကို စိတ်ခံစားမှုအသုံးချပြီး လက်ဖြင့်ကိုင်ကြည့်ပြီးလည်း ရွေးချယ်ဝယ်ယူလို့ရနိုင်ပါတယ်။ သတိထားရမှာက လက်ဖြင့်အားထည့်ပြီး မနှိပ်ကြည့်ဖို့ပါ။ လက်ဖြင့်အားထည့် နှိပ်လိုက်တဲ့အခါ အတွင်းသားပျက်စီးပြီး အတွင်းကြေသွားကာ စားလို့မရတဲ့အထိဖြစ်နိုင်ပါတယ်။ ထောပတ်သီးရဲ့အပြင်ခွံမှာ ကြီးမားတဲ့ချိုင့်ခွက် သို့မဟုတ် ခြစ်ရာမဲကြီးတွေပါနေမယ်ဆိုရင် ထောပတ်သီးအတွင်းသားတွေက မကောင်းနိုင်လောက်တော့ပါဘူး။

(၃) ပုံသဏ္ဍာန်ကိုကြည့်၍ရွေးချယ်ဝယ်ယူခြင်း

ရင့်မှည့်နေတဲ့ထောပတ်သီးတွေဆို ပြောင်ချောမနေဘဲ အဖုအထစ်တွေနဲ့ပါ။ ထောပတ်သီးတွေကို နောက် ၃-၄ ရက်နေမှ စားဖို့ဝယ်ယူမယ်ဆိုရင် အပြင်ခွံမာကျောကျစ်လစ်နေတဲ့အနေအထားကို ရွေးချယ်သင့်ပါတယ်။ စားဖို့သင့်တော်တဲ့အနေအထားဖြစ်နေတဲ့ထောပတ်သီးကို အမှည့်လွန်ခြင်းမဖြစ်စေရန် ၁ရက် သို့မဟုတ် ၂ရက်ခန့် ရေခဲသေတ္တာထဲ ထည့်သိမ်းထားနိုင်ပါတယ်။

(၄) အညှာကိုကြည့်၍ရွေးချယ်ဝယ်ယူခြင်း

မလိုင်ကဲ့သို့ အနှစ်တွေနဲ့ပြည့်ဝနေတဲ့ထောပတ်သီးကိုရွေးချယ်ဝယ်ယူချင်တဲ့အခါ အညှာထိပ်လေးကိုခွါကြည့်ခြင်း သို့မဟုတ် ဖြတ်ကြည့်လိုက်ပါ။ အညှာခြေက အစိမ်းရောင်ဖြစ်မယ်ဆိုရင် ဝယ်ယူသင့်တဲ့အနေအထားဖြစ်ပြီး အညိုရောင်ဖြစ်နေမယ်ဆိုရင် အမှည့်လွန်နေပါပြီ။ အညှာတစ်ဝှိုက်က အမဲ (အညိုပုပ်) ရောင်ဖြစ်နေပြီဆိုရင် ထောပတ်သားမှိုစွဲနေခြင်းမျိုးဖြစ်နိုင်ပါတယ်။

ကဲ ဉီးကြီးတို့လည်း ဒီအချက်လေးတွေကို အသုံးချကြည့်ပြီး မကောင်းတဲ့ထောပတ်သီးဝယ်လာမိလို့ စိတ်မတိုရတော့ဘူးပေါ့နော်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်