အာဟာရရှိတဲ့ စနိုးပူတင်း

26/05/2020 15:00 PM တွင် ဖြိုးသဥ္ဇာကျော် ဖြိုးသဥ္ဇာကျော် မှ ရေးသား ပြီး Greenovator Greenovator မှ ပေးပို့ထားပါသည်။

နိုင်ငံတကာမှာ အချိုပွဲအဖြစ် စားသုံးလေ့ရှိတဲ့ စနိုးပူတင်းပြုလုပ်နည်းကို ရေးသားလိုက်ပါတယ်။ တကယ်တမ်းကတော့ အုန်းသီးမှုန့်လေးတွေက နှင်းပွင့်လေးတွေ ကပ်နေသလိုဖြစ်တဲ့အတွက် စနိုးပူတင်းလို့ ခေါ်ခြင်းဖြစ်ပါတယ်။

လိုအပ်သောပစ္စည်းများ

နွားနို့ ၅၀၀ မီလီလီတာ ( ၂၅၀ မီလီလီတာစီနှစ်ခွက်ခွဲရန်)

သကြား ၅၀ သို့ ၇၅ မီလီလီတာ

ပြောင်းဖူးကော်မှုန့် ၅၀ သို့ ၇၅ မီလီလီတာ

အုန်းသီး

ဆား

မှတ်ချက်။ ။ ပြောင်းဖူးကော်မှုန့်သာသုံးရန်။ တခြားကော်မှုန့်များမသုံးရ။

ပါဝင်ပစ္စည်းများ၏ အချိုးအစားကို (၅ ဆ ၁ ဆ) သို့ (၅ ဆ ၁.၅) ဆ ဖြင့် အလွယ်တကူ ပြုလုပ်နိုင်ပါသည်။ 

ပြုလုပ်ပုံ

အဆင့် ၁

နွားနို့ကို ၂၅၀ မီလီလီတာစီ အညီအမျှခွဲ၍ ခွက်တစ်ခုစီတွင် ထည့်ပါ။

ပထမခွက်ထဲတွင် သကြားထည့်၍ မွှေပါ။

ဒုတိယခွက်ထဲတွင် ပြောင်းဖူးကော်မှုန့် ထည့်၍ ပျော်သွားအောင် မွှေပါ။

အုန်းသီးကို အမှုန့်ကြိတ်ပြီး အရည်ညစ်ထားပါ။

အဆင့် ၂

အိုးတစ်လုံးကို ယူ၍ ပထမခွက်ထဲရှိ နွားနို့နှင့်သကြားကိုထည့်ကာ ဆူပွက်လာအောင် ကြိုပါ။

ဆူပွက်လာပါက ဆားအနည်းငယ် ထည့်ပါ။

ထို့နောက် ပြောင်းဖူးကော်မှုန့်ထည့်ထားသော နွားနို့ကို ထည့်၍ နာရီလက်တံအတိုင်း အဆက်မပြတ်မွှေပေးပါ။

နွားနို့များ တဖြည်းဖြည်းပစ်လာပြီး ဆူပွက်လာပါက ဗန်းထဲထည့်၍ အအေးခံပါ။

အဆင့် ၃

ပူတင်း တုံတုံအိအိလေး ရလာပါက အတုံးလေးလှီးပြီး အုန်းသီးမှုန့်များကပ်ကာ သုံးဆောင်နိုင်ပါပြီ။

ဖြိုးသဉ္ဇာကျော်

ကိုးကား

https://www.youtube.com/watch?v=r9MaE838O_0