မြေပဲပင်အတွက် အာဟာရလမ်းညွှန်

မြေပဲသည် ဆီထွက်သီးနှံဖြစ်သလို မြေဆီလွှာကို နိုက်ထရိုဂျင် ပြန်လည်ဖြည့်တင်းပေးနိုင်သော အပင်မျိုး ဖြစ်သည်။ သို့သော် အောင်မြင်သော မြေပဲခင်းတစ်ခုဖြစ်ရန် စနစ်တကျ ဓာတ်မြေသြဇာ ကျွေးမွေးမှု အစီအစဉ်သည် အလွန်အရေးကြီးပါသည်။

၁။ စိုက်ပျိုးခြင်းမပြုမီ အကြိုအဆင့် (Pre-Planting Stage) မြေပြင်ချိန်

စိုက်ပျိုးခြင်းမပြုမီ မြေဆီလွှာကို စစ်ဆေးပါ။ မြေပဲသည် pH ၅.၈ မှ ၆.၂ အတွင်းရှိသော မြေတွင် အကောင်းဆုံး ဖြစ်ထွန်းသည်။ မြေချဉ်ပါက ထုံး (Lime) ထည့်သွင်းခြင်းဖြင့် pH ကို ညှိယူပါ။ ၎င်းအပြင် မြေခံမြေသြဇာအဖြစ် နွားချေး သို့မဟုတ် သဘာဝမြေသြဇာများကို မြေပြင်ချိန်တွင် ကြိုတင်ထည့်သွင်းပါ။

၂။ မျိုးစေ့ချခြင်းနှင့် အပင်ပေါက်အဆင့် (Seedling Stage) - ၁ ရက်မှ ၁၅ ရက်သား

မြေပဲသည် လေထဲမှ နိုက်ထရိုဂျင်ကို ဖမ်းယူနိုင်သော (Nitrogen Fixing) အပင်ဖြစ်သော်လည်း အပင်ငယ်စဉ်တွင် အမြစ်များ ကောင်းမွန်စွာ ဖွံ့ဖြိုးရန်အတွက် ဖော့စဖောရပ် (Phosphorus - P) အနည်းငယ်နှင့် အစပျိုး နိုက်ထရိုဂျင် (Nitrogen - N) အနည်းငယ် လိုအပ်ပါသည်။ ၎င်းသည် အမြစ်သန်မာစေပြီး အပင်ပေါက် ညီညာစေပါသည်။

၃။ အပင်ကြီးထွားမှုအဆင့် (Vegetative Growth) - ၁၅ ရက်မှ ၃၅ ရက်သား

ဤအဆင့်တွင် အကိုင်းအခက်နှင့် အရွက်များ ကောင်းမွန်စေရန် ဂရုစိုက်ရပါမည်။ မြေပဲပင်တွင် နိုက်ထရိုဂျင် ဖမ်းယူပေးမည့် အမြစ်ဖုလေးများ (Nodules) ဖြစ်ပေါ်လာစေရန်အတွက် မိုလစ်ဒီနမ် (Molybdenum) ကဲ့သို့ အနည်းလိုအာဟာရဓာတ်များ လိုအပ်နိုင်ပါသည်။ မြေပဲပင်၏ ဇီဝကမ္မဖြစ်စဉ်များ မှန်ကန်စေရန် ဇင့် (Zinc)၊ မဂ္ဂနိစ် (Manganese) နှင့် သံဓာတ် (Iron) ကဲ့သို့သော အနည်းလိုအာဟာရဓာတ်များ လိုအပ်ပါသည်။ ၎င်းတို့သည် အပင်၏ အစိမ်းရောင်ကလိုရိုဖီး (Chlorophyll) ထုတ်လုပ်မှုကို အားပေးပြီး အပင် အဝါရောင်ပြောင်းခြင်းကို ကာကွယ်ပေးပါသည်။

၄။ ပန်းပွင့်ခြင်းနှင့် စွယ်ကျခြင်းအဆင့် (Flowering & Pegging) - ၃၅ ရက်မှ ၆၀ ရက်သား

မြေပဲအတွက် အရေးအကြီးဆုံးအဆင့် ဖြစ်သည်။ ပန်းပွင့်ပြီး စွယ်များ မြေကြီးထဲသို့ ဆင်းသည့်အချိန်တွင် ကယ်လ်စီယမ် (Calcium - Ca) ဓာတ်သည် အလွန်အရေးကြီးပါသည်။ ကယ်လ်စီယမ် ချို့တဲ့ပါက မြေပဲဆံ မအောင်ခြင်း (Pops) နှင့် မှိုရောဂါများ ဖြစ်ပွားနိုင်ပါသည်။ ဤအဆင့်တွင် ဂျစ်ပဆမ် (Gypsum) ကို အပင်ခြေ၌ ထည့်သွင်းပေးခြင်းဖြင့် အစေ့အဆန် အောင်မြင်မှုကို အာမခံနိုင်ပါသည်။ကယ်လ်စီယမ်အပြင် ဘိုရွန် (Boron) ဓာတ်သည်လည်း ပန်းပွင့်သန္ဓေအောင်ရန်နှင့် မြေပဲဆံ အတွင်းသား အခေါင်းပေါက်ဖြစ်ခြင်း (Hollow Heart) ကို ကာကွယ်ရန် အရေးကြီးပါသည်။ ၎င်းသည် ဆဲလ်နံရံ တည်ဆောက်မှုနှင့် အစေ့အဆန် ဖွံ့ဖြိုးမှုကို အားပေးပါသည်။

၅။ အစေ့အဆန် တည်ဆောက်ခြင်းနှင့် ရင့်မှည့်ခြင်း (Pod Development) - ၆၀ ရက်မှ ရိတ်သိမ်းချိန်ထိ

ဤအဆင့်တွင် ပိုတက်စီယမ် (Potassium - K) နှင့် ဆာလဖာ (Sulphur - S) ဓာတ်တို့က ဆီဓာတ် ပါဝင်မှုကို တိုးတက်စေပြီး အစေ့အဆန် ပြည့်ဖြိုးစေပါသည်။ ဆာလဖာသည် မြေပဲ၏ အရသာနှင့် ဆီထွက်နှုန်းကို သိသိသာသာ ကောင်းမွန်စေသည်။

၆။ ပုံမှန်စစ်ဆေးခြင်းနှင့် ပြုပြင်ခြင်း (Monitoring & Adjustments)

စိုက်ပျိုးနေစဉ်အတွင်း အရွက်များ အရောင်ပြောင်းခြင်း၊ အပင်ကြီးထွားမှု ရပ်တန့်ခြင်း ရှိမရှိ စောင့်ကြည့်ပါ။ အာဟာရ ချို့တဲ့မှု လက္ခဏာတွေ့ပါက ရွက်ဖျန်းအားဆေးများဖြင့် အမြန်ဆုံး ဖြည့်စွက်ပေးပါ။

မြေပဲစိုက်ပျိုးရာတွင် အစေ့အဆန် အောင်မြင်စေရန်အတွက် ကယ်လ်စီယမ်ပါသော ဂျစ်ဆမ် (Gypsum) ကို ပန်းပွင့်ချိန်တွင် မဖြစ်မနေ ထည့်သွင်းပေးရန် မမေ့ပါနှင့်။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ