Greenway
အရည်ပျော်လွယ်သည့် အာဟာရဓာတ်များကို အပင်မပေါက်မှီ ကြဲခြင်းရှောင်ပါ။ ယင်းကဲ့သို့ပြုလုပ်ပါက သီးနှံပင်ကို ကြီးထွားမှုနှေးစေပြီး ပေါင်းပင်ကြီးထွားမှုကို အားပေးပါသည်။ ပေါင်းစေ့ပေါက်ရန်လည်း လှုံ့ဆော်ပေးပါသည်။ မြေသြဇာကို စိုက်တန်းများအနီး ကျွေးခြင်းဖြင့် သီးနှံပင်များများ ရရှိနိုင်ပါသည်။
Greenway
အရွက်နုများသည် စိမ်းညိုရောင်ပြောင်းနေသမျှ ကာလပတ်လုံးရောဂါဆိုးဝါးစွာ ကျရောက် သည်ကိုတွေ့ရှိ ရပါသည်။ အဖူး၊ အပွင့်၊ ရိုးတံ၊ ကိုင်းနု တို့ကိုဖျက်ဆီးသည်။
Greenway
အရွက်သေးငယ်ခြင်း၊ ဆစ်ကြားတိုခြင်း၊ ကြားဖူးများမှ မူမမှန်ကိုင်းများစွာ ထွက်ခြင်း၊ အပွင့်အင်္ဂါ အစိတ်အပိုင်းများ အစိမ်းရောင် ဖြစ်ခြင်းတို့ကိုတွေ့မြင်နိုင်ပါသည်။ နှမ်းခင်းအား အဝေးမှာ ကြည့်ပါက ထိပ်ဖျားတွင် အထက်ပါ လက္ခဏာကြောင့် အဆုပ်လိုက်အဆုပ်လိုက် အပွင့်ရောင်မရှိဘဲ အစိမ်းရောင် ကိုတွေ့မြင်နိုင်ပါသည်
Greenovator
သီးထိုးယင်ကျရောက် ဖျက်ဆီးမှုကို ပုပ်ရိနေသော အသီးများ ကြွေကျနေခြင်းဖြင့် သီးထိုးယင်များ ကျရောက်နေပြီကို သိရှိနိုင်သည်။ မကြွေကျသေးသော သရက်သီးများတွင် ဖျက်ဆီးထားသော နေရာတဝိုက်၌ အသီးရောင် ပျက်နေခြင်း၊ အသားပျော့နေခြင်း၊ အသားချိုင့်ဝင်နေခြင်းများ တွေ့ရှိရသည်။
Greenway
စိုဓာတ်များသည့်မြေတွင် မျိုးစေ့ကို တိုက်ခိုက်ခံရပြီးမြေအောက်တွင်ပင် မျိုးစေ့၊ မျိုးညှောက်များ ပုတ်ဆွေး သွားတတ်သည်။ ၎င်းတို့ကိုမြေထဲမှ အသာလေး ထုတ်ယူကြည့်ပါက မှိုစပိုးများ မဲနက်စွာ ဖုံးအုပ် နေသည်ကိုတွေ့နိုင်သည်။ မြေအောက်တွင် ပုတ်ဆွေးသေဆုံးခြင်း မဖြစ်သေးသော မျိုးစေ့များမှ မျိုးညှောက်များသည် မြေပေါ်သို့ ထွက်လာပြီး မကြာမီ အပင်ခြေတွင်ရေစိုနာအသွင် ဖြစ်နေပြီး အညိုရောင်ပြောင်းသွားကာ ပျိုးပင်၏ မြေပြင်ညီနေရာတွင် အမဲရောင် မှိုစပိုးများ ဖုံးအုပ်သွားသည်။ ရောဂါတိုးလာသည်နှင့်အမျှ အပင်ခြေသည် ညိုမဲရောင်ပြောင်း၍ ပိန်ရှုံ့သွားပြီး လျှင်မြန်စွာသေဆုံး သွားလေ့ရှိသည်။
Greenway
သရက်ပင်၏ နုနယ်သောအရွက်၊ ပန်းခိုင်၊ အကိုင်းအနုများ၏ သစ်ရည်များကို ပြွန်ပုံနှုတ်သီးဖြင့် စုပ်ယူစားသုံးသောကြောင့် ညှိုးနွမ်း၊ တွန့်လိမ်၍ နောက်ဆုံးခြောက်သွေ့သေဆုံးကြရသည်။ ဖြုတ်ပိုး၏ သစ်ရည်စုပ်ယူမှုကြောင့် ပန်းခိုင်များ အသီး မတင်နိုင်တော့ချေ။ အသီးကင်းများတွင်လည်း ယင်းဖြုတတ်ပိုး၏ စုပ်ယူစားသုံးမှုခံရ၍ သီးကင်းများ ခြောက်သွေ့ကြွေကျကုန်သည်။ အသီးတင်မှုနည်းစေ၍ အထွက်နုူန်းကို လျော့ကျစေသည်။
Greenway
ပင်စည်ထိုးပိုးသည် သရက်ပင်များကို ဆိုးဝါးစွာ ဖျက်ဆီးသော ပိုးတစ်မျိုး ဖြစ်သည်။ သရက်ပင်များသည် နာလန်မထူနိုင်အောင်ပင် တိုက်ခိုက် ဖျက်ဆီးသည်။ မိုးများသောဒေသများတွင် ပိုမို ကျရောက်သည်။
Greenway
တစ်ချို့နှစ်တွင် သာမညဖြစ်၍ တစ်ချို့နှစ်တွင် ဆိုးရွားစွာ ကျရောက်တတ်သည်။ ဥမှပေါက်ခါစ ပိုးလောက်ကောင်သည် အရွက်ကို ခြစ်စားသည်။ အရွက်မှာ အစိမ်းရောင်ပျောက်ပြီး ဝါကုန်သည်။ ပိုးလောက်ကောင်ကြီးများသည် အရွက်များကို ကိုက်ဖြတ်စားသဖြင့် အရွက်များ စုတ်ပြတ်နေပြီး၊ အချို့အရွက်များမှာ ရိုးတံသာ ကျန်သည်။ အရွက်ပေါ်တွင် ပိုးမစင်များ ကိုတွေ့နိုင်သည်။
Greenway
ဆေးတစ်မျိုးတည်း ဆက်တိုက် သုံးစွဲပါက ပေါင်းသတ်ဆေး ဒဏ်ခံနိုင်သော ပေါင်းမျိုးစိတ်များနှင့် နှိမ်နင်းရခက်သော ပေါင်းများ ပေါ်ပေါက်လာနိုင်သဖြင့် ဖြစ်နိုင်ပါက ဆေးအုပ်စု မတူသော ဆေးကို ပြောင်းလဲ သုံးစွဲပါ။
Greenway
တွင်း အစိုဓာတ်များခြင်း၊ မဆွေးမြေ့သေးသော ပင်ကြွင်းကျန်များ ရှိနေခြင်း၊ မြေချဉ်ငံဓာတ်နိမ့်ခြင်း၊ အပူချိန် (၂၈-၃၀) ဒီဂရီ စင်တီဂရိတ် ရှိခြင်းတို့သည် ရောဂါ ဖြစ်ပွားရန် အကောင်းဆုံး အခြေအနေ ဖြစ်ပါသည်။ အပူချိန် မြင့်သော ဒေသတွင် ရေသွင်း စိုက်ပျိုးရသော ကုလားပဲခင်း၌ အပင်အရွယ် မရွေး ရောဂါ ဖြစ်ပေါ်နိုင်ပါသည်။ စပါးအပြီး ကုလားပဲ သီးထပ် စိုက်ပျိုးသောဒေသတွင် ရောဂါ ပိုမို တွေ့ရှိနိုင်ပါသည်။
Greenway
ထရိုင်ကိုဒါးမားမှိုသည် ကောက်ရိုး၊ ပြောင်းရိုး၊ ကြံရွက်၊ ကြံကြိတ်ဖတ်၊ ပဲပင်နွယ်၊ မြက်နှင့်ပေါင်းပင်များကို လျှင်မြန်စွာဆွေးမြေ့စေသည်။ ၎င်းတို့ကို မူလ ရိုးရာနည်းဖြင့်မြေဆွေး ပြုလုပ်လျှင် ၃-လခန့် ကြာသော်လည်း ထရိုင်ကိုဒါးမားမှိုကို သုံးလျှင် ၃-၄ ပတ်ခန့်သာ ကြာသည်။
Greenway
နှမ်းပင်၏ ပင်ခြေပိုင်း၌ အညိုရောင် အနာကွက်ငယ်များ စတင်ဖြစ်ပေါ်သည်။ ရောဂါ ပြင်းထန်ပါက ရောဂါရ အပိုင်းရှိ တစ်ရှုးသားများ ညိုမည်းလာပြီး အချို့မှာ အနာချိုင့် ဖြစ်လာသည်။ အခေါက်များလည်း ဖွာလန်၍ လာသည်။ ထို့ပြင် ယင်းတစ်ရှုးများပေါ်တွင် ခပ်မည်းမည်း အဖုကလေးများ ဖြစ်ပေါ်လျက်ရှိသည်။
Greenway
ရာသီဥတု ပူနွေး စွတ်စိုပါက မှိုမျှင်များ တစ်ပင်မှ တစ်ပင်သို့ကူးယှက် သွားသည်။ ဖြူဖွေးသော မှိုမျှင်များပေါ်တွင်ဆေးစေ့မှ မုံညင်းစေ့အရွယ်ရှိမှို၏ နားနေ အင်္ဂါဖြစ်သော စကယ်လ်ရိုရှမ် များပေါက်နေသည် ကိုတွေ့ရသည်။
Greenway
အရွက်ကြွေခြင်း ဖြစ်ပေါ်စေသည်။ မှိုသတ်ဆေးသုံးစွဲမှု နည်းသောဒေသများတွင် သီးနှံအထွက် ဆုံးရှုံးမှု၅၀ ရာခိုင်နှုန်းကျော် ဖြစ်ပေါ်သည်။ Pucciniaarachidisမှိုကြောင့် ဖြစ်သော သံချေးရောဂါနှင့် အတူ ကျရောက်ပါက မှို သတ်ဆေးကို ၆ကြိမ်မှ၈ကြိမ် အထိ ဖြန်းပေး ရသည်။ တောင်သူငယ်များ အတွက်ကြီးမားသော ကုန်ကျစရိတ်ဖြစ်ပြီး စီးပွားရေး တွက်ချေကို ရရန် မသေချာပေ။ ကာကွယ်နှိမ်နင်းခြင်း
Greenway
အပင်ငယ်စဉ်တွင် ရောဂါရ အပင်သည် အရွက်များအောက်သို့ ငိုက်ကျခြင်း၊ အစိမ်းရောင်ဖျော့ခြင်း၊ မြေကြီးပေါ်သို့ လဲကျနေခြင်းများ တွေ့ရှိနိုင်သည်။ လဲကျနေသော ပင်စည်သည် သိမ်ပြီး ရှုံ့နေသည်။ အမြစ်ပိုင်း၏ ပြင်ပ လက္ခဏာသည် ထူးခြား ပြောင်းလဲမှု မရှိပါ။ အမြစ်၏ အတွင်းသား ခွဲကြည့်လျှင် အညိုရောင် ပြောင်းလဲနေသည်ကို တွေ့ရပါသည်။
Greenway
အရွက်၊ အဖူး၊ အပွင့်၊ အသီးတို့ကို ပိုးလောက်ကောင် ဘဝတွင် ကိုက်ဖြတ်ဖျက်ဆီးသည်။ အရွက်များတွင် ဆန်ခါပေါက် ကျ၍ အရွက်ကြောများသာ ကျန်သည်အထိ ဖျက်ဆီး၍ အဖူး၊ အပွင့်၊ အသီးများ ပဲ့နေခြင်း၊ ပြတ်နေခြင်းတို့ကို တွေ့ရသည်။ ပိုးလောက်ကောင်၏ ဦးခေါင်းပိုင်းနှင့် ခန္ဓာကိုယ် ထက်ဝက်ခန့်သည် အသီးတွင်းသို့ ဝင်ရောက် စားသောက်တတ်ပါသည်။
Greenway
ရောဂါရ ကြက်သွန် ဥ၏ ဂုတ် လည်ပတ်တွင် တစ်သျှူးသားများ ပျော့၍ အညိုရောင် ဖြစ်နေသည်။ ထပ်ဆင့်၍ ၎င်း တစ်သျှူးသားမှ မှို အစုအဝေးသည် အညိုရောင်မှ အနက်ရောင်သို့ တဖြည်းဖြည်း ပြောင်းလဲ လာသည်ကို တွေ့ရှိရပါသည်။ ထို့နောက် နေလောင် သကဲ့သို့ ခြောက်ပြီး ဥတစ်ခုလုံး ပုံသဏ္ဍာန် ပျက်သွားသည်။ ၎င်းမှ တဆင့် ဘက်တီးရီးယား ဝင်ရောက်ခြင်းကြောင့် အပျော့ပုပ် ရောဂါ ထပ်ဆင့်၍ ဖြစ်စေနိုင် ပါသည်။
Greenway
ကြက်သွန် အမြိတ်ပေါ်တွင် အညိုရောင် အပြောက် အလယ်၌ ခရမ်းရောင်များ ဖြစ်ပေါ်နေခြင်းသည် ဤရောဂါ၏ ထင်ရှားသော လက္ခဏာ ဖြစ်သည်။ ရာသီဥတု အခြေအနေ ပေးပါက ၎င်းကွက်ပြောက်သည် ခရမ်းရောင် ဘဲဥပုံ ဗဟိုတူ စက်ဝိုင်းရစ်များ ဖြစ်ပေါ်လာပါသည်။ အမြိတ်ရင့်များပေါ်တွင် ရောဂါ ကျရောက်မှု ပိုမို တွေ့ရှိရပါသည်။ ရောဂါ ကျရောက်မှု ပြင်းထန်ပါက အမြိတ်တွင် ရောဂါ တစ်ပတ်ပတ်မိပြီး ကျိုးကျ စေပါသည်။ ကြက်သွန်ဥ တူးဖော်ချိန် ရောဂါ ကျရောက်ပါက ဥများပေါ်တွင် ရေစိုနာကွက် ဖြစ်ပြီး ပျော့ပုပ်စေနိုင်ပါသည်။ အမြိတ်နှင့် ဥ ဆက်သည့် နေရာတွင် အဝါရင့်ရောင်၊ နီညိုရောင် အနာကွက်များပေါ်၌ အညိုရောင် မှိုမျှင်စုများ တွေ့ရပြီး ရောဂါရ တစ်သျှူးသားမှာ စက္ကူကဲ့သို့ပါးပြီး ညိုခြောက်သွားသည်။
Greenovator
အရွက်ရင့်များတွင် စတင် ဖြစ်သည်။ အကွက်ရှည်များထဲတွင် မီးခိုးပြာ (သို့မဟုတ်) ခရမ်းမှိုင်းရောင် မှိုအစုအဝေးကို တွေ့နိုင်သည်။ နောက်ပိုင်းတွင် ၎င်းနေရာများဖြူ၍ ခြောက်သွားသည်။ သိုလှောင်ထားသော ကြက်သွန်များတွင် ရောဂါကျပါက ပုပ်၍ ရှုံ့တွလာသည်။ အပြင်ဘက် ရွက်ဖတ်များမှာ အရောင်ပြယ်ပြီး အရွယ်မရောက်မီ အညှောင့်ပေါက်လာနိုင်သည်။
Greenway
ပျိုးခင်းတွင် ဆိုးဝါးသည်။ ငယ်စဉ်တွင် အရွက်အစိမ်းပိုင်းကို ခြစ်စားသည်။ အစုလိုက် အပြုံလိုက် စားသည်။ အကောင်ကြီးလာသောအခါ အရွက်ကို ကိုက်စားသည်။ အရွက်များ အဖြူကွက်ဖြစ်ပြီး စုတ်ပြတ်နေသည်။
Greenway
ပင်စိမ်းရွက် စစ်ထုတ်ရည်(ကြိတ်ရည်) - စစ်ထုတ်ရည်သည် ထောပတ်ပင်၊ မက်မွန်ပင်နှင့် အခြားသစ်သီးပင်များတွင် ကျရောက်သည့် ရွက်ထွင်းပိုးများ၏ ပိုးတုံးလုံးများပေါ်၌ မေ့မြော့ အာနိသင် ရှိပြီး၊ အကောင်ကြီးများပေါ်၌ ဟန့်တား အာနိသင် ရှိသည်။ ယင်းအာနိသင်သည် (၉၀) ရာခိုင်နှုန်း ထိရောက်မှုရှိသည်။
