ဒီဇင်ဘာလအတွင်း ကြက်အရှင်စျေး တစ်ပိဿာ ၅၅၀၀ အထိ ထပ်မံကျဆင်း

ပြည်တွင်းကြက်မွေးမြူရေးကဏ္ဍမှာ အသားတိုး ကြက်အရှင်စျေးက ယခုဒီဇင်ဘာလအထိ ဆက်တိုက်ကျဆင်းလာပြီး တစ်ပိဿာကို အများဆုံး ၅၅ ၀၀ ကျပ်လောက်အထိ ထပ်ကျသွားတယ်လို့ မွေးမြူရေးလုပ်ကိုင်သူတွေဆီမှ သိရပါတယ်။

ယခု နိုဝင်ဘာ ၂၁ ရက်နေ့မှာ ဖြစ်ပေါ်ခဲ့တဲ့ ကြက်အရှင်စျေးတွေက စစ်ကိုင်းတွင် တစ်ပိဿာကို ၁၀၀၀၀ ကျပ် ၊ မန္တလေးကြက်အရှင်စျေးတွင် တစ်ပိဿာကို ၉၃၀၀ ကျပ်သာရှိ ပြီး ကျောက်ဆည်စျေးတွင်လည်း တစ်ပိဿာ ၉၅၀၀ ကျပ် ရှိကာ မိတ္ထီလာမြို့တော့ ကြက်အရှင် စျေးက ၉၅၀၀ ၊ ကျောက်ပန်းတောင်းက ၉၆၀၀ ကျပ် ၊ မကွေးက ၉၈၅၀ ကျပ် ၊ မုံရွာက ၉၅၅၀ ကျပ်သာ ရှိတော့တယ်လို့ သိရပါတယ်။

အလားတူ ရန်ကုန်မှာလည်း လက်ရှိ ကြက်အရှင်စျေးက တစ်ပိဿာကို ၉၁၀၀ မှ ၉၃၀၀ ကျပ်သာ ရှိပါတယ်။

ပြီးခဲ့တဲ နိုဝင်ဘာလ ၂၄ ရက်မှာ ဖြစ်ပေါ်ခဲ့တဲ့ ကြက်အရှင် စျေးနှုန်းက စစ်ကိုင်းမှာ ကြက်အရှင်စျေးက တစ်ပိဿာကို ၁၅၅၀၀ ကျပ်၊ မန္တလေး နဲ့ ကျောက်ဆည် ၊ မြင်းခြံ ဒေသတွေရဲ့ ကြက်အရှင်စျေးက တစ်ပိဿာကို ၁၄၇၀၀ ကျပ်ရှိခဲ့ ပြီး မိတ္ထီလာ စျေးက ၁၄၀၀၀ ၊ ကျောက်ပန်းတောင်းက ၁၄၅၀၀ ကျပ် ၊ မကွေးက ၁၃၈၅၀ ကျပ် ၊ မုံရွာက ၁၄၁၅၀ ကျပ် ရှိခဲ့တယ်လို့ သိရပါတယ်။

ရန်ကုန်မှာ ဖြစ်ပေါ်ခဲ့တဲ့ ကြက်အရှင် စျေး က ၁၄၁၀၀ ကျပ် ရှိခဲ့တာဖြစ်ပါတယ်။

ထို့ ကြောင့် ယခင်လ နိုဝင်ဘာလ ၂၄ ရက်မှာ ဖြစ်ပေါ်ခဲ့တဲ့ ကြက်အရှင် စျေးနှုန်းနဲ့ ယခု နိုဝင်ဘာ ၂၁ ရက်နေ့မှာ ဖြစ်ပေါ်ခဲ့တဲ့ စျေးကွက်ကို ယှဥ်ကြည့်ပါက တစ်လနီးပါး အတွင်း ၄၀၀၀ မှ ၅၅၀၀ ကျပ်လောက်အထိ ကျဆင်းသွားတာ ကိုစျေးကွက်အရ သိရပါတယ်။

" ကြက်အရှင်စျေးက ဆက်တိုက်ကျလာပြီး အခုတော့ အကျမှာ ရပ်နေတယ်။ ကြက်တွေ ရောဂါဝင်ပေမယ့် ကြက်ကြီးက စျေးကွက်ထဲ အဝင်များနေတော့ စျေးကျနေတာပါ " လို့ ကြက်မွေးမြူရေး လုပ်ကိုင်သူ တစ်ဦးက ပြောပါတယ်။

အသားစျေးကွက်ထဲကို ကြက်ကြီးတွေ ဝင်ရောက်မှု များနေတဲ့အတွက် စျေးဆက်တိုက် ကျဆင်းနေတာဖြစ်ကြောင်း ၊ ကြက်အရှင်စျေး ကျဆင်းနေတဲ့ အတွက် မွေးမြူရေးသမားတွေမှာ အဆင်မပြေ ကြဘူးလို့လည်း သိရပါတယ်။

ကြက်မွေးမြူရေး ခြံတွေမှာ ယခုအထိ ကြက်ငယ်တွေ ရောဂါဖြစ်ပွားမှု ရှိနေဆဲ ဖြစ်သလို မွေးမြူရေး အစာစျေးနှုန်းတွေကလည်း မြင့်တက်နေတာ ကြောင့် ယခုဖြစ်ပေါ်နေတဲ့ ကြက်အရှင်စျေးနှုန်းက တွက်ချေမကိုက်ဘူး လို့သိရပါတယ်။

လက်ရှိမှာတော့ ကြက်အရှင်စျေး ကျဆင်းမှုနဲအတူ ကြက်သားစျေးကလည်း အသားသီးသန့် ( အရိုးမပါ) တစ်ပိဿာ ၂၇၀၀၀ ကျပ် ရှိပြီး ကြက်အပေါ်ပိုင်း အသား ရင်ညွှန့်ရိုးပါတာက ၂၃၀၀၀ ကျပ်နဲ့ ပေါင်က ၂၀၀၀၀ စျေးအထိ ပြန်ကျသွားပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။