ငရုတ်ပင်၏ အာဟာရချို့တဲ့မှု လက္ခဏာများ

ဦးကြီးတို့စိုက်ထားတဲ့ ငရုတ်ပင်တွေမှာ ရောဂါကျတာလား၊ ပိုးကျတာလား၊ အာဟာရဓာတ် ချို့တဲ့တာလား ကွဲကွဲပြားပြားသိဖို့ လိုပါတယ်။ ဒါမှလည်း ကုသရာမှာ အနာနဲ့ဆေး ကွက်တိကျတော့မှာပေါ့။ အဲ့ဒါကြောင့် ငရုတ်ပင်မှာ အာဟာရဓာတ်ချို့တဲ့ရင် ဘယ်လိုလက္ခဏာတွေ  ပြသလဲဆိုတာ လေ့လာကြည့်ရအောင်လားဗျာ။

နိုက်ဒရိုဂျင်ဓာတ်ချို့တဲ့မှု လက္ခဏာ

- နိုက်ဒရိုဂျင်ဓာတ်ချို့တဲ့နေလျှင် အောက်ဘက်ရှိအရွက်များ အဝါရောင်ပြောင်းလာမယ်။

- ပြင်းထန်လာလျှင်တော့ အပင်ကြီးထွားမှု ရပ်တန့်သွားပါမယ်။

ဖော့စဖရပ် ချို့တဲ့မှုလက္ခဏာ

- အရွက်တွေရဲ့ အဖျားပိုင်းမှာ အနီဖျော့ရောင်သန်းလာပါမယ်။

- ချို့တဲ့မှုပြင်းထန်လျှင် အမြစ်ကြီးထွားမှု အားနည်းလာမယ်။

ပိုတက်စီယမ် ချို့တဲ့မှုလက္ခဏာ

- အောက်ဘက်ရွက်တွေ အစိမ်းရင့်ရောင်ပြောင်းလာပြီး ရွက်ကြောတွေက မီးလောင်နာဖြစ်လာမယ်။

- ချို့တဲ့မှုပြင်းထန်လာလျှင် အသီးကြီးထွားမှုနှေးပြီး အထွက်နှုန်းကိုထိခိုက်စေနိုင်ပါတယ်ဗျ။

ကယ်စီယမ်ချို့တဲ့မှုလက္ခဏာ

- အရွက်တွေအပေါ်ကို ကွေးလာပါမယ်။

- ကယ်ဆီယမ်ဓာတ်ချို့တဲ့မှု ပြင်းထန်လာလျှင် အဖူးထွက်နည်းပြီး ရွက်နုတွေကလည်း ပုံသဏ္ဍန်မမှန်တာတွေဖြစ်လာပါမယ်။

မဂ္ဂနီဆီယမ်ချို့တဲ့မှုလက္ခဏာ

- ရွက်ကြောတွေကြားမှာ အဝါရောင်ကွက်ကြားတွေ ဖြစ်လာပါမယ်ဗျ။

ဆာလ်ဖာချို့တဲ့မှုလက္ခဏာ

- အရွက်နုတွေက အဝါဖျော့ရောင်ပြောင်းလာမယ်။

ဘိုရွန်ချို့တဲ့မှုလက္ခဏာ

-အရွက်တွေ ပုံစံတူစွာပဲ အောက်ဘက်ကိုကွေးသွားပါမယ်။

သံဓာတ်ချို့တဲ့မှုလက္ခဏာ

- အရွက်များ အဖြူဖျော့ရောင်ပြောင်းလာပါမယ်။

- ပြင်းထန်လာလျှင် အသီးထွက်နှုန်းကို လျော့ကျစေပါတယ်။

ဒီလောက်ဆိုရင်တော့ ဉီးကြီးတို့လည်း ငရုတ်ပင်မှာ အာဟာရချို့တဲ့လျှင် ဖြစ်ပေါ်စေတဲ့ လက္ခဏာတွေကို သိရှိပြီး မှန်ကန်တဲ့ကုသမှုတွေ လုပ်ဆောင်နိုင်ကြပါစေဗျာ။

ထွန်းရာဇာ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်