ဈေးကွက်ဝင် မက္ကဒေးမီးယား

ယနေ့ခေတ် စူပါမားကတ်များတွင် ဈေးကြီးကြီးပေးပြီး ဝယ်စားနေကြရတဲ့ မက္ကဒေးမီးယားလို့ခေါ်တဲ့ အစေ့အဆံလေးအကြောင်းကို ဗဟုသုတအဖြစ် တင်ပြပေးပါ့မယ်။

မက္ကာဒေးမီးယားမှာဆိုရင် အကြမ်းအားဖြင့် စီးပွားရေးအရအရေးပါတဲ့ မျိုး၂ မျိုး ရှိပါတယ်။ ပထမတစ်မျိုးကတော့ အခွံချောမွေ့တဲ့ မက္ကဒေးမီးယားမျိုးပဲ ဖြစ်ပါတယ်။ သူ့ရဲ့သိပ္ပံနာမည်ကတော့ Macadamia integrifolia ဖြစ်ပါတယ်။ ဒုတိယမျိုးကတော့ အခွံကြမ်းတဲ့ မက္ကဒေးမီးယားမျိုးပါ။ သူ့ရဲ့ သိပ္ပံအမည်ကတော့ Macadamia tetraphylla ပဲ ဖြစ်ပါတယ်။

သူ့ရဲ့ အပင်အမြင့်ကတော့ မျိုးပေါ်မူတည်ပြီး ၂ မီတာမှ ၁၂ မီတာ အထိတောင် မြင့်ပါတယ်။ အသီးဟာဆိုရင်လည်း အရမ်းကိုမာကြောပြီး ထိပ်ဖျားချွန်နေပါတယ်။ အဲ့ဒီအသီးကို ခွဲလိုက်ရင်တော့ ကျွန်မတို့စားသုံးကြတဲ့ မက္ကဒေးမီးယားအစေ့ကို တွေ့မြင်နိုင်မှာဖြစ်ပါတယ်။

မက္ကဒေးမီးယားဟာဆိုရင်ဖြင့် အအေးပိုင်းဒေသတွေမှာရော အပူပိုင်းဒေသတွေမှာပါ စိုက်ပျိုးနိုင်ပါတယ်။ ဒါပေမယ့် နှင်းကျတာကိုတော့ မကြိုက်တဲ့အတွက် ဆီးနှင်းလွတ်တဲ့ဒေသဖြစ်ဖို့တော့ လိုအပ်ပါတယ်။ အပူချိန် ၁၀°C အောက် မကျဖို့လည်း လိုအပ်ပါတယ်။ ပျမ်းမျှအပူချိန်ကတော့ ၂၅°C ဖြစ်ပါတယ်။

မက္ကဒေးမီးယားက မြေဆီဩဇာကြွယ်ဝတဲ့မြေကို ပိုကြိုက်ပါတယ်။ ဒါပေမယ့် အမျိုးမျိုးသော မြေတွေမှာလည်း စိုက်ပျိုးဖြစ်ထွန်းနိုင်ပါတယ်။ အဓိက လိုအပ်တာကတော့ ရေသွင်းရေထုတ်ကောင်းဖို့ပါပဲ။ မြေချဉ်ငံဓာတ် (pH) ၅ မှ ၆ အကြားရှိတဲ့ မြေတွေမှာ ပိုမိုဖြစ်ထွန်းပြီး အလင်းရောင်ကောင်းစွာရဖို့လည်း လိုအပ်ပါတယ်။

အပင်ငယ်စဉ်မှာတော့ လေဒဏ်မှ ကာကွယ်ပေးဖို့လိုအပ်ပါတယ်။ မိုးရေချိန်အနေနဲ့ကတော့ ၄၀ လက်မ မှ ၈၀ လက်မကြား လိုအပ်ပါတယ်။ မိုးရေချိန်ပုံမှန်ရှိတဲ့ ဒေသတွေမှာတော့ အဆင်ပြေပေမယ့် မိုးရေချိန် ပုံမှန်မရှိတဲ့ဒေသတွေမှာဆိုရင်တော့ အပင်အရမ်းခြောက်သွေ့လာတဲ့အခါ ရေသွင်းပေးဖို့ လိုအပ်ပါတယ်။

အခုနက ပြောခဲ့သလိုပဲ မက္ကဒေးမီးယားပင်က ဆီးနှင်းကျတာကို မကြိုက်ပါဘူး။ အဲ့လိုပဲ ရေဝပ်တာကိုလည်း မကြိုက်ပါဘူး။ ဒါပေမယ့် မက္ကဒေးမီးယားအပင်က အတော်လေးကို အကြမ်းခံနိုင်ပါတယ်။ တကယ်လို့ ကိုယ်က ကျွေးနိုင်တယ်ဆိုရင်တော့ အနည်းလို အာဟာရဓာတ်တွေဖြစ်တဲ့ မဂ္ဂနီဆီယမ်၊ ဆာလဖိတ်၊ ဇင့်၊ ဘိုရွန် စတာတွေကို ကျွေးပေးလို့ရပါတယ်။ နိုက်ထရိုဂျင်ဓာတ်တွေလည်း ကျွေးပေးနိုင်ပါတယ်။

မက္ကဒေးမီးယားအပင်တွေဟာ ဖိုက်တိုပသော်ရာ အမြစ်ရောဂါဒဏ်ကို ခံနိုင်ရည် မရှိပါဘူး။ သူ့ရဲ့ အမြစ်တွေက နက်နက်မဆင်းနိုင်ဘဲ အမြစ်တိမ်တဲ့အတွက် လေမုန်တိုင်းတွေပြင်းပြင်းထန်ထန် တိုက်တဲ့အခါမှာလည်း လဲကျနိုင်ပါတယ်။

စိုက်ပျိုးနည်း

မက္ကဒေးမီးယားပင်ကို စိုက်မယ်ဆိုရင်တော့ အစေ့ကနေ စိုက်တာထက် ကိုင်းကူးကိုင်းဆက်နည်းနဲ့ စိုက်ဖို့ တိုက်တွန်းပါရစေ။ ဘာလို့ဆို အစေ့ကနေစိုက်မယ်ဆိုရင် အစေ့အဆံရဖို့ အချိန်အထိ ၇ နှစ်လောက် အနည်းဆုံးကြာနိုင်လို့ပါ။ ဒါပေမယ့် ကိုင်းကူးကိုင်းဆက်နည်းကိုသာ သုံးမယ်ဆိုရင်တော့ နှစ်နှစ်လောက်နဲ့တင် အသီးစတင်နိုင်ပါတယ်။ ချွင်းချက်အနေနဲ့ကတော့ မက္ကဒေးမီးယားအပင်တွေဟာ ကိုင်းကူးကိုင်းဆက်လုပ်ရာမှာ အောင်မြင်ဖို့တော့ နည်းနည်းခက်ခဲလှပါတယ်။ အဲ့ဒါကြောင့်လည်း မက္ကဒေးမီးယား အစေ့တွေဟာ ဒီနေ့ခေတ်ဈေးကွက်မှာတော့ ဈေးအကြီးဆုံး အစေ့အဆံတစ်ခုအဖြစ် ရပ်တည်နေနိုင်တာပဲ ဖြစ်ပါတယ်။ ပြီးတော့ မက္ကဒေးမီးယားအသီးတွေဟာ ဘယ်အချိန်ရင့်မှည့်တယ်ဆိုတာ မှန်းရခက်တဲ့အတွက် အသီးတွေ မြေပေါ်ကြွေကျတဲ့အထိ ထားကြရပါတယ်။ ကြွေကျသွားတဲ့အချိန်မှသာ လူတွေကကောက်ယူပြီး အစေ့ထုတ်ဖို့ ပြုလုပ်ကြရတာ ဖြစ်ပါတယ်။ အခုလောက်ဆိုရင်တော့ မက္ကဒေးမီးယားအပင်အကြောင်း အတော်လေး သိလောက်ပြီထင်ပါတယ်။ နောက်ဆုံးတစ်ခု ပြောချင်တာကတော့ မက္ကဒေးမီးယားအစေ့တွေဟာ ခွေးလေးတွေကို အဆိပ်အတောက်ဖြစ်စေပါတယ်။ အဲ့ဒါကြောင့် ချစ်လို့ဆိုပြီး မိမိခွေးလေးတွေကို တန်ဖိုးကြီးတဲ့ မက္ကာဒေးမီးယား အစေ့လေးတွေ သွားမကျွေးမိဖို့ တိုက်တွန်းရင်း နိဂုံးချုပ်ပါရစေရှင့်။ ။

Reference: https://en.wikipedia.org/wiki/Macadamia

https://www.britannica.com/plant/macadamia

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...