အပင်မှာ မူမမှန်တာတွေ့ရတဲ့အခါ ပိုင်းခြားဝေဖန် စဉ်းစားနည်းများ (၁)

စိုက်ပျိုးရေးလုပ်ကိုင်ကြသူတွေအနေနဲ့ ကိုယ့်အပင်တွေမှာ တစ်ခုခု မူမမှန်နေတာမျိုး သတိထားမိကြတဲ့အခါ ဘာတွေလုပ်ဖြစ်ကြသလဲရှင်။

ဘယ်လိုကုသမရမလဲဆိုတာ သိရဖို့ အာဟာရညီမျှမှုတွေအကြောင်းသိထားဖို့က အင်မတန်အရေးပါလှပါတယ်။ အပင်က ဗိုက်ဆာနေတာဖြစ်ပေမယ့် ကိုယ်က ရောဂါကျတယ်ထင်နေရင်လည်း အနာနဲ့ဆေး လွဲသွားနိုင်ပါတယ်။

အပင်တစ်ပင်ကြီးထွားဖို့ အာဟာရဓာတ်(၁၇) မျိုး လိုပါသတဲ့။ ကိုယ်က ဘယ်အာဟာရတွေထည့်လိုက်သလဲ။ အပင်ကရော ဘယ်အာဟာရတွေရပြီး ဘယ်အာဟာရတွေလိုအပ်တယ်လို့ပြနေသလဲ။ ဒါတွေဟာ သင့်စိုက်ခင်းအောင်မြင်ဖို့ အရေးကြီးဆုံး အချက်ဖြစ်ပါတယ်။ 

ကျွေးကားကျွေး၏ မရ မဖြစ်ရအောင် ၊ ကျန်းမာလန်းဆန်းတဲ့ အပင်တွေဖြစ်အောင် နံပါတ်တစ်အနေနဲ့  မြေရဲ့ အရည်အသွေးကို သိထားရပါမယ်။ အရည်အသွေးကောင်းတဲ့ မြေဆိုတာကတော့ သင့်အပင်ရဲ့ အမြစ်ဖျားနားမှာ မျှတတဲ့အာဟာရတွေရှိနေတဲ့ မြေပဲဖြစ်ပါတယ်။ 

ဒီလိုမျှတနေဖို့ ပထမဆုံး မြေကောင်းလား ၊ မြေညံ့လားသိထားဖို့ လိုပါတယ်ရှင်။

• သဘာဝပစ္စည်းတွေရှိနေတဲ့ သဲနုန်းမြေ
• မိုက်ခရုပ်ပိုးလေးတွေ ကောင်းကောင်းအသက်ရှင်နေတဲ့ မြေ
• အလင်းရောင်ရော ၊ လေရော အဝင်အထွက်ကောင်းကောင်း ရှိတဲ့မြေ၊
• ရေဆင်းကောင်းတဲ့မြေ

စတာတွေဆိုရင်တော့ အရည်အသွေးကောင်းပါတယ်။

မြေကောင်းပြီဆိုရင်တော့ ဆက်ကြည့်ရမှာက ကျန်းမာတဲ့အပင်ဖြစ်ဖို့ အာဟာရကောင်းကောင်းစုပ်ယူနိုင်ဖို့အတွက်ပါ။ 

• အစိုဓာတ်ထိန်းနိုင်မှုရှိရမယ်။
• မြေချဉ်ငန်ဓာတ် ၅.၈-၇.၂ အတွင်းရှိရမယ်။
• မြေသား အပူချိန် ရှိရပါမယ်ရှင်။ 

မြေညံ့တယ်ဆိုရင်တော့ ဒါတွေရဲ့ ဆန့်ကျင်ဘက်ဖြစ်တဲ့ 

• ရွှံ့ဆေးဆန်လွန်း၊ 
• သဲဆန်လွန်းတဲ့မြေ
• သဘာဝပစ္စည်းတွေ နည်းနေတဲ့မြေ
• ကျပ်နေတဲ့မြေ ၊
• မွလွန်းနေတဲ့မြေ ၊
• ရေဝပ်တဲ့မြေ ၊ 
• ရေမနေတဲ့မြေ (စိုက်ခင်းကို ရေလောင်းလွန်းလျှင်လည်း အာဟာရဓာတ်တွေ ဆုံးရှုံးနိုင်ပါတယ်)
• ချဉ်လွန်း ငန်လွန်းတဲ့မြေ  ( မြေချဉ်ငန်ဓာတ် ၅.၈ အောက် -၇.၂ အထက် )
• ရေခဲရိုက်ထားသလို အေးနေတဲ့မြေ 
• ဆိုဒီယမ် များလွန်းတဲ့မြေ ( ဆားပေါက်မြေ)  တွေပေါ့ရှင်။

ဒီအချက်တွေကို စစ်ကြည့်ပြီး ကောင်းတဲ့ဘက်မှာ ၈၀ % ရှိတယ်ဆိုရင်တော့ သင့်ရဲ့မြေဟာ အပင်တွေကောင်းကောင်းဖြစ်ထွန်းနိုင်တဲ့မြေလို့ ပြောလို့ရပါတယ်။

မြေစစ်လိုက်ပါ...

တကယ်လို့ သင်က ငရုတ်ကို စီးပွားဖြစ်စိုက်နေတယ်ဆိုရင် မြေစစ်ဖို့ကို တိုက်တွန်းပါတယ်။ မြေနမူနာကို ဓာတ်ခွဲခန်းပို့ပြီး ဘယ်အာဟာရဓာတ်တွေ လိုအပ်နေတယ်၊ ဘယ်ဓာတ်တွေ များနေတယ်ဆိုတာကို သိရခြင်းက စိုက်ခင်းလိုအပ်ချက်ကို ထိထိရောက်ရောက် စီစဉ်နိုင်ဖို့ကူညီပါလိမ့်မယ်။ 

အပင်မှာ အရွက်ဝါလာတယ်၊ အရွက်ခြောက်တွေ့လာရတယ်၊ အခြား မူမမှန်တာ တွေ့လာရတယ်ရတယ်ဆိုရင်...

ရောဂါပိုးမွှားကြောင့် ဖြစ်တာလား 

အာဟာရ အညီအမျှ မရလို့ဖြစ်တာလားဆိုတာတွေက ခွဲရခက်ပါတယ်။

ဒါကြောင့် မြေစစ်ထားဖို့ကို တိုက်တွန်းတာပါ။ 

မြေစစ်ဖို့ အဆင်မပြေသေးရင်တော့ ရောဂါပိုးပြဿနာနဲ့ အာဟာရမညီမျှမှုပြဿနာကို ခွဲခြားသိနိုင်ဖို့ ဒီ(၂) ချက်ကို လုပ်ဆောင်ကြည့်ပါ။

ဒီပိုးတွေစစ်

ပျ၊ ယင်ဖြူ၊ ပိုးစေးနှဲ၊ မွှား၊ လှေး စတဲ့ ပိုးတွေ ကိုယ့်စိုက်ခင်းမှာ ရှိနေလားစစ်ပါ။ ဒီပိုးတွေရဲ့ ဖျက်ဆီးလက္ခဏာက အာဟာရမညီမျှမှု လက္ခဏာတွေနဲ့ တူတတ်ပါတယ်။ 

ဒီရောဂါတွေကိုစစ်

အပေါ်ကပိုးတွေရှိနေခြင်းက ရောဂါတွေရဲ့ လက္ခဏာအစပါပဲ။ ပိုးတွေရှိနေလား။ ဘယ်နေရာမှာရှိနေလဲ။ ရှိတယ်ဆိုရင် အရွက်၊ ပင်စည်၊ အသီးတွေမှာ ပိုးတွေ ဖျက်စီးထားတဲ့ လက္ခဏာတွေရှိမရှိစစ်ကြည့်ပါ။

ဥပမာ - ဆဲလ်သေကွက် ( အနီရောင် အစက်အပျောက်)၊ အနက်‌ရောင်အစက်အပျောက်၊ အဝါရောင် အစက်အပျောက်နဲ့ အရွက်ပေါက်ရာတွေ၊ အရောင်ခပ်ဖျော့ဖျော့၊ ခပ်ရင့်ရင့်အကွက်တွေ၊ အသီးမှာဆို ပုပ်ပျော့နေတာမျိုးတွေပေါ့။ 

ဒီလက္ခဏာတွေ ဘယ်အချိန်မှာ စပေါ်ခဲ့လဲ။ အပင်အတွက် အနှောက်အယှက်ပေးနေပြီလား...

အပေါ်မှာပြောခဲ့တဲ့ ပိုးတွေ၊ ရောဂါလက္ခဏာတွေ မတွေ့ရဘူးဆိုရင်တော့ ဒါက အာဟာရပြဿနာလို့ ပြောလို့ရပါတယ်။ တစ်ခါတလေမှာ ရောဂါလက္ခဏာတွေက အပင်ပုံစံကို ပြောင်းလဲစေတာကြောင့် ဒီလိုမျိုးစစ်ဆေးကြည့်ဖို့လိုအပ်ပါတယ်။ ဖြစ်ဖြစ်ချင်း တစ်ပတ်အတွင်းမှာပဲ ပြောင်းလဲမှုတွေကို ရိပ်စားခဲ့မိမယ်ဆိုရင် ကုသဖို့ အခွင့်အရေးကောင်းရှိမှာဖြစ်ပါတယ်။

ကုသကြတဲ့အခါ ဆေးဝါးတွေကျွေးမှ မဟုတ်ပါဘူး။

နိစ္စဒူဝလုပ်ဆောင်ဖြစ်နေတဲ့ အမူအကျင့်တွေ ပြင်ခြင်းကလည်း ကုသရာရောက်ပါတယ်။

မိမိကျွေးနေကျ မဟုတ်တဲ့ လိုနေတဲ့ အာဟာရဓာတ်ကျွေးမလား...

မြေထဲမှာ အာဟာရတွေရှိနေသားနဲ့ အပင်ကမရနိုင်နေတာမို့ မြေအတွက် ဖြည့်စွက်စာတွေ ထည့်မလား၊ (ဥပမာ - မြေဆွေးထည့်ခြင်း)

မြေသြဇာကျွေးတဲ့ ပုံစံပြောင်းမလား။

ကိုယ်သုံးနေတဲ့ မြေသြဇာတံဆိပ်ကို ပြောင်းမလား။

ရေပေးနေတဲ့ပမာဏကို ပြောင်းမလား။

မကြာခဏနဲ့ နည်းနည်းစီပေးတဲ့ပုံစံ လုပ်မလား ။

ရေသွင်းခြင်းပုံစံနဲ့ ပိုလျှံလို့ အဆိပ်ဖြစ်နေတဲ့အာဟာရတွေကို လျှော့ချပေးမလား စသည်ဖြင့် ပြုလုပ်နိုင်ပါတယ်။

ဒီလိုစဉ်းစားရမယ့်အပြင် ရာသီဥတုဆိုင်ရာတွေ၊ အသုံးပြုထားဖူးတဲ့ ပိုးသတ်ဆေး၊ မှိုသတ်ဆေးတွေ အကြောင်းကိုပါ ထည့်သွင်းစဉ်းစားဖို့ လိုပါတယ်။ အာဟာရချို့တဲ့မှု အာဟာရပိုလျှံအဆိပ်ဖြစ်မှုတွေနဲ့ ဒီအချက်တွေ ဘယ်လိုဆက်စပ်သလဲဆိုတာကိုတော့ နောက်တစ်ပိုင်းမှာ ဆက်လက်ဖော်ပြပေးသွားပါမယ်ရှင်။ 

အပိုင်း(၂) https://greenwaymyanmar.com/posts/Over_fertilization

အပိုင်း(၃) https://greenwaymyanmar.com/posts/Nutriets_Deficiencies

အပိုင်း(၄) https://greenwaymyanmar.com/posts/N_P_K_control_methods

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

Facebook စာမျက်နှာသို့သွားရန်