N46 လို့ ခေါ်ကြတဲ့ ပုလဲအစား ဘာသုံးရမလဲ

ပုလဲမြေသြဇာဆိုတာ တောင်သူတွေအသုံးများကြတဲ့ နိုက်ထရိုဂျင် ဓာတ်မြေသြဇာတစ်ခုပါ။ ဒီကာလမှာ မြေသြဇာစျေးတွေ ခုန်ပျံတက်သွားခြင်းက ခုနှစ်စိုက်ပျိုးရာသီလယ်သမားတို့အတွက် အတော်လေး ဂယက်ရိုက်စေခဲ့ပါတယ်။ N46 လို့ ခေါ်ကြတဲ့ ပုလဲအစား ဘာသုံးရမလဲဆိုတဲ့ မေးခွန်းတွေလည်း တောင်သူတွေစီကနေထွက်လာခဲ့ပါတယ်။ နိုက်ထရိုဂျင် ၄၆ ရာခိုင်နှုန်းရဖို့ဆိုတာ ပုလဲသုံးမှမဟုတ်ပါဘူး။ သဘာဝမှာလည်း နိုက်ထရိုဂျင် ၄၆ ရာခိုင်းနှုန်း၊(သို့မဟုတ်)ပိုလို့တောင်ရနိုင်တာတွေရှိပါတယ်။

၁။ သဘာဝမြေသြဇာတွေနဲ့ အစားထိုးမယ်
သဘာဝမြေသြဇာတွေနဲ့ အစားထိုးသုံးတော့မယ်ဆိုရင် C:N ratio (စီအန်အချိုး) အကြောင်း အရင်သိသင့်ပါတယ်။ ဘာလို့လဲဆိုတော့ မြေကြီးထဲမှာ စီအန်အချိုး ၂၄:၁ ရှိမှ မြေအောင်း အကျိုးပြုပိုးတွေက အလုပ်လုပ်ပါတယ်။ ဒါမှ ထည့်သမျှကို အပင်ကစုပ်ယူနိုင်မှာပါ။ စီအန်အချိုးကို ဂရုမစိုက်ဘဲ ဝယ်ထည့်နေခြင်းက ဆုံးရှုံးမှုတွေများစေပါတယ်။ နိုက်ထရိုဂျင်များစွာပါဝင်တဲ့ သဘာဝမြေသြဇာလုပ်နည်းတွေကို ဒီဆောင်းပါးတွေမှာလေ့လာနိုင်ပါတယ်။

စူပါအီးအမ်ဘိုကာရှီမြေသြဇာပြုလုပ်နည်း (၁)

စူပါအီးအမ်ဘိုကာရှီမြေသြဇာပြုလုပ်နည်း (၂)

စူပါဘိုကာရှီ(super bokashi)

လွှစာဘိုကာရှီပြုလုပ်နည်း

ဒီသဘာဝမြေသြဇာတွေကတော့ စိုက်ပျိုးမြေထဲမှာ မြေသြဇာထုတ်စက်ရုံတွေ တည်ထားသလိုဖြစ်စေမယ့် နည်းတွေပါ။ ရေတိုမှာမသိသာပေမယ့် ရေရှည်မှာ အကျိုးများမှာမို့ ဒီမြေသြဇာတွေလုပ်သုံးပါ။

၂။ သစ်စိမ်းမြေသြဇာထည့်ခြင်း
ဒီနည်းလမ်းကတော့ နိုက်ထရိုဂျင်ကို ပရိုကျကျလိုချင်တဲ့သူတွေ၊ မြေသြဇာမလုပ်ဘဲ မျိုးစေ့ကြဲထားရုံနဲ့ နိုက်ထရိုဂျင်တွေရမယ့်နည်းပါ။ စိုက်ပျိုးရာသီမစခင် ကြိုတင်လုပ်ဆောင်ဖို့လိုပါတယ်။ ပြီးတော့ ကိုယ်စိုက်ချင်တဲ့ ဝင်ငွေရသီးနှံတွေနဲ့ သီးလှည့်စိုက်ပေးရမှာပါ။ ရိုးရှင်းပြီး အကျိုးများတဲ့ နည်းလမ်းတစ်မျိုးပါ။

သစ်စိမ်းမြေသြဇာ

သစ်စိမ်းမြေသြဇာ (၂)

သစ်စိမ်းမြေသြဇာ (၃)

မြေပြန့် ချယ်ရီပင် (gliricidia) အား သစ်စိမ်းမြေသြဇာ အနေဖြင့် အသုံးပြုခြင်း

အစွန်းရောက်ရာသီဥတုနှင့် သစ်စိမ်းမြေသြဇာအပင်များ

ဒီဆောင်းပါးတွေမှာ လေ့လာနိုင်ပါတယ်။

၃။ လွယ်လွယ်နဲ့မြန်မြန်ရမယ့် သဘာဝရွက်ဖျန်းများ
အပင်ပိုင်းကြီးထွားဖို့ အထောက်အကူပြုမယ့် နိုက်ထရိုဂျင်ထက် ပိုကောင်းတာတွေပါတဲ့ ရွက်ဖျန်းဆေးလုပ်နည်းတွေပါ။အချိန်သိပ်မပေးရဘဲ ကုန်ကြမ်းစုလို့လည်း လွယ်တဲ့နည်းတွေပါ။

Compost Tea (မြေဆွေး လက်ဖက်ရည်)

ငါးအမိုင်နိုအက်ဆစ်ပြုလုပ်နည်း (Fish Amino Acid - FAA)

အချဉ်ဖောက်ထားသော အရွက်အရည်ပြုလုပ်နည်း

ဒီနည်းတွေကတော့ အလျင်လိုနေပြီဆို သုံးလို့ရတဲ့ဆေးနည်းတွေပါ။ ပင်ပိုင်းအားကောင်းဖို့အတွက် N46 လို အာနိသင်မျိုးပေးနိုင်ပါတယ်။ လူတွေမှာ အကြောဆေးသွင်းသလိုဖြစ်တာကြောင့် နံပါတ်(၁)လို မြေသြဇာတွေကိုလည်း သုံးပေးပါ။ ရွက်ဖျန်းတစ်မျိုးကိုပဲ အားကိုးလို့မရကြောင်းလည်း သတိပေးပါရစေ။
ဒီလောက်ဆိုရင်တော့ N46တွေ မတတ်နိုင်ရင် ရွေးချယ်ရမယ့်နည်းလမ်းတွေကို သိကြပြီထင်ပါတယ်။ အဆင်ပြေကြပါစေရှင်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

N46 လို့ ခေါ်ကြတဲ့ ပုလဲအစား ဘာသုံးရမလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

N46 လို့ ခေါ်ကြတဲ့ ပုလဲအစား ဘာသုံးရမလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}