ကျွဲ နွား မွေးမြူရေး ဖွံ့ဖြိုးတိုးတက်စေမည့် အစီအမံတစ်ခု

မြန်မာနိုင်ငံသည် စက်မှုလယ်ယာစနစ်သို့ အရှိန်အဟုန်ဖြင့် ကူးပြောင်းရန် ကြိုးပမ်းဆဲ ကာလတွင် လက်ငင်းအခြေအနေန၌ လယ်ယာလုပ်ငန်းခွင် အချို့နေရာများအတွက် ခိုင်းကျွဲနှင့် ခိုင်းနွားများကို အချို့သောလုပ်ငန်းများတွင် အားထားဆဲ ဖြစ်သည်။ စက်မှုလယ်ယာဖြင့် ထွန်ယက်သည့် လုပ်ငန်းတွင် စိုက်ပျိုးမြေ၏ ၇၀ ရာခိုင်နူန်းတွင်လည်း စက်ကိရိယာများ သုံးစွဲနိုင်ခဲ့ပြီ ဖြစ်၍ ကျန် ၃၀ ရာခိုင်နူန်းတွင် ကျွဲနွားများဖြင့် ထွန်ယက်လျက်ရှိသည်။

ထိုကာလ၌ပင် အိမ်နီးချင်းနိုင်ငံကြီးတစ်ခုက မြန်မာ့ကျွဲနွားများကို ဝယ်ယူနေသဖြင့် ကုန်သည်ပွဲစားများက ပြည်တွင်း၌ ဝယ်ယူကာ တင်ပို့နေကြသည်။

ယခင်က (၂၀၁၈ ခုနှစ် နိုဝင်ဘာ ၁၂ ရက်မတိုင်မီအထိ) ကျွဲ နွားတင်ပို့ရောင်းချသူများသည် ကျွဲနွားများကို ကိုယ်တိုင်မွေးမြူ ထားကြောင်း (သို့မဟုတ်) မွေးဖက်ပေး၍ မွေးမြူထားစေခဲ့ကြောင်း အထက်အထားတစ်စုံတစ်ရာ တင်ပြရန်မလိုဘဲ နိုင်ငံတော်က ၎င်းတို့အား တင်ပို့ခွင့်ပြုထားခဲ့သည်။

သို့သော် နိုဝင်ဘာ ၁၂ ရက်ကစပြီး ပြည်ပသို့ ကျွဲနွားတင်ပို့မည့် ကုမ္ပဏီများသည် တင်ပို့ရောင်းချမည့် ကျွဲနွားများမှာ ကိုယ်တိုင်မွေးမြူထားသော ကျွဲနွားများဖြစ်ကြောင်း (သို့မဟုတ်) မွေးဖက်ပေး၍ မွေးမြူထားသည့် ကျွဲနွားများဖြစ်ကြောင်း အထောက်အထားများကို မွေးမြူရေးစီမံချက်နှင့်အတူ တင်ပြကြရန် မွေးမြူရေးနှင့်ကုသရေးဦးစီးဌာနက ထုတ်ပြန်ထားသည် ဟု သိရသည်။ ရည်ရွယ်ချက်မှာ ပြည်တွင်း၌ ခိုင်းကျွဲ၊ ခိုင်းနွားအတွက်သာမက မွေးမြူရေးလုပ်ငန်းများ ဖွံ့ဖြိုးလာစေရေး ကိုလည်း အလေးထားခြင်းဖြစ်သည်။

မြန်မာနိုင်ငံ၏ သမားရိုးကျ စိုက်ပျိုးရေးစနစ်တွင် ကျွဲနွားများ၏ လုပ်အားသည် ဆက်လက်ပါဝင်နေဦးမည်ဖြစ်သည်။ စက်မှုလယ်ယာစနစ်သို့ ကူးပြောင်းနေချိန်၌ပင် ထွန်ယက်စိုက်ပျိုး သယ်ယူပို့ဆောင်ရေးတို့အတွက် ကာလတစ်ခုအထိ အရေးပါနေဦးမည်ဖြစ်သည်။

ယခုညွှန်ကြားချက်သည် မွေးမြူရေးလုပ်ငန်းဖွံ့ဖြိုးရေးကိုပါ ဦးတည်ကာ အဘက်ဘက်က သုံးသပ်ထုတ်ပြန်လိုက်ခြင်းဖြစ်၍ ပြည်တွင်းအတွက်ရော ပို့ကုန်အတွက်ပါ အကျိုးရှိစေမည်ဖြစ်သည်။

သစ်တောများခုတ်ယူသုံးစွဲနေချိန်ပင် စီမံကိန်းချ၍ ပြန်လည်ပျိုးထောင်စိုက်ပျိုးရသကဲ့သို့ လယ်ယာလုပ်ငန်းခွင်သုံးကျွဲနွားများ ပြည်ပသို့ တင်ပို့ခြင်းဖြင့် နိုင်ငံခြားဝင်ငွေရရှိအောင် ဆောင်ရွက်နေချိန်၌ပင် လျော့ပါးသွားမည့် ကျွဲနွားများအတွက် ကျွဲနွားမွေးမြူရေး လုပ်ငန်းများဖြင့် ပြန်လည်အစားထိုးအားဖြည့်နေကြရန်လည်း အထူးလိုအပ်လှသည်။

ထို့ကြောင့် ပြည်ပတင်ပို့သူများက အကန့်အသတ်မရှိ ပရမ်းပတာတင်ပို့ခြင်းကို တားမြစ်သည့်အနေဖြင့်လည်းကောင်း လျော့ပါးသွားမည့် ကျွဲနွားများအတွက် မွေးမြူရေးခြံများမှ အမြဲဖြည့်တင်းပေးနိုင်ရန်အတွက်လည်းကောင်း လိုအပ်မည့် ညွှန်ကြားချက်တစ်ရပ်ကို လိုအပ်လာချိန်တွင် အချိန်ကိုက်ထုတ်ပြန်လိုက်ခြင်းဖြစ်သည်ဟု ထင်မြင်မိပေသည်။

နိုင်ငံတော်ကိုယ်စား လိုအပ်လာ၍ သက်ဆိုင်ရာ ဦးစီးဌာနတစ်ခုက ကြီးကြပ်ကာ ညွှန်ကြားချက် ထုတ်ပြန်လိုက်ခြင်းဖြစ်ရာ ကျွဲနွားပို့ကုန်လုပ်ငန်းရှင်များသည် ညွှန်ကြားချက်ကို တိကျစွာ လိုက်နာကြရန် အထူးလိုအပ်ပေသည်။

အဆိုပါ ညွှန်ကြားချက်သည် ၂၀၁၇ ခုနှစ် အောက်တိုဘာလမှစ၍ ကျွဲနွားများ ပြည်ပသို့ တင်ပို့ခွင့် စတင်ခွင့်ပြုခြင်း တစ်နှစ်ပြည့်အခါသမယတွင် ချိန်ကိုက်ထုတ်ပြန်လိုက်ခြင်းဖြစ်ရာ အဘက်ဘက်သုံးသပ်၍ ထုတ်ပြန်ထားသည့် ယင်းညွှန်ကြားချက်ကို လက်တစ်လုံးခြား လှည့်ဖြားဆောင်ရွက်ခြင်း မပြုကြဘဲ တိကျစွာ လိုက်နာကြရန် လိုအပ်ပေသည်။

သို့မှသာ ပြည်တွင်း၌ လယ်ယာလုပ်ငန်းခွင်သုံးနှင့် စားနပ်ရိက္ခာသားငါးထုတ်လုပ်မှု လိုအပ်ချက်ကိုလည်း အခက်အခဲမကြုံလာစေတော့ဘဲ ပြည်ပဝင်ငွေလည်း တိုးမြှင့်ရရှိစေနိုင်မည်ဖြစ်၍ အောင်မြင်စွာ ကြီးကြပ်ဆောင်ရွက်သွားကြရန် တိက်တွန်းလိုက်ရပေသည်။

လယ်ယာစီးပွား

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Facebook page သို့သွားရန်

ဆွေးနွေးချက်များ

ဆွေးနွေးရန်

ကျွဲ နွား မွေးမြူရေး ဖွံ့ဖြိုးတိုးတက်စေမည့် အစီအမံတစ်ခု

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကျွဲ နွား မွေးမြူရေး ဖွံ့ဖြိုးတိုးတက်စေမည့် အစီအမံတစ်ခု

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

{{ post.title }}