ရေကြီးမှုကြောင့် ငါး၊ ပုစွန်မွေးမြူရေးကန်များ ပျက်စီးဆုံးရှုံးပါက အစိုးရမှ ငါးသားပေါက်ထောက်ပံ့မည်

ရေကြီးရေလျှံမှုကြောင့် ငါး၊ ပုစွန်မွေးမြူရေးကန်များ ထိခိုက်ပျက်စီးဆုံးရှုံးပါက ယင်းမွေးမြူရေးတောင်သူများသို့ အစိုးရမှ ငါးသားပေါက်များ ကူညီထောက်ပံ့ပေးသွားမည်ဖြစ်၍ ငါးမွေးမြူရေးလုပ်ငန်းရှင်များအသင်းမှ ပျက်စီးဆုံးရှုံးမှုအား အချိန်နှင့်တပြေးညီ တင်ပြရန်လိုအပ်ကြောင်း ငါးလုပ်ငန်းဦးစီးဌာနမှ သိရသည်။

လက်ရှိ အထက်မြန်မာပြည်တွင် ဧရာဝတီမြစ် ရေကြီးရေလျှံမှုသည် အောက်မြန်မာပြည်သို့ ရောက်ရှိလာနိုင်ခြင်းကြောင့် တိုင်းဒေသကြီးအစိုးရအနေဖြင့် စီမံချက်များ ရေးဆွဲဆောင်ရွက်လျက်ရှိပြီး ငါးလုပ်ငန်းဦးစီးဌာနအနေဖြင့် မြို့နယ်ဦးစီးမှူးများ၊ ကျေးရွာအုပ်ချုပ်ရေးမှူးများနှင့် ပူးပေါင်း၍ ဗီနိုင်းများကပ်ကာ ရေကြီးရေလျှံခြင်းကို ကြိုတင်ကာကွယ်ရန်လည်း အသိပေးနှိုးဆော်ထားကြောင်း သိရသည်။

"တကယ်လို့ ရေကြီးရေလျှံမှုကြောင့် ပျက်စီးဆုံးရှုံးမှုတွေ ဖြစ်ပေါ်လာလို့ရှိရင် ကျွန်တော်တို့ဘက်က လုပ်ပေးနိုင်တဲ့အတိုင်းအတာက ငါးသားဖောက်တွေ အခမဲ့ဖြန့်ဖြူးပေးနိုင်မယ့် အခြေအနေကို သားပေါက်စခန်းတွေမှာ ပြင်ဆင်ထားပြီးဖြစ်ပါတယ်။ နိုင်ငံတော်မှာရှိတဲ့ စခန်းတွေက တိုင်းဒေသကြီးနဲ့ ပြည်နယ်အသီးသီးမှာရှိတဲ့ ငါးကန်တွေအားလုံးကို ထောက်ပံ့ပေးမှာဖြစ်ပါတယ်။ အဲ့ဒီတော့ အမှန်တကယ် ဆုံးရှုံးတဲ့သူတွေအတွက် ငါးလုပ်ငန်းအဖွဲ့ချုပ်ရယ် ကျွန်တော်တို့ ဌာနရယ် ကျေးရွာအုပ်ချုပ်မှူးအပိုင်းရယ် မြို့နယ်အုပ်ချုပ်မှုရယ် ပူးပေါင်းပြီးတော့ ကျွန်တော်တို့ ကူညီထောက်ပံ့သွားမှာဖြစ်ပါတယ်။" ဟု ရန်ကုန်တိုင်းဒေသကြီး ငါးလုပ်ငန်းဦးစီးဌာနမှ တိုင်းဦးစီးမှူး ဦးလှဝင်းက ပြောသည်။

မြန်မာနိုင်ငံအောက်ပိုင်းဒေသများဖြစ်သော ဧရာဝတီ၊ ရန်ကုန်နှင့် ပဲခူးတိုင်းဒေသကြီးတို့ရှိ မြို့နယ်အချို့တွင် မိုးအဆက်မပြတ်ရွာသွန်းခြင်း၊ ထူးကဲဒီရေမြင့်တက်ခြင်း၊ အထက်မြန်မာပြည်မှရေများစီးဆင်းလာခြင်းတို့ကြောင့် သြဂုတ်လမှ စက်တင်ဘာလအတွင်း ရေကြီးရေလျှံမှုများ ဆက်လက်ဖြစ်ပေါ်နိုင်သဖြင့် ငါး၊ ပုစွန်မွေးမြူရေးကန်များအနေဖြင့် ရေကြီးရေလျှံမှုများကြောင့် ဆုံးရှုံးနစ်နာမှုများမဖြစ်ပေါ်စေရန် ကြိုတင်ကာကွယ်မှုများ ပြုလုပ်ထားရန် လိုအပ်ခြင်းဖြစ်ကြောင်း သိရသည်။

ထို့ကြောင့် ငါး၊ ပုစွန်မွေးမြူ ရေးလုပ်ငန်းရှင်များသည် ဆုံးရှုံးနစ်နာမှုနည်းပါစေရန် ကြိုတင်ပြင်ဆင်မှုအနေဖြင့် ဈေးကွက်ဝင်ငါးများဖြစ်ပါက ငါးကန်များဖော်ခြင်း၊ ငါးကန်ဘောင်များ မြင့်တင်ခြင်း၊ ပိုက်များဖြင့် အကာအရံပြုလုပ်ခြင်းတို့ကို ဆောင်ရွက်ထားရမည်ဖြစ်ကြောင်း သိရသည်။

"ရေကြီးရေလျှံမှုဖြစ်ရင် ဘာတွေဆုံးရှုံးနစ်နာနိုင်မလဲဆိုတော့ ရေကြီးတာကိုအကြောင်းပြုပြီး ငါးမွေးတဲ့ကဏ္ဍ ခဏရပ်တန့်သွားမယ့် သဘောရှိတယ်။ ငါးမွေးမြူတာအရှိန်ကျသွားပြီး ငါးထုတ်လုပ်မှုလည်း အရှိန်ရပ်တန့်သွားမယ့် သဘောရှိတယ်။ ငါးထုတ်လုပ်မှုကဏ္ဍမှာ ရေကြီးတာက အဟန့်အတားတစ်ခု လာဖြစ်နေတယ်။ ဒီနှစ်မှာ ထုတ်လုပ်မှုလျှော့ပြီး ငါးဈေးကောင်းတဲ့ အခြေအနေမှာ ရေကြီးတဲ့ပြဿနာ ထပ်ပေါင်းဆင့်လိုက်ရင် ငါးထုတ်လုပ်မှုက ပိုကျဆင်းသွားပြီး ငါးဈေးတွေလည်း ပိုပြီးတက်လာမယ့်အကြောင်းရှိတယ်။ ငါးမွေးတောင်သူတွေအနေနဲ့ ဆုံရှုံးနစ်နာမှုနည်းအောင် ကြိုတင်ကာကွယ်မှုတွေ လုပ်ဆောင်ထားဖို့လိုပါတယ်။" ဟုမြန်မာနိုင်ငံ ငါးလုပ်ငန်းအဖွဲ့ချုပ်၏ အထွေထွေ အတွင်းရေးမှူး ဦးဝင်းကြိုင်က ပြောသည်။

ယင်းကဲ့သို့ ရေကြီးမှုကြောင့် ၂၀၁၅ ခုနှစ်နှင့် ၂၀၁၆ ခုနှစ်တို့တွင် ပျက်စီးဆုံးရှုံးမှုများပြားသော်လည်း ၂၀၁၇ ခုနှစ် တွင် ရေကြီးနစ်မြှုပ်မှုဖြစ်ပွားသောဒေသ နည်းပါးသဖြင့် ငါး၊ ပုစွန်မွေးမြူ ရေးကန်များ ပျက်စီးဆုံးရှုံးမှုနည်းပါးခဲ့ပြီး ၂၀၁၅ ခုနှစ်တွင် တိုင်းဒေသကြီး ၅ ခု၌ ငါးမွေးမြူရေးကန်ဧကပေါင်း (၃၄၇ ၂၀)၊ ရခိုင်ပြည်နယ်၌ ပုစွန်ကန်ဧကပေါင်း (၅၈၆၀၀) ကျော်ရှိ ၍ ကျပ် ၅၀ ဘီလီယံဝန်းကျင် ထိခိုက်ပျက်စီးဆုံးနစ်နာမှုရှိခဲ့ကြောင်းသိရသည်။

ထို့အပြင် ၂၀၁၈ ခုနှစ်တွင် ရေကြီးနစ်မြှုပ်မှုကြောင့် ငါး/ပုစွန်မွေးမြူရေးကန် ပျက်စီးဆုံးရှုံးမှုမှာ ရန်ကုန်တိုင်းဒေသကြီးရှိ ကွမ်းခြံကုန်းမြို့နယ်တွင် ဧကပေါင်း ၁၀၄၄ ဧက၊ ကော့မှူးမြို့နယ်တွင် ဧက ၆၄ ဧက၊ ပဲခူးတိုင်းဒေသကြီးရှိ ပဲခူးမြို့နယ်တွင် ဧကပေါင်း ၁၂၉၁ ဧက၊ ညောင်လေးပင်မြို့နယ်တွင် ဧက ၃၅ ဧကနှင့် ကရင်ပြည်နယ်တွင် ဧကပေါင်း ၈၀၀ ကျော် ပျက်စီးဆုံးရှုံးခဲ့ကြောင်း မြန်မာနိုင်ငံငါးလုပ်ငန်းအဖွဲ့ချုပ်မှ သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...