ဖျက်ပိုးတွေပြေးစေမယ့် အပင် (၈) မျိုး

အင်းဆက်ဖျက်ပိုးတွေဆိုတာ စိုက်ပျိုးရေးလုပ်ကိုင်သူတွေအတွက်တော့ ကြီးမားတဲ့ရန်သူတော်လေးတွေပါပဲ။ စိုက်ခင်းထဲမှာ ဒီကောင်တွေဖျက်ဆီးပြီဆိုရင် သီးနှံပင်တွေ အထွက်နှုန်းကျကာ အရည်သွေးညံ့ဖျင်းတာတွေ ဖြစ်တတ်လို့ပါ။ သူတို့ကိုနှိမ်နင်းဖို့အတွက် ဓာတုပိုးသတ်ဆေးတွေသုံးရင်လည်း ကုန်ကျစရိတ်တွေရှိသလို ပတ်ဝန်းကျင်အတွက် ဆိုးကျိုးတွေလည်း ရှိနေပြန်ပါတယ်။ ဒါကြောင့် ကုန်ကျစရိတ်သက်သာပြီး ပတ်ဝန်းကျင်ကို ဆိုးကျိုးမရှိသလောက်နည်းစေကာ အင်းဆက်ဖျက်ပိုးတွေကို အတိုင်းတာတစ်ခုထိ တွန်းလှန်ပေးနိုင်တဲ့အပင်တွေကို ပြောပြပေးချင်ပါတယ်ဗျ။

၁။ ပင်စိမ်း (Basi)

ပင်စိမ်းက ခြင်အပါအဝင် ဥနီမှာကျရောက်တဲ့ယင်များ၊ ကညွတ်ကျိုင်း၊ ယင်ဖြူ၊ လှေးပိုး တို့ကိုတွန်းလှန် ကာကွယ်ပေးပါတယ်။ ဒါ့ကြောင့် ဒီကောင်တွေ ကျရောက်တဲ့စိုက်ခင်းဘေးမှာ ပင်စိမ်းကို အိုးနဲ့ဖြစ်ဖြစ်၊ မြေမှာချစိုက်တာဖြစ်ဖြစ် ပတ်ပတ်လည်စိုက်ထားပေးပါ။

၂။ ကြက်သွန်မိတ်(Chives)

ကြက်သွန်မိတ်ကို စိုက်ခင်းထဲစိုက်ထားမယ်ဆိုရင် ပျ၊ မွှားပင့်ကူများ၊ ဥနီမှာကျရောက်တဲ့ယင်များ (carrot flies) နဲ့ Japanese beetle တွေကို တွန်းလှန်ပေးပါလိမ့်မယ်။

၃။ စမုန်ဖြူ(Thyme)

စမုန်ဖြူအနံ့ကြောင့် ဂေါ်ဖီထုပ်လိပ်ပြာ၊ ဂေါ်ဖီထုပ်ပိုး (cabbage looper)၊ Corn earworm၊ နဲ့ ပျ များကင်းဝေးစေပါလိမ့်မယ်။ ဒါ့အပြင် စမုန်ဖြူက ဟင်းခပ်အမွှေးအကြိုင်အဖြစ်သုံးကြသလို ဆေးဖက်လည်းဝင်တာမို့ စိုက်ထားသင့်ပါတယ်။

၄။ စပါးလင် (lemongrass)

စပါးလင်ကိုလည်း ဟင်းခပ်အမွှေးအကြိုင်အဖြစ်သုံးကြပြီး သူ့ရဲ့အနံ့က ခြင်၊ ယင်၊ မှတ် ၊ ပုရွတ်ဆိတ်နဲ့ အခြားသောဖျက်ပိုးတွေကို တားဆီးပေးပါတယ်။

၅။ ဂန္ဓမာပန်း (Chrysanthemums)

ဂန္ဓမာက သဘာဝအလျှောက်သူ့အပင်ထဲမှာကို Pyrethrum လို့ခေါ်တဲ့ ဖျက်ပိုးတွေကိုတွန်းလှန်နိုင်တဲ့ ကွန်ပေါင်းဓာတ်ပါဝင်တာမို့ ပိုးသတ်ဆေးထုတ်ရာမှာ သုံးကြပါတယ်။ မွှားပင့်ကူ၊ လှေးကျိုင်း၊ ဂေါ်ဖီထုပ်ဖလံ၊ ပုရွတ်ဆိတ်၊ ကပ်ပါးပိုးကောင်များ၊ silverfish နဲ့ Japanese beetle တို့ကို တွန်းလှန်ပေးပါတယ်။

၆။ ပူစီနံ (spearmint)

ပူစီနံပင်စိုက်ထားမယ်ဆိုရင် ပျများ၊ ဖလံကောင်များ၊ ကျိုင်းကောင်များ၊ ဂေါ်ဖီထုပ်ဖလံ၊ လှေးကျိုင်း၊ သခွားမွှေးတွင်ကျရောက်သော ဂျပိုးများ( squash bugs)၊ ကြွက်၊ ပုရွတ်ဆိတ်များ ကို ကင်းဝေးစေပါတယ်။

၇။ ကြက်သွန်ဖြူ (Garlic)

သူ့ရဲ့စူးရှတဲ့အနံ့ကြောင့် ပက်ကျိ၊ ခရု၊ ပျများ၊ ဖလံကောင်၊ ဂျပိုးတွေနဲ့ယင်ကောင်တွေကို တွန်းလှန်ပေးပါတယ်။

၈။ ချစ်တီးပန်း (Marigold)

ချစ်တီးပန်းကလည်း ဂန္ဓမာလို Pyrethrum ပါတဲ့အပင်ဖြစ်ပြီး ဖျက်ပိုးတွေကို တွန်းလှန်ပေးတာမို့ စိုက်ခင်းဘေးမှာ စိုက်ထားသင့်ပါတယ်။

အကြမ်းဖျင်း အလွယ်မှတ်ထားချင်တယ်ဆိုရင်တော့ မတူညီသောအနံ့တွေပါဝင်တဲ့ ဟင်းခပ်အမွှေးအကြိုင်ပင်တွေ၊ ဆေးဘက်ဝင်အပင်တွေ၊ အရောင်သွေးစုံလင်တဲ့ပန်းပင်တွေကို တစ်နိုင်တပိုင်စိုက်ခင်းနဲ့ စီးပွားဖြစ်စိုက်ခင်းတွေဘေးမှာ စိုက်ထားမယ်ဆိုရင် ဖျက်ပိုးများကို အတိုင်းတာတစ်ခုထိ ထိန်းချုပ်ပေးပါလိမ့်မယ်ဗျ။

Ref; https://en.wikipedia.org/wiki/List_of_pest-repelling_plants

https://www.masterclass.com/articles/garden-plants-that-repel-pests-naturally

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...