မြန်မာ့လယ်ယာလုပ်ငန်းခွင် အမျိုးသမီးလယ်သမားများကို အားပေးကူညီပေးကြပါ

24/02/2023 13:00 PM တွင် ဒို့ဦး​လေး ဒို့ဦး​လေး မှ ရေးသား

ကုလသမဂ္ဂရဲ့ အစားအစာနဲ့ စိုက်ပျိုးရေးအဖွဲ့(UNFAO) ရဲ့ထုတ်ပြန်ချက်အရ ၂၀၅၀ ခုနှစ်မှာ ကမ္ဘာ့လူဦးရေ ၉.၁ ဘီလီယံကျော်အတွက် စားနပ်ရိက္ခာ အခက်အခဲဖြစ်လာနိုင်တယ်လို့ ဆိုပါတယ်။

အဲဒီအတွက် စိုက်ပျိုးထုတ်လုပ်မှုကဏ္ဍကို နှစ်ဆတိုး ထုတ်လုပ်ဖို့လိုအပ်ကြောင်း၊ အထူးသဖြင့် ဖွံ့ဖြိုးဆဲနိုင်ငံများအနေဖြင့် ယခုထက် ၇၀% တိုးတက်ထုတ်လုပ်နိုင်ဖို့ အခုချိန်ကတည်းက ကြိုးပမ်းဆောင်ရွက်သင့်ကြောင်းကို အစီရင်ခံစာမှာ တွေ့ရှိရပါတယ်။

လက်ရှိ မြန်မာ့လယ်ယာစိုက်ပျိုးရေးကဏ္ဍကို ကြည့်လိုက်ပြန်တော့

  • ရာသီဥတု ပြောင်းလဲမှုတွေကြောင့်သော်လည်းကောင်း
  • တိုင်းပြည်ရဲ့ နိုင်ငံရေးအကြပ်အတည်းကြောင့်သော်လည်းကောင်း
  • စီးပွားရေး၊ လူမှုရေး အခက်အခဲများကြောင့်သော်လည်းကောင်း
  • စိုက်ပျိုးနိုင်တဲ့ဧရိယာတွေ လျော့နည်းလာမှုကြောင့်သော်လည်းကောင်း
  • သွင်းအားစု ကုန်ကျစရိတ် မြင့်မားလာမှုကြောင့်သော်လည်းကောင်း
  • နည်းပညာ အားနည်းမှုများကြောင့်သော်လည်းကောင်း

ပြည်တွင်စိုက်ပျိုးထုတ်ကုန်များ  ထုတ်လုပ်မှု လျော့ကျနိုင်တာအမှန်ပါ။

ပြည်တွင်းထုတ်လုပ်မှု လျော့ကျလာတာနဲ့အမျှ ပြည်ပသွင်းကုန်တွေကို အားကိုးနေရမှာဖြစ်လို့ ကြာလေ နစ်လေ ဖြစ်ပါလိမ့်မယ်။

ပိုဆိုးသည်က မြန်မာ့လယ်ယာအလုပ်ခွင်မှာ အကြောင်းများစွာကြောင့် လယ်ယာကိုကျောခိုင်းပြီး တိုင်းတပါးမှာ စီးပွားရှာနေကြတဲ့ လယ်သမားစစ်စစ်တွေ  များလာသဖြင့် လယ်ကွင်းထဲမှာ တောင်သူအမျိုးသားနည်းလာပါတယ်။

အဲဒီတော့...

မြန်မာ့လယ်ယာမှာ အမျိုးသမီးတောင်သူဦးရေ များလာတယ်လို့  ဆိုချင်ပါတယ်။

ဘာကြောင့် ပြောနိုင်တာလည်းဆိုရင်..

စာရေးသူ တောင်သူပညာပေးဆွေးနွေးပွဲတွေကို တိုင်းနဲ့ ပြည်နယ်အနှံ့ ပြုလုပ်တဲ့နေရာဒေသ အတော်များများမှာ တက်ရောက်သူရဲ့ ၇၀ % ဟာ တောင်သူအမျိုးသမီးတွေပါ။

ဒါကြောင့်လည်း ဒီစာစုလေးကို ရေးသားတင်ပြရခြင်း ဖြစ်ပါတယ်။

တောင်သူအမျိုးသမီးများအတွက် အကူအညီပေးရေး

""""""""""""""""""""""""""""""""""""""""""""""""""

ယခင်က လယ်ယာလုပ်ငန်းခွင်မှာ ထွန်ယက်ခြင်း၊ စီမံခန့်ခွဲခြင်းကို  အမျိုးသားများက ဦးဆောင်စိုက်ပျိုးကြပြီး ရိတ်သိမ်းချွေလှေ့ခြင်းလောက်သာ အမျိုးသမီးတွေ ပါဝင်ကြရပါတယ်။

ယခုအချိန်မှာ..

- ကိုယ်တိုင်စီမံ ခန့်ခွဲရခြင်း

- ကိုယ်တိုင် မျိုးရှာ၊ ဆေးဝယ်၊ ဆေးဖျန်းရခြင်း ဟူသော..ပြုဖွယ်ကိစ္စမှန်သမျှ  အမျိုးသမီးတွေ ဦးဆောင်ရတာများလာပါတယ်။

ဆိုတော့ကား..

စာရေးသူ အထက်မှာ တင်ပြခဲ့သလို စိုက်ပျိုးရေးကုန်ထုတ်လုပ်မှု နှစ်ဆတိုး ဖို့ဆိုရင်..

လက်ရှိ လယ်ယာကဏ္ဍကို ဖော်ဆောင်နေသော တောင်သူအမျိုးသမီးထုကို လိုအပ်ချက်များ ကူညီပံ့ပိုးရေး အတွက်

- နည်းပညာ

- ငွေကြေး

- လယ်ယာသုံးပစ္စည်း စသော 

သွင်းအားစုကူညီထောက်ပံ့ရေး အဖွဲ့အစည်းတခု/ဌာန တစ်ခု လိုအပ်နေပါတယ်လို့ စာရေးသူတစ်ဦးတည်းအမြင်အရ ထောက်ပြရခြင်းဖြစ်ပါတယ်။

ဒါ့အပြင် စာရေးသူရဲ့ တောင်သူပညာပေးဆွေးနွေးပွဲမှာ တက်ရောက်လာတဲ့ အမျိုးသမီးတွေဟာဆိုရင် အပြန်အလှန် ဆွေးနွေးမေးမြန်းသူ အတော်နည်းပါတယ်။

ကိုယ်တိုင် ဦးစီးလုပ်ကိုင်နေသော်ငြား..

ကိုယ်တိုင် စိုက်ပျိုးရေးအခက်အခဲ(မျိုး၊ မြေဆီ၊ ပိုး၊ ပေါင်း၊ ရောဂါ)များကို သိချင်သော်ငြား..

ရှက်တာ/ကြောက်တာကြောင့် သိချင်တာကို မမေးမြန်းဘဲ လက်ဆောင်လေးယူပြီး ပြန်သွားကြတာများပါတယ်။

မှတ်မှတ်ရရပြောရမယ်ဆိုရင်

မိတ္ထီလာမြို့နယ်မှာရှိတဲ့ ငရုတ်အကြီးအကျယ်စိုက်တဲ့ ရွာကြီးတစ်ရွာမှာ တောင်သူပညာပေးဆွေးနွေးပွဲလုပ်ဖို့ ကြိုတင်ဖိတ်ထားပေမဲ့ နေ့လယ် ၁ နာရီအချိန်ထိ တယောက်မှ ရောက်မလာကြဘူးဗျာ။

“စာရေးသူ က..ဘာလို့မလာကြတာလဲ?”ဟု မေးမြန်းကြည့်တော့..

တစ်ရွာလုံး.အဲ့နေ့ တစ်နေကုန် ငရုတ်သီးဆွတ်နေရလို့ပါတဲ့။ ထမင်းတောင်  တောထဲစားကြရပါသတဲ့။

အဲတော့..အမျိုးသမီးတွေ ငရုတ်သီးခူးလို့မလာနိုင်ရင် အမျိုးသားတွေ ဘယ်ရောက်နေလို့လဲလို့။

တကယ်လည်း..သိချင်လို့မေးတာပါ။

"ဆရာရေ..အမျိုးသားတွေက ငရုတ်စိုက်ချိန်လောက်သာရှိတာ စိုက်ပြီးတာနဲ့ တချို့ မြို့တက်အလုပ်ထွက်လုပ်တယ် တချို့ကတော့..ထိုင်း၊ မလေး၊ လာအိုမှာ အလုပ်ထွက်လုပ်နေကြတာ။ အဖိုးအဖွား၊ ကလေးနဲ့ မသန်မစွမ်းတွေပဲကျန်တာ" တဲ့ ဗျာ ။

အချုပ်အနေနဲ့ ပြောရမယ်ဆိုရင်တော့ အကြောင်းကြောင့် လယ်ယာလုပ်ငန်းခွင်ကို

မဖြစ်မနေ လုပ်ဆောင်နေကြရတဲ့ တောင်သူအမျိုးသမီးထုအတွက် မြန်မာ့လယ်ယာကဏ္ဍ ရေရှည်ဖွံ့ဖြိုးတိုးတက်ရေးကို ဦးတည်လျက်

  • အချိန်ပေး၊ ပညာပေး ကူညီနိုင်သော အဖွဲ့အစည်း၊ ကုမ္ပဏီများ
  • သွင်းအားစု(မျိုး၊ မြေဆီ၊ ဆေး၊ ငွေကြေးအရင်းအနှီး...) စတဲ့ ကူညီရေးအဖွဲ့များ
  • သင်တန်းများ
  • အကျိုးတူ ပူးပေါင်းဆောင်ရွက်ရေးကုမ္ပဏီအဖွဲ့များ
  • နိုင်ငံတကာ စျေးကွက်နဲ့ချိတ်ဆက်နိုင်သော အဖွဲ့အစည်း ကုမ္ပဏီများ..

လျင်မြန်စွာ ပေါ်ပေါက်အကောင်အထည်ဖော်နိုင်စေရန် ရည်ရွယ်၍ ရေးသားတင်ပြရ ခြင်း ဖြစ်ပါတယ်။

စေတနာများစွာဖြင့်...

ဒို့ဦးလေး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်