မိရိုးဖလာစိုက်ပျိုးခြင်းမှ စီးပွားဖြစ်စိုက်ပျိုးခြင်းဆီသို့

25/09/2020 19:45 PM တွင် ထွန်းရာဇာ ထွန်းရာဇာ မှ ရေးသား

    ကျွန်တော်တို့မြန်မာနိုင်ငံဟာ စိုက်ပျိုးရေးကိုအခြေခံတဲ့နိုင်ငံ ဖြစ်တယ်ဆိုတာတော့ အားလုံးလည်း သိပြီးသားပါဗျ။ ဒါပေမယ့် စိုက်ပျိုးရေးကို အဓိကလုပ်ကိုင်နေကျတဲ့ တောင်သူဦးကြီးတွေ ဘာ့ကြောင့် ကြီးပွားသင့်သလောက် မကြီးပွားတာလဲ။ ဘာ့ကြောင့်ရသင့်သလောက် အမြတ်တွေ မရကြတာလဲ။ ဒီလိုမေးလိုက်ရင်တော့ ဘာတွေကြောင့်ပါဆိုတဲ့အကြောင်းရင်းတွေ အများကြီးထွက်လာမှာပါ။ အဲ့ဒီအကြောင်းရင်းတွေထဲကမှ အဓိကတစ်ချက်ကို ပြောပြချင်ပါတယ်။ အဲ့တာကတော့ စီးပွားဖြစ် စနစ်တကျစိုက်ပျိုးထုတ်လုပ်ခြင်း မလုပ်လို့ပါ။

    ဒီအချက်ကို ရှင်းပြရမယ်ဆိုရင် ကျွန်တော်တို့တောင်သူတချို့က စိုက်ရာသီရောက်ရင်တော့ စိုက်လိုက်တာပဲ။ ဘာသီးနှံစိုက်လဲမေးရင်တော့ အရင်နှစ်တွေက စိုက်တဲ့သီးနှံပါပဲ။ ဒါဆို ဈေးကွက်အခြေအနေကရော??? အရင်နှစ်ကဈေးပဲနေမှာပေါ့။ အရင်နှစ်က မြတ်လားဆိုတော့လည်း နည်းနည်းပါးပါးတော့ကျန်တာပေါ့။ ဒါပေမဲ့ ဘာကြောင့် ဒီသီးနှံတွေပဲ ဆက်စိုက်နေလဲဆိုရင် အရင်ဘိုးဘွားလက်ထက်တွေကလည်းက ဒီသီးနှံတွေပဲ စိုက်လာတာဆိုတဲ့ မိရိုးဖလာကြောင့်၊ မစိုက်ဘဲမနေတတ်တဲ့ ဝါသနာကြောင့်၊ အခြားမစိုက်ဖူးသေးတဲ့သီးနှံတွေ ပြောင်းလဲစိုက်ပြီး စွန့်စားမှုတွေမလုပ်ချင်တာကြောင့် စသဖြင့် အမျိုးမျိုးရှိမှာပါ။ အများစုကတော့ မိရိုးဖလာစိုက်ပျိုးခြင်းကြောင့်လို့ပဲ ထင်ပါတယ်။ မိရိုးဖလာစိုက်ပျိုးခြင်းမှာဆိုရင် မလိုအပ်ဘဲ ကျွေးနေကျမြေဩဇာတွေကျွေးတယ်၊ ပိုးသတ်ဆေးတွေ ပုံမှန်ဖျန်းတယ်။ မလိုအပ်ဘဲ ကုန်ကျစရိတ်တွေများစေပါတယ်။ ကျွန်တော်တို့တောင်သူဦးကြီးတွေ အမြတ်တွေ ကျန်သင့်သလောက်ကျန်ချင်တယ်၊ ကြီးပွားသင့်သလောက် ကြီးပွားချင်တယ်ဆိုရင်တော့ မိရိုးဖလာစိုက်ပျိုးခြင်းကနေ စနစ်တကျ စီးပွားဖြစ်စိုက်ပျိုးခြင်းဆီကို ပြောင်းလဲလုပ်ကိုင်မှ ရမယ်ဗျ။

စီးပွားဖြစ် စိုက်ပျိုးရေးကိုလုပ်ကိုင်တော့မယ်ဆိုရင်....

ဈေးကွက်ဝင်သီးနှံ။     ။ ပုံမှန်စိုက်နေကျ သီးနှံမဟုတ်တော့ပဲ ဈေးကောင်းရနိုင်မယ့် သီးနှံကို ရွေးချယ်စိုက်ပျိုးရမှာ ဖြစ်ပါတယ်။ ဒီလိုရွေးတဲ့အခါမှာ သီးနှံပေါ်မယ့်အချိန်ကိုလည်း သိနေဖို့လိုပါတယ်။ ဒါမှလည်း သီးနှံထွက်မယ့်အချိန်က ဈေးကောင်းရနိုင် မရနိုင်က ခန့်မှန်းထားနိုင်မှာပါ။ အရင်လို ကြုံရာရောင်းမယ့်အစား ဘယ်မှာရောင်းရမယ်ဆိုတာကိုလည်း စုံစမ်းချိတ်ဆက်ထားဖို့ လိုပါမယ်။

စိုက်မြေကိုနားလည်ထားခြင်း။     ။ကိုယ့်ရဲ့မြေခံရေခံကိုလည်း နှောကြေထားဖို့လိုပါမယ်။ ဆိုလိုတာက ကိုယ့်မြေက ဘာစိုက်ရင်တော့ ဖြစ်ထွန်းတယ်၊ ဘာစိုက်ရင်တော့ မအောင်မြင်ဘူး၊ ဘာချို့တဲ့မြေဆိုတာမျိုးပေါ့။ မလိုအပ်ဘဲ မြေဩဇာတွေကျွေးခြင်းက ကိုယ့်ရဲ့မြေကို ပျက်ဆီးစေတတ်ပါတယ်။ ဒါ့ကြောင့် စိုက်ပျိုးရေးကို ရေရှည်လုပ်ကိုင်မယ်ဆိုရင်တော့ ကိုယ့်ရဲ့မြေကို မပျက်ဆီးအောင် ထိန်းထားနိုင်ဖို့လည်းလိုပါတယ်ဗျ။ 

စိုက်ပျိုးမှတ်တမ်းထားရှိခြင်း။      ။ဒီအချက်ကတော့ အရေးကြီးတဲ့ အချက်ဖြစ်သလို အားလုံးကို ခြုံငုံမိတဲ့အချက်လည်း ဖြစ်ပါတယ်။ စိုက်ပျိုးမှတ်တမ်းဆိုတာကတော့ စတင်စိုက်ဖို့ မြေပြင်ချိန်ကနေစပြီး ရိတ်သိမ်းပြီးလို့ ထုပ်ပိုးရောင်းချတဲ့အချိန်ထိ လုပ်ခဲ့သမျှအဆင့်တိုင်းမှာ ကုန်ကျတဲ့စရိတ်တွေကို စနစ်တကျ မှတ်သားထားခြင်းဖြစ်ပါတယ်။ မြေပြင်ဖို့ကုန်ကျစရိတ်၊ စက်ငှားခြင်း၊ မျိုးစေ့ဖိုး၊ မြေဩဇာဖိုး၊ ပိုးသတ်ဆေးဖိုး၊အလုပ်သမားငှားခ စသဖြင့် ကုန်ကျသမျှအကုန်လုံးကို အသေးစိတ်မှတ်ထားရမှာပါ။ အဲ့လိုမှတ်တဲ့အခါမှာ ကိုယ့်မိသားစုရဲ့လုပ်အားခကိုပါ ထည့်မှတ်ထားဖို့လိုပါတယ်။ မိသားစုဝင်နှစ်ယောက်ဝင်လုပ်တယ် တစ်ရက်လုပ်ခ နှစ်ယောက် (၁၂၀၀၀) ဆိုတာမျိုးပေါ့။ ပုံမှန်အားဖြင့် မိသားစုလုပ်အားခပျောက်နေပြီး အမြတ်များတယ်ထင်ရတတ်ပါတယ်။ ကိုယ့်လုပ်အားခလေးပါ ထည့်တွက်ထားမှ လုပ်ရတာတန်ဖိုးရှိတာပါ။ ဒီလိုမှတ်ရတာမလုပ်ချင်ဘူး စာအုပ်စာတမ်းတွေနဲ့ ရှုပ်တယ်ဆိုရင် အစိမ်းရောင်လမ်းဆော့ဝဲရဲ့ စိုက်ပျိုးမှတ်တမ်းမှာ ဝင်ရောက်မှတ်နိုင်ပါတယ်။ ဒီလိုတွေမှတ်ထားမယ်ဆိုရင် ရာသီသိမ်းတဲ့အခါ တစ်ရာသီစာ ကုန်ကျစရိတ်ကိုသိပြီး အမြတ်ပါ သိနိုင်မှာဖြစ်ပါတယ်။ ဒါမှလည်း အမြတ်နည်းနေရင် ဘယ်နားမှာ ပိုသုံးလိုက်လို့လဲ၊ ဒီသီးနှံကို ဆက်စိုက်သင့် မစိုက်သင့် ဆုံးဖြတ်နိုင်မှာဖြစ်ပါတယ်။

    ဒီအချက်တွေသာ စနစ်တကျနဲ့လုပ်ဆောင်မယ်ဆိုရင် မိရိုးဖလာစိုက်ပျိုးခြင်းထက်ပိုတဲ့ စိုက်ပျိုးရေးတစ်ခု ဖြစ်လာလိမ့်မယ်လို့ ယုံကြည်ပါတယ်ဗျ။

တောင်သူ ဦးကြီးတို့ကို လေးစားလျှက်

ထွန်းရာဇာ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်