ပင်လယ်ရေညှိ ရေမှော်များမှ သဘာဝ​မြေဩဇာထုတ်လုပ်ခြင်း

ပင်လယ်မှရသော ရေညှိကို စားသောက်ကုန်အမျိုးမျိုးပြုလုပ်ကြသကဲ့သို့ မွန်ပြည်နယ် ကျိုက္ခမီဒေသမှထွက်သော သဘာဝပင်လယ်ရေညှိကိုလည်း ကျောက်ပွင့်ဟုခေါ်ကာ အခြောက်ပြုလုပ်စားသောက်ကြပါသည်။ မွန်ပြည်နယ်မှထွက်သော ဒေသစာ အညိုရောင် ကျောက်ပွင့်သည် အိုင်အိုဒင်းဓာတ်ကြွယ်ဝသောကြောင့် လည်ပင်းကြီးရောဂါရှိသူများအတွက် အထူးသင့်လျော်ကာ ရေစိမ်၍အစိမ်းသုပ်စားခြင်း၊ ထိုအစိမ်းလိုက်ပင် မုန့်ဟင်းခါးထဲထည့်စားခြင်းတို့ လုပ်ကြပါသည်။

ယခုတွင်မူ ပင်လယ်မှထွက်သော ရေညှိရေမှော်များနှင့် မြစ်ချောင်းများရှိ ကျောက်တုံးကျောက်ဆောင်များတွင်ပေါက်သော ရေညှိများကို သဘာဝမြေဩဇာအဖြစ် အသုံးချတတ်ရန်ဖော်ပြပေးပါမည်။

နည်းလမ်း ၁

ပင်လယ်မှရသော ရေညှိဖြစ်စေ မြစ်ချောင်းများမှရသော ရေညှိများဖြစ်စေ ယူပါ။ ပင်လယ်ရေညှိဆိုပါက ဆားဓာတ်ပါတတ်သဖြင့် ရေစင်အောင်ဆေးပါ။ ထို့နောက် ရေစစ်ကာ နေလှန်းပါ။ ခြောက်ကြွပ်လာပါက မှုန့်နေအောင်ထောင်းပါ။ ရလာသော ရေညှိမှုန့်ကို အပင်များအတွက် မြေဆွေးနှင့်စပ်၍လည်းကောင်း၊ ပင်ခြေတွင် မြေဩဇာအဖြစ်ထည့်ပေးခြင်းကိုလည်းကောင်း ပြုလုပ်နိုင်ပါသည်။

နည်းလမ်း ၂

ရလာသောရေညှိများကို အထက်ပါနည်းအတိုင်းဆေး၍ ကတ်ကြေးနှင့်ညှပ်ကာ ရေငါးဂါလံပုံးတွင် ရေညှိသုံးပုံတစ်ပုံထည့်ကာ ရေအပြည့်ဖြည့်၍ အဖုံးကို မကြပ်တကြပ်အုပ်ပြီး ၂ ပတ်မှ ၄ ပတ်အထိထားပါ။ ထို့နောက် ရလာသောအရည်ကို ရေသုံးဆ ရေညှိရည် တစ်ဆရောကာ အပင်များကို လောင်းနိုင်သကဲ့သို့ ရွက်ဖျန်းအားဆေးအဖြစ်လည်းသုံးနိုင်ပါသည်။

နည်းလမ်း ၃

အထက်ပါအတိုင်း ရေညှိကိုရေဆေးကာ ရေညှိ၊ သကြားညိုနှင့် ရေအနည်းငယ်ကိုရောကာ ကြိတ်စက်နှင့်ကြိတ်ရပါမည်။ ရေညှိအချိုးနှင့် သကြားအချိုးသည် ဆတူဖြစ်ရပါမည်။ ထို့နောက် ထိုအရည်အား ပုံးတစ်ခုတွင် အဖုံးမကြပ်စေဘဲ ပတ်၍ တစ်ပတ်မှ ဆယ်ရက်အထိထားကာ ထိုအချဥ်ဖောက်ရည်အား ရေငါးဆ အချဥ်ဖောက်ရည် တစ်ဆရောကာ ရွက်ဖျန်းမြေဩဇာအနေနှင့်လည်းကောင်း၊ ရေဆယ်ဆ အချဥ်ဖောက်ရည် တစ်ဆရောကာ foliar spray အနေနှင့်လည်းကောင်းသုံးနိုင်ပါသည်။

ရေညှိရေမှော်များတွင်ပါဝင်သော cytokinin သည် အပင်များတွင် အမြစ်၏ ဆဲလ်ကွဲပွားခြင်းကိုဖြစ်စေသောကြောင့် အပင်များ၏ အမြစ်များစွာကို တိုးပွားစေပါသည်။

ရေညှိမြေဩဇာရည်ကို သီးနှံများမခူးဆွတ်မီ ဆယ်ရက်အလိုတွင် သုံးပါက သီးနှံများ၏သက်တမ်းကို ပိုမိုကြာရှည်ခံစေပါသည်

။

Cut flower များတွင် ပန်းမခူးမီ နှစ်ရက်ခန့်အလိုတွင် သုံးပေးပါကလည်း ပန်းများကို ပိုမိုအထားခံစေပါသည်။ စားကျက်သီးနှံများတွင်လည်း ရေညှိရည်သုံးပါက ပရိုတင်းပါဝင်မှုကို ပိုများစေပါသည်။ ကိုင်းကူးကိုင်းဆက်လုပ်ငန်းတွင်လည်း cutting ကိုင်းများအား အမြစ်ထွက်စေရန်စိမ်နိုင်ပါသည်။

ထို့ကြောင့် မိမိတို့ မြစ်ချောင်း အင်းအိုင်နှင့် ပင်လယ်များမှရသော အစိမ်းရောင်ဖြစ်စေ အဝါေရာင်ဖြစ်စေ အနီရောင်ဖြစ်စေ ရေညှိရေမှော်များကို အကျိုးရှိရှိအသုံးချတတ်စေရန် ရေးသားလိုက်ရပါသည်။

https://www.google.com/url?sa=t&source=web&rct=j&url=https://dengarden.com/gardening/The-Benefits-of-Using-Liquid-Seaweed-Fertilizer&ved=2ahUKEwjX17X7_qb0AhUo7XMBHa0GCcsQFnoECDgQAQ&usg=AOvVaw1nh4xCw7uSDh_fmRjJQPwj

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...